ସୁନା ଦୋକାନରୁ ଲୁଟ ଘଟଣା : କେନ୍ଦ୍ରାଞ୍ଚଳ ଆଇଜି ଓ ଏସପି ଘଟଣାସ୍ଥଳ ଯାଇ କଲେ ଅନୁଧ୍ୟାନ; କହିଲେ, ଖୁବଶୀଘ୍ର ଧରାହେବେ ଅଭିଯୁକ୍ତ
କନକ ବ୍ୟୁରୋ : ଯାଜପୁର ବ୍ୟାସନଗର ସେନକୋ ଗୋଲ୍ଡ ସୋରୁମ୍ ଲୁଟ ଘଟଣାକୁ ତିନି ଦିନ ବିତିଲାଣି । କିନ୍ତୁ ଲୁଟେରାଙ୍କ ପାଖରେ ପହଞ୍ଚିପାରିନି ପୁଲିସ । ଆଜି କେନ୍ଦ୍ରାଞ୍ଚଳ ଆଇଜି ନରସିଂହ ଭୋଳ ଏବଂ ଯାଜପୁର ଏସପି ଘଟଣା ସ୍ଥଳ ପରିଦର୍ଶନ କରିଛନ୍ତି । କିପରି ଲୁଟ ହେଲା ସେନେଇ ସମୀକ୍ଷା କରିଛନ୍ତି ଲୁଟ୍ ହଜାଇଛି ପୋଲିସର ନିଦ ଆଇଜି । ଆଇଜି କହିଛନ୍ତି, ୫ଟି ଟିମ ଘଟଣାର ସବୁ ଦିଗକୁ ଅନୁଧ୍ୟାନ କରି ତଦନ୍ତ କରୁଛି । ଯାହା ପ୍ରାଥମିକ ପ୍ରମାଣ ମିଳିଛି ସେଥିରୁ ଉକ୍ତ ଗ୍ୟାଙ୍ଗକୁ ଧରିବାକୁ ଚେଷ୍ଟା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
କ୍ରାଇମବ୍ରାଂଚ ଏବଂ ବାହାର ରାଜ୍ୟ ପୁଲିସ ସହ ମଧ୍ୟ ଯୋଗାଯୋଗ କରାଯାଇଥିବା କହିଛନ୍ତି ଲୁଟ୍ ହଜାଇଛି ପୋଲିସର ନିଦ ଆଇଛି । ରବିବାର ସୋରୁମ୍କୁ ଗ୍ରାହକ ବେଶରେ ଆସି ୭ ଜଣ ଲୁଟେରା ୨୫ କେଜି ସୁନା, ହୀରା, ପ୍ଲାଟିନମ୍ ଲୁଟି ନେଇଥିଲେ । ଯାହାର ଆନୁମାନିକ ମୂଲ୍ୟ ୧୫ କୋଟି ହେବ ବୋଲି ଆକଳନ କରାଯାଇଛି । ପୁଲିସ ଏହି ଘଟଣାରେ ସମ୍ପୃକ୍ତି ଥିବା ତିନି ଜଣ ଲୁଟେରାଙ୍କ ପୋଷ୍ଟର ଜାରି କରିଛି ।
ଦୁଇଟି ବାଇକରେ ୭ ଜଣ ଡକାୟତ ଶୋରୁମ୍ ଭିତରେ ଗ୍ରାହକ ହିସାବରେ ପ୍ରବେଶ କରିଥିଲେ । ପରେ କର୍ମଚାରୀଙ୍କୁ ମାଡମାରି ବନ୍ଧୁକ ମୁନରେ ଗହଣା ସବୁ ଲୁଟି ନେଇ ବାହାରୁ ସଟର ପକାଇ ବନ୍ଦ କରି ଫେରାର ହୋଇ ଯାଇଥିଲେ । ଆକ୍ରମଣରେ ସୋରୁମର ୨ କର୍ମଚାରୀ ଆହତ ହୋଇଥିଲେ । ଦୁଇଜଣ ଯୁବକ ଚେନ କିଣିବା ବାହାନାରେ ଦୋକାନ ଭିତରକୁ ପଶିଥିଲେ । ଆଉ ସେଠାରେ କେହି ଗ୍ରାହକ ନଥିବା ଜାଣିବା ପରେ ଫୋନରେ ନିଜ ସାଙ୍ଗମାନଙ୍କୁ ଡାକିଥିଲେ । ଦୁର୍ବୃତମାନେ ହିନ୍ଦୀ ଭାଷାରେ କଥା ହେଉଥିଲେ ଓ ସେମାନଙ୍କ ହାତରେ ବନ୍ଧୁକ ରହିଥିଲା ।