ହାର୍ଦ୍ଦିକଙ୍କ ଟାର୍ଗେଟରେ କଂଗ୍ରେସ, ହିନ୍ଦୁଙ୍କୁ ନେଇ କଂଗ୍ରେସକୁ ପଚାରିଲେ ଏଭଳି ପ୍ରଶ୍ନ
କନକ ବ୍ୟୁରୋ : ଗୁଜୁରାଟର ପୂର୍ବ କଂଗ୍ରେସ ନେତା ହାର୍ଦ୍ଦିକ ପଟେଲ ଦଳ ଛାଡିବା ପରେ ଆଜି କଂଗ୍ରେସ ଉପରେ ବର୍ଷିଛନ୍ତି । ସେ ଏକ ଟ୍ୱିଟ କରି କହିଛନ୍ତି କି, କଂଗ୍ରେସ ସବୁବେଳେ ହିନ୍ଦୁମାନଙ୍କର କ୍ଷତି ହେବା ଭଳି କାମ କରୁଛି । ଏହାସହ ସର୍ବଦା ହିନ୍ଦୁ ଧର୍ମର ଆସ୍ଥା ଉପରେ କଂଗ୍ରେସ ଆକ୍ରମଣ କରିବାକୁ ପ୍ରୟାସ ଜାରି ରଖିଥିବା କଥା ସେ କହିଛନ୍ତି । ଏହାସହ ଗୁଜୁରାଟର ବରିଷ୍ଠ କଂଗ୍ରେସ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ଭରତ ସୋଲଙ୍କୀଙ୍କ ବୟାନକୁ ନେଇ ସେ କହିଛନ୍ତି ଯେ ହିନ୍ଦୁମାନଙ୍କ ପ୍ରତି କଂଗ୍ରେସର ନଜର ସର୍ବଦା ଏହି ଭଳି । କହିରଖୁ କି କିଛିଦିନ ତଳେ ଭରତ ସୋଲଙ୍କୀ କହିଥିଲେ କି ଏବେ ରାମ ମନ୍ଦିରର ଇଟା ଉପରେ କୁକୁର ପରିଶ୍ରା କରୁଛି । ଅନ୍ୟପଟେ ସେ କଂଗ୍ରେସ ନେତାମାନଙ୍କ ପଶ୍ନଛଳରେ କହିଛନ୍ତି କି ପ୍ରଭୂ ଶ୍ରୀରାମଙ୍କ ସହ ତୁମର ଶତ୍ରୁତା କଣ ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଗୁଜୁରାଟ କଂଗ୍ରେସର କାର୍ଯ୍ୟକାରୀ ଅଧ୍ୟକ୍ଷ ଥିବା ହାର୍ଦ୍ଦିକ ପଟେଲ ଗତ ବୁଧବାର ଦିନ ଦଳରୁ ଇସ୍ତଫା ଦେଇଥିଲେ । ସେ ଦଳର ହାଇକମାଣ୍ଡଙ୍କ ନିକଟକୁ ପଠାଇଥିବା ଇସ୍ତଫା ପତ୍ରରେ ଲେଖିଥିଲେ କି ଯେତେବେଳେ ଦେଶକୁ ଏକ ବିକଳ୍ପର ଆବଶ୍ୟକତା ରହିଛି ସେତେବେଳେ କଂଗ୍ରେସ କେବଳ ବିରୋଧ ରାଜନୀତିରେ ସୀମିତ ରହିଯାଉଛି ।
Hardik Patel, who recently quit Congress, claims that “a former Union Minister & Gujarat Congress leader has made a statement that dogs urinate on the bricks of Ram Temple…” & asks “what’s Congress’ problem with Lord Ram & Hindus…” pic.twitter.com/6kTEAuBJLi
— ANI (@ANI) May 24, 2022
ସୂଚନା ଥାଉକି ରାଜସ୍ତାନର ଉଦୟପୁର ଠାରେ ହୋଇଥିବା କଂଗ୍ରେସର ଚିନ୍ତନ ଶିବିର ପରେ ହାର୍ଦ୍ଦିକ ପଟେଲ କଂଗ୍ରେସରୁ ଇସ୍ତଫା ଦେଇଥିଲେ । ତାର କିଛିଦିନ ଆଗରୁ ସେ କଂଗ୍ରେସର ଯୁବନେତା ତଥା ପୂର୍ବତନ ସଭାପତି ରାହୁଲ ଗାନ୍ଧୀଙ୍କୁ ଭେଟି ରାଜ୍ୟର ସମସ୍ୟା ବାବଦରେ ଆଲୋଚନା କରିଥିଲେ । ହେଲେ ପାର୍ଟିର ହାଇକମାଣ୍ଡ ସେ ଉଠାଇଥିବା ସମସ୍ୟା ଉପରେ ଗୁରୁତ୍ୱ ନଦେବାରୁ ସେ ଦଳରୁ ଇସ୍ତଫା ଦେଇଥିବା କହିଛନ୍ତି ।