ନିର୍ବାଚନରେ ମତଦାନ ପାଇଁ ଦିବ୍ୟାଙ୍ଗ ମାନଙ୍କୁ ସକ୍ଷମ କରିବା ପାଇଁ ନିର୍ବାଚନ ଆୟୋଗ କିଛି ନୂଆ ପଦକ୍ଷେପ ନେବାକୁ ବିଚାର କରୁଛନ୍ତି । ପ୍ରକୃତ କଥା ହେଉଛି, ନିର୍ବାଚନ ଆୟୋଗ ଚାହୁଁଛନ୍ତି ଯେ, ଶାରୀରିକ ଅକ୍ଷମତା କାରଣରୁ କୌଣସି ବ୍ୟକ୍ତି ନିଜ ମତ ସାବ୍ୟସ୍ତ କରିବରୁ ବଞ୍ଚିତ ନରୁହନ୍ତୁ । ଏଥିପାଇଁ ଆୟୋଗ ପକ୍ଷରୁ ବିକଳ୍ପ ମତଦାନ ବ୍ୟବସ୍ଥାର ଅନେକ ଉପାୟ ଉପରେ ବିଚାର ଚାଲିଛି ।
Kanak News is now on WhatsApp
Join and get latest news updates delivered to you via WhatsApp
ଦିବ୍ୟାଙ୍ଗ ମତଦାତା ମାନେ କିପରି ଘରେ ବସି ନିଜ ମତ ସାବ୍ୟସ୍ତ କରିପାରିବେ କିମ୍ବା ପୋଷ୍ଟାଲ ମାଧ୍ୟମରେ ସେମାନେ ନିଜ ମତ ସାବ୍ୟସ୍ତ କରିପାରିବେ ଏବଂ ମୋବାଇଲ ପୋଲିଂ ଷ୍ଟେସନ ଭଳି ବିକଳ୍ପ ଉପରେ ଆଲୋଚନା ଚାଲିଛି । ତେବେ ନିର୍ବାଚନ ଆୟୋଗର ଲକ୍ଷ୍ୟ ହେଉଛି କୌଣସି ମଧ୍ୟ ମତଦାତା ଯେପରି ନିଜ ମତ ସାବ୍ୟସ୍ତ କରିବାରୁ ବଞ୍ଚିତ ନରୁହନ୍ତୁ । ଏଥିରେ ରାଷ୍ଟ୍ରୀୟ ପାର୍ଟିର ପ୍ରତିନିଧିମାନଙ୍କ ସହ ସରକାରୀ ମନ୍ତ୍ରାଳୟ ଏବଂ ବିଭାଗ, ଦିବ୍ୟାଙ୍ଗ ବିଶେଷଜ୍ଞ ଏବଂ ସିଭିଲ ସୋସାଇଟିର ପ୍ରତିନିଧିମାନଙ୍କୁ ସାମିଲ କରାଯାଇଛି ।
ନିର୍ବାଚନ ଆୟୋଗ ଦିବ୍ୟାଙ୍ଗମାନଙ୍କ ମତଦାନକୁ ସାଧାରଣ ସମୟ ପୂର୍ବରୁ କରାଇବା ପାଇଁ ବିଚାର କରାଯାଉଛି । ଯେପରିକି ଭୋଟିଂ ଦିନ ହେଉଥିବା ଲମ୍ବା ଲାଇନ କାରଣରୁ ସେମାନଙ୍କୁ କୌଣସି ଅସୁବିଧାର ସାମ୍ନା କରିବାକୁ ନପଡେ । ଦିବ୍ୟାଙ୍ଗ ମତଦାତାଙ୍କ ପାଇଁ ପୋଷ୍ଟାଲ ଭୋଟିଂର ସମ୍ଭାବନା ଉପରେ ମଧ୍ୟ ବିଚାର କରାଯାଇଛି । ତେବେ ଏହି ସବୁ ଉପାୟ ଗୁଡିକୁ ଲାଗୁ କରିବା ପାଇଁ ନିର୍ବାଚନ ନିୟମରେ ସଂଶୋଧନ କରିବା ମଧ୍ୟ ଆବଶ୍ୟକ ।