କନକ ବ୍ୟୁରୋ: ଲାଂଚ ନେଇ ଧରା ପଡୁଥିବା ସରକାରୀ ବାବୁଙ୍କୁ ଦୋଷୀ ସାବ୍ୟସ୍ତ କରିବା ଏଣିକି ଆହୁରି ସହଜ ହେବ । କାରଣ, ଦୁର୍ନୀତିଗ୍ରସ୍ତ ବାବୁଙ୍କ ଦୋଷ ପ୍ରମାଣ କରିବା ପାଇଁ ଆବଶ୍ୟକ ହେଉଥିବା ଡାଇରେକ୍ଟ ଏଭିଡେନ୍ସ ବା ସିଧାସଳଖ ପ୍ରମାଣ ଆଉ ଜରୁରୀ ନୁହେଁ । ଏଭଳି ଏକ ରାୟ ଦେଇଛନ୍ତି ସୁପ୍ରିମକୋର୍ଟଙ୍କ ୫ ଜଣିଆ ଖଣ୍ଡପୀଠ । କୋର୍ଟ କହିଛନ୍ତି- ଲାଂଚ ନେବା ଅଭିଯୋଗରେ ଧରାପଡ଼ିଥିବା ଅଧିକାରୀଙ୍କୁ ପାରିପାଶ୍ୱିର୍କ ପ୍ରମାଣ ଆଧାରରେ ଦୋଷୀ କରାଯାଇପାରିବ ।
Kanak News is now on WhatsApp
Join and get latest news updates delivered to you via WhatsApp
ସାକ୍ଷୀଙ୍କୁ ପ୍ରଭାବିତ କରିବା, ସାକ୍ଷୀ ଦେଉଥିବା ବ୍ୟକ୍ତି ପରବର୍ତ୍ତୀ ସମୟରେ ବୟାନ ବଦଳାଇବା, ଅଭିଯୋଗକାରୀଙ୍କ ମୃତ୍ୟୁ ଘଟିବା ଭଳି ଘଟଣା ଯୋଗୁଁ ଲାଂଚ ନେଉଥିବା ବାବୁଙ୍କୁ ଦୋଷୀ ସାବ୍ୟସ୍ତ କରିବା ସମ୍ଭବ ହେଉନଥିଲା । ଏମିତି କି ପ୍ରିଭେନସନ୍ ଅଫ୍ କରପ୍ସନ୍ ଆକ୍ଟରରେ, ଡାଇରେକ୍ଟ ଏଭିଡେନ୍ସ ବା ସିଧାସଳଖ ପ୍ରମାଣ ଆବଶ୍ୟକ ହେଉଥିବାରୁ ଅନେକ ସମୟରେ ଲାଂଚ ନେଇଥିଲେ ସୁଦ୍ଧା ଅନେକ ସରକାରୀ ବାବୁଙ୍କ ଦୋଷ ପ୍ରମାଣ ହୋଇପାରୁନଥିଲା । କିନ୍ତୁ ସୁପ୍ରିମକୋର୍ଟଙ୍କ ନିଷ୍ପତି ପରେ ଲାଂଚୁଆ ଅଧିକାରୀଙ୍କ ସମସ୍ୟା ବଢ଼ିଛି ।
ଦୁର୍ନୀତିଗ୍ରସ୍ତ ଅଧିକାରୀ ଲାଂଚ ନେବା ସମୟରେ ହାତରେ ଲାଗିଥିବା ପ୍ରମାଣ, ଅଭିଯୋଗକାରୀଙ୍କ ବୟାନ ଏବଂ ପ୍ରତ୍ୟକ୍ଷଦର୍ଶୀଙ୍କ ବୟାନ, ଦୋଷ ପ୍ରମାଣିତ କରିବା ପାଇଁ ପୂର୍ବରୁ ଜରୁରୀ ଥିଲା । କିନ୍ତୁ ଏହି ସୀମିତ ମାପଦଣ୍ଡର ପରିସରକୁ ବ୍ୟାପକ କରିଛନ୍ତି ସୁପ୍ରିମକୋର୍ଟ ।