ସୋନପୁରରେ ବୀରମହାରାଜପୁର ଅଂଚଳରେ କପାର ଅଭାବୀ ବିକ୍ରି : ପ୍ରୋତ୍ସାହନ ଅଭାବ ଯୋଗୁଁ ଚାଷୀ ମୁଣ୍ଡରେ ଚଡକ, ନିୟନ୍ତ୍ରିତ ବଜାର ନଥିବାରୁ ଦଲାଲ ମାଲାମାଲ
କନକ ବ୍ୟୁରୋ : ଚାଷୀ ମନରେ ମଉଳିଯାଇଛି ଖୁସି । ସୋନପୁରର ବୀରମହାରାଜପୁର ଅଚଂଳରୁ ଆସିଛି କପାର ଅଭାବୀ ବିକ୍ରି । ପ୍ରୋତ୍ସାହନ ଅଭାବ ଫଳରେ ଚାଷୀ ମୁଣ୍ଡରେ ପଡିଛି ଚଡକ । ଅମଳ ହୋଇଥିବା କପାକୁ ବିକ୍ରୀ କରିବାକୁ ମଣ୍ଡିର ସୁବିଧା ନଥିବାବେଳେ ଚାଷୀ ଦଲାଲ ହାତରେ କପାକୁ ଟେକିଦେଉଛି । ମଣ୍ଡି କେବେ ଖୋଲୁନଥିବା ଅଭିଯୋଗ କରିଛନ୍ତି ଚାଷୀ ।
Kanak News is now on WhatsApp
Join and get latest news updates delivered to you via WhatsApp
କୌଣସି ନିୟନ୍ତ୍ରିତ ବଜାର ବ୍ୟବସ୍ଥା ନଥିବାରୁ କପାଚାଷୀ ହତାଶ ହୋଇପଡିଛନ୍ତି । ଫଳରେ ମାଲାମାଲ ହେଉଛନ୍ତି ଦଲାଲ । ଜିଲ୍ଲୀର ବୀରମହାରାଜପୁର ଅଂଚଳରେ ପ୍ରାୟ ୩ ହଜାର ୫ ଶହ ହେକ୍ଟର ଜମିରେ କପାଚାଷ ହୋଇଥିଲା । କିନ୍ତୁ ପ୍ରେତ୍ସାହନ ଅଭାବରୁ ଚାଷୀ କପାକୁ ଦଲାଲ ହାତରେ ଟେକିଦେବାକୁ ବାଧ୍ୟ ହୋଉଛନ୍ତି ।
ଧାନଚାଷ କରି ଚାଷୀ ମରୁଡିର ଶୀକାର ହୋଇଥିବାବେଳେ ଚାଷୀ କପା ଚାଷ କରିଥିଲା । କିନ୍ତୁ ଏବେ ଅଭାବୀ ବିକ୍ରୀ ଚାଷୀଙ୍କ ସମସ୍ୟାକୁ ବଢାଇଦେଇଛି । କପାର ଦର କ୍ୱିଂଟାଲ ପିଛା ୫ ହଜାର ୫ ଶହ ଟଙ୍କା ନିର୍ଦ୍ଧାରିତ ହୋଇଥିବାବେଳେ ଚାଷୀ ୩ ହଜାରରୁ ୪ ହଜାର ଟଙ୍କାରେ ଦଲାଲ ହାତରେ ଟେକିଦେଉଛନ୍ତି ।