ଚାଷ ପାଇଁ କେନ୍ଦ୍ର ସରକାର ଯୋଜନା ପରେ ପ୍ରସ୍ତୁତ କରୁଛନ୍ତି । କିନ୍ତୁ ଏହି ଯୋଜନାମାନ କେତେ ମାତ୍ରାରେ କାର୍ଯ୍ୟକାରୀ ହେଉଛି ତାକୁ ନେଇ ଏବେ ଉଠିଛି ବଡ ପ୍ରଶ୍ନ । ଫିଲ୍ମ ଜଗତର ମିଛ କାହାଣୀ ବେଳେବେଳେ ବାସ୍ତବ ଜୀବନରେ ମଧ୍ୟ ପ୍ରତିଫଳିତ ହୋଇଥାଏ । ହିନ୍ଦୀ ଫିଲ୍ମ ମଦର ଇଣ୍ଡିଆ ଭଳି ବିହାର ସାରଣ ଜିଲାରେ ଘଟିଛି ଏକ ଘଟଣା । ୧୯୫୭ରେ ମୁକ୍ତିଲାଭ କରିଥିବା ଏହି ଫିଲ୍ମରେ ରାଧା ନାମକ ଚରିତ୍ର ବଳଦ ବଦଳରେ ନିଜେ ଲଙ୍ଗଳ ଟାଣୁଥିବାର ଦେଖିବାକୁ ମିଳିଥିଲା ।
Kanak News is now on WhatsApp
Join and get latest news updates delivered to you via WhatsApp
ଆଉ ଠିକ ସେହିପରି ମୁଫସିଲ୍ ଥାନା ଅନ୍ତର୍ଗତ ମଖଦୁମଗଞ୍ଜ ଗାଁରେ ଜବାହର ରାୟ ନାମକ ଜଣେ କୃଷକ ଅର୍ଥ ଅଭାବରୁ ଜମି କିଭଳି ଚାଷ ହେବ ସେ ନେଇ ଚିନ୍ତାରେ ପଡ଼ିଥିବାବେଳେ ତାଙ୍କ ଦୁଇ ପୁଅ ଅମର ଓ ରଞ୍ଜିତ ବଳଦ ବଦଳରେ ଲଙ୍ଗଳ ଟାଣିବା ପାଇଁ ମା’ ଲିଳାବତୀଙ୍କୁ କହିଥିଲେ । ଜବାହର ପୁଅଙ୍କୁ ଧରି ଚାଷ ଜମିରେ ଆରମ୍ଭ କରିଥିଲେ ଚାଷ। ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯାହାକୁ ନେଇ ବିଭିନ୍ନ ବର୍ଗର ଲୋକମାନଙ୍କ ମଧ୍ୟରେ ଚର୍ଚ୍ଚା ଜୋର ଧରିଛି ।