ଆମେରିକା ବଢାଇବ ଭାରତର ଶକ୍ତି । ଆକାଶମାର୍ଗରେ ପାଦ ଦେଉ ଦେଉ ଶତ୍ରୁପକ୍ଷଙ୍କ ହେବ ସର୍ବନାଶ ।
କନକ ବ୍ୟୁରୋ : ଭାରତର ଶକ୍ତି ବଢାଇବ ଆମେରିକା । ଆକାଶ ମାର୍ଗରେ ପାଦ ଦେଉ ଦେଉ ଶତ୍ରୁ ପକ୍ଷଙ୍କ ମିସାଇଲକୁ ଅଚଳ କରିଦେବ ଭାରତ । ମୋଦି ସରକାରର ପ୍ରଥମ ପାଳିରେ ଭାରତର ପ୍ରତିରକ୍ଷା ମନ୍ତ୍ରାଳୟ ଆମେରିକା ଠାରୁ NASAMS 2 କିଣିବା ପ୍ରକ୍ରିୟା ଆରମ୍ଭ କରିଥିଲା । ଏବେ ଆମେରିକାର ସହ ହୋଇଥିବା ଏହି ଡିଲରେ ମୋହର ଲାଗିବାର ସମ୍ଭାବନା ରହିଥିବା ଜଣାପଡିଛି । ତେବେ ଏହି ଡିଲ୍ ପାଖାପାଖି ୬୦୦୦ କୋଟି ଟଙ୍କା ହେବ । ତେବେ ଆସନ୍ତୁ ଜାଣିବା ଏହି ଯୁଦ୍ଧାସ୍ତ୍ରର ବିଶେଷତ୍ତ୍ୱ ।
Kanak News is now on WhatsApp
Join and get latest news updates delivered to you via WhatsApp
ଏହି ସିଷ୍ଟମ୍ ୨୫ କିଲୋମିଟର ଉଚ୍ଚରୁ ୫୫ରୁ ୧୮୦ କିଲୋମିଟର ଭିତରେ ଆସୁଥିବା ପ୍ରତିଟି ଏୟାରକ୍ରାଫ୍ଟ, ଡ୍ରୋନ୍ କିମ୍ବା ମିସାଇଲକୁ ଅଚଳ କରିଦେବ । ଆମେରିକାରେ ତିଆରି ହୋଇଥିବା ଏହି ସିଷ୍ଟମରେ ଭୁପୃଷ୍ଠରୁ ଆକଶମାର୍ଗକୁ ଫାୟାର ହେଉଥିବା ଷ୍ଟିଂଙ୍ଗର ମିସାଇଲ୍ ଏବଂ ଗନ୍ ସିଷ୍ଟମ୍ ରହିଛି । ଅର୍ଥାତ କିଛି ସମୟ ମଧ୍ୟରେ ଆକାଶମାର୍ଗରେ ଆସୁଥିବା ଶତ୍ରୁପକ୍ଷଙ୍କ ମିସାଇଲ କିମ୍ବା ଡ୍ରୋନକୁ କ୍ଷଣିକ ସମୟ ମଧ୍ୟରେ ଅଚଳ କରିଦେବ ଭାରତ । ଗତବର୍ଷ ଅକ୍ଟୋବର ମାସ ୫ ତାରିଖରେ ଋଷିଆ ଠାରୁ ଏସ୪୦୦ ମିସାଇଲ୍ ଡିଫେନ୍ସ ସିଷ୍ଟମ କିଣିବା ପାଇଁ ଡିଲ୍ କରିଥିଲା ଭାରତ ।