ପଦକ ବିଜେତା ହକି ଟିମରେ ସାମିଲ ଥିବା ୨ ହରିଆଣା ଖେଳାଳୀଙ୍କ ପାଇଁ ରାଜ୍ୟ ସରକାର ଘୋଷଣା କଲେ ପୁରସ୍କାର ରାଶି, ଉଭୟଙ୍କୁ ମିଳିବ ୨.୫ କୋଟି ଲେଖାଏଁ ଟଙ୍କା
କନକ ବ୍ୟୁରୋ : ଟୋକିଓ ଅଲିମ୍ପିକ୍ସରେ ଭାରତୀୟ ହକି ଦଳ ସୁନ୍ଦର ପ୍ରଦର୍ଶନ କରିଛି । ଭାରତୀୟ ହକି ଟିମରେ ସାମିଲ ଥିବା ହରିଆଣାର ୨ ଜଣ ଖେଳାଳୀଙ୍କ ପାଇଁ ପୁରସ୍କାର ରାଶି ଘୋଷଣା କରିଛନ୍ତି ରାଜ୍ୟ ସରକାର । ହରିଆଣା ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟର ଗୁରୁବାର ଦିନ ଘୋଷଣା କରିଛନ୍ତି କି ଭାରତୀୟ ହକି ଟିମରେ ସାମିଲ ଥିବା ହରିଆଣାର ୨ ଜଣ ଖେଳାଳୀଙ୍କୁ ସରକାରଙ୍କ ତରଫରୁ ୨.୫ କୋଟି ଟଙ୍କା ଲେଖାଏଁ ପୁରସ୍କାର ରାଶି ପ୍ରଦାନ କରାଯିବ । ଏହାସହ ସେମାନଙ୍କୁ ଗ୍ରୁପ ବି ରେ ଚାକିରୀ ମିଳିବ । କେବଳ ସେତିକି ନୁହେଁ ସେମାନଙ୍କୁ ରାଜ୍ୟ ଖେଳ ବିଭାଗର ସିନିୟର କୋଚ ପଦ ବି ମିଳିବ । ଏହା ବ୍ୟତୀତ ହରିଆଣା ସହରୀ ବିକାଶ ପ୍ରାଧିକରଣ ତରଫରୁ ୨ ଖେଳାଳୀଙ୍କୁ ରିଆତି ଦରରେ ଗୋଟିଏ ଲେଖାଏଁ ପ୍ଲଟ ଯୋଗାଇ ଦିଆଯିବ ବୋଲି ଘୋଷଣା କରାଯାଇଛି । କହିରଖୁ କି ଭାରତୀୟ ହକି ଟିମରେ ସୋନିପତରୁ ସୁମିତ କୁମାର ଓ କୁରୁକ୍ଷେତ୍ରରୁ ସୁରେନ୍ଦ୍ର କୁମାର ସାମିଲ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
Both Haryana players (Surender Kumar in Kurukshetra & Sumit in Sonipat) playing in Indian hockey team will be given Rs 2.5 Crores each, jobs in Sports department and HSVP (Haryana Shahari Vikas Pradhikaran) plots at concessional rates, announces Haryana Government. #Olympics
— ANI (@ANI) August 5, 2021
ଅନ୍ୟପଟେ ଭାରତୀୟ ହକି ଟିମର ବିଜୟ ଓ ପଞ୍ଜାବ ଖେଳାଳୀଙ୍କ ଦମଦାର ପ୍ରଦର୍ଶନ ପରେ ପଞ୍ଜାବ କ୍ରୀଡାମନ୍ତ୍ରୀ ରାଣା ସୋଢୀ ଘୋଷଣା କରିଥିଲେ କି ତାଙ୍କ ସରକାର ପଦକ ବିଜେତା ହକି ଟିମର ପ୍ରତ୍ୟେକ ଖେଳାଳୀଙ୍କୁ ୧ କୋଟି ଟଙ୍କା ଲେଖାଏଁ ପ୍ରଦାନ କରିବ ।
ସୂଚନା ଥାଉକି ଭାରତୀୟ ହକି ଟିମ୍ ୪୧ ବର୍ଷ ପରେ ଟୋକିଓ ଅଲିମ୍ପିକ୍ସରେ ପଦକ ଆଣିବାରେ ସଫଳ ହୋଇଛନ୍ତି । ଏହି ସଫଳତା ପଛରେ ପଞ୍ଜାବ ଓ ହରିଆଣା ଖେଳାଳୀଙ୍କୁ ପ୍ରଦର୍ଶନ ଭଲ ରହିଥିଲା । ଗୁରୁବାର ସକାଳେ ଯେତେବେଳେ ଭାରତୀୟ ହକି ଟିମ୍ ଜର୍ମାନୀ ଠାରୁ ବିଜୟ ହୋଇଥିଲା ଏହି ଦୁଇଟି ରାଜ୍ୟରେ ଖୁସିର ଲହରି ଖେଳିଯାଇଥିଲା । ଏହା ପୂର୍ବରୁ ୧୯୮୦ ଅଲିମ୍ପିକ୍ସରେ ଭାରତ ହକି ଖେଳରେ ପଦକ ଜିତିବାରେ ସକ୍ଷମ ହୋଇଥିଲା ।