କନକ ବ୍ୟୁରୋ: ମେକ୍ ଇନ୍ ଇଣ୍ଡିଆକୁ ଅଧିକ ଗତି ଦେବାକୁ ଭାରତୀୟ ବାୟୁସେନା ନେବାକୁ ଯାଉଛି ବଡ ନିଷ୍ପତ୍ତି । ଭାରତୀୟ ବାୟୁସେନା ଭାରତରେ ହିଁ ୧୦୦ଟି ଆଡଭାନ୍ସ ଫାଇଟର ଜେଟ୍ ନିର୍ମାଣ କରିବାକୁ ଯୋଜନା କରୁଛି । ଏଥିପାଇଁ ଏୟାରଫୋର୍ସ ଗ୍ଲୋବାଲ ବିମାନ ନିର୍ମାଣକର୍ତ୍ତାଙ୍କ ସହିତ କଥାବାର୍ତ୍ତା ଆରମ୍ଭ କରିଛି ।
Kanak News is now on WhatsApp
Join and get latest news updates delivered to you via WhatsApp
ସେନାର ଉଚ୍ଚ ଅଧିକାରୀଙ୍କ କହିବା ମୁତାବକ, ଏହା ପ୍ରଥମ ଥର ହେବ ଯେ, ବାୟୁସେନାର ଏହି ପ୍ରୋଜେକ୍ଟ ପାଇଁ ୭୦ ପ୍ରତିଶତ ଅର୍ଥ ଭାରତୀୟ ମୁଦ୍ରାରେ କରାଯିବ । ତେବେ ଏହି ପ୍ରୋଜେକ୍ଟରେ ମୋଟ ୯୬ଟି ବିମାନ ନିର୍ମାଣ କରାଯିବ । ଯେଉଁଥିରୁ କେବଳ ୩୬ଟି ବିମାନ ପାଇଁ ଭାରତୀୟ ଓ ବିଦେଶୀ ମୁଦ୍ରାରେ ଟଙ୍କା ଦିଆଯିବ ଆଉ ବାକି ୬୦ଟି ବିମାନ ପାଇଁ କେବଳ ଭାରତୀୟ ମୁଦ୍ରାରେ ପେମେଣ୍ଟ ଦିଆଯିବ ।
ତେବେ ଭାରତୀୟ ବାୟୁସେନା ମୋଟ ୧୧୪ଟି ବିମାନ କିଣିବାକୁ ଯୋଜନା ପ୍ରସ୍ତୁତ କରିଛି । ଯାହାଦ୍ୱାର ସେନାର ଶକ୍ତି ବଢିବ । ଅନ୍ୟପଟେ ଏହି ପ୍ରୋଜେକ୍ଟରେ ମିଗ୍ ସିରିଜ୍ ବିମାନକୁ ବଦଳାଯିବ । ତେବେ ଭାରତୀୟ ସେନାର ଏହି ପ୍ରୋଜେକ୍ଟ ପାଇବା ପାଇଁ ବୋଇିଂ, ଲକହୀଡ ମାର୍ଟିନ,ଏମଆଇଜି, ଡସାଲ୍ଟ ଭଳି କମ୍ପାନୀ ରେସରେ ଅଛନ୍ତି । ଯାହାକି ଆଗାମୀ ୩ ବର୍ଷ ଭିତରେ ପୂରା ହୋଇପାରେ ।