କାମ ଦେଲା କଂଗ୍ରେସର ଆନ୍ଦୋଳନ ! ଜିଲ୍ଲାପାଳଙ୍କ ଅଫିସ ଆଗରୁ ଖୋଲାଯାଇଥିବା ଅସ୍ଥାୟୀ ମଣ୍ଡିରୁ ଧାନ ଉଠାଇଲେ ମିଲର
ଅଭାବୀ ବିକ୍ରୀ ନେଇ ଚାଲିଥିଲା ଧାରଣା, ୧୫ ସୁଦ୍ଧା ସମାଧାନ ପାଇଁ ପ୍ରତିଶ୍ରୃତି
କନକ ବ୍ୟୁରୋ : ଶେଷରେ କଂଗ୍ରେସ ଦଳ ଜିଦ ଆଗରେ ମୁଣ୍ଡ ନୁଆଇଲା ଯୋଗାଣ ବିଭାଗ । ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରୁ ଖୋଲା ଯାଇ ଥିବା ଅସ୍ଥାୟୀ ମଣ୍ଡିରୁ ଧାନ ଉଠାଇଲେ ମିଲର । ମାଲକାନଗିରି ଜିଲ୍ଲାରେ ଧାନର ଅଭାବି ବିକ୍ରୀ କୁ ନେଇ କଂଗ୍ରେସ ନେତା ପ୍ରଦୀପ ମାଝୀଙ୍କ ନେତୃତ ରେ ହଜାର ହଜାର ବସ୍ତା ଧାନ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ରଖି ପ୍ରତିବାଦ କରିଥିଲେ । ତୁରନ୍ତ ଜିଲ୍ଲାର ସମସ୍ତ ମଣ୍ଡିରୁ ଧାନ ଉଠାଇବା ଲାଗି ଦାବୀ କରି ଥିଲା କଂଗ୍ରେସ ଦଳ ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଦିନ ତମାମ ଜିଲ୍ଲାପାଳଙ୍କ କାର୍ଯ୍ୟାଳୟ ଅବରୋଧ ହବା ସହ ଜିଲ୍ଲାପାଳଙ୍କ ସାପ୍ତାହିକ ଅଭିଯୋଗ ଶୁଣାଣି ମଧ୍ୟ ବାତିଲ ହୋଇ ଥିଲା । ତେଣୁ ତରବରିଆ ଭାବେ ଜିଲ୍ଲାର ଅଧିକାଂଶ ମଣ୍ଡିରୁ ଧାନ ଉଠିବା ଆରମ୍ଭ ହୋଇ ଥିଲା । ଏଥିସହ ଜିଲ୍ଲାପାଳଙ୍କ କାର୍ଜ୍ୟାଳୟ ସମ୍ମୁଖରେ ଥିବା ଧାନ ଗୁଡିକ ମଧ୍ୟ ମିଲର ମାନେ ଉଠେଇ ନେଇଥିଲେ । ଆଗାମି ୧୫ ତାରିଖ ସୁଧା ଜିଲ୍ଲାର ସମସ୍ତ ମଣ୍ଡି ରୁ ଧାନ ଉଠିବା ନେଇ ଜିଲ୍ଲାପାଳଙ୍କ ଠାରୁ ପ୍ରତିଶୃତି ପାଇ ଆନ୍ଦୋଳନ କୁ ସ୍ଥଗିତ ରଖିଛି କଂଗ୍ରେସ ଦଳ । ୧୫ ତାରିଖ ସୁଧା ଧାନ ନ ଉଠିଲେ ୧୬ ତାରିଖରୁ ପୁନର୍ବାର ଆନ୍ଦୋଳନକୁ ଓହ୍ଲାଇବେ ବୋଲି ଚେତାଇ ଦେଇଛନ୍ତି ପୁର୍ବତନ ସାଂସଦ ତଥା ବରିଷ୍ଠ କଂଗ୍ରେସ ନେତା ପ୍ରଦୀପ ମାଝୀ ।