ଆଜି ଦିନିକିଆ ଚିତ୍ରକୋଣ୍ଡା ବନ୍ଦ ପାଳନ । ମାଲକାନଗିରିରେ ଜୋରଧରିଛି କଂଗ୍ରେସର ଭୂ-ଆନ୍ଦୋଳନ । ଗତକାଲିଠୁ ଚିତ୍ରକୋଣ୍ଡା ତହସିଲ କାର୍ଯ୍ୟାଳୟ ସମ୍ମୁଖରେ ପ୍ରଦୀପ ମାଝୀଙ୍କ ନେତୃତ୍ୱରେ ଧାରଣା ।
କନକ ବ୍ୟୁରୋ : ମାଲକାନଗିରିରେ ଯୋଜ ଧରିଛି କଂଗ୍ରେସର ଭୂ-ଆନ୍ଦୋଳନ । ଦିନ ରାତି ଶିତ କାକରରେ ତହସିଲ କାର୍ଯ୍ୟାଳୟ ସମ୍ମୁଖରେ ଆନ୍ଦୋଳନ ଚଳାଇଛନ୍ତି କଂଗ୍ରେସ ନେତା ପ୍ରଦୀପ ମାଝୀ । ଜିଲ୍ଲାର କାଲିମେଳା, ମାଥିଲି ପରେ ଏବେ ଚିତ୍ରକୋଣ୍ଡାରେ ଭୂ-ଆନ୍ଦୋଳନ ଆରମ୍ଭ କରିଛି କଂଗ୍ରେସ ।
Kanak News is now on WhatsApp
Join and get latest news updates delivered to you via WhatsApp
ବରିଷ୍ଠ କଂଗ୍ରେସ ନେତା ତଥା ପୂର୍ବତନ ସାଂସଦ ପ୍ରଦୀପ ମାଝୀଙ୍କ ନେତୃତ୍ୱରେ ଗତକାଲି ହଜାର ହଜାର କଂଗ୍ରେସ କର୍ମୀ ଚିତ୍ରକୋଣ୍ଡା ଠାରେ ଏକତ୍ରିତ ହୋଇ ଚିତ୍ରକୋଣ୍ଡା ତହସିଲ କାର୍ଯ୍ୟାଳୟ ଘେରାଉ କରିଥିଲେ । ହିତାଧିକାରୀଙ୍କୁ ଜଙ୍ଗଲ ଜମି ଓ ଭୂମିହିନଙ୍କୁ ସ୍ଥାୟୀ ପଟ୍ଟା ପ୍ରଦାନ, ପିଲାଙ୍କୁ ଜାତିଗତ ପ୍ରମାଣ ପତ୍ର, ସ୍ଥାୟୀ ଓ ଆୟ ପ୍ରମାଣ ପତ୍ର ପ୍ରାଦାନ ଦାବୀରେ ତହସିଲ ଅଫିସ ଆଗରେ ଅନିର୍ଦିଷ୍ଟ କାଳ ଯାଏଁ ଆନ୍ଦୋଳନ ଜାରି ରଖିଛନ୍ତି କଂଗ୍ରେସ କର୍ମୀ ।
ଏହାସହ ସ୍ଥାନୀୟ ଏସାର କମ୍ପାନୀରେ ବେକାର ଯୁବକ ଯୁବତୀଙ୍କୁ ନିଯୁକ୍ତି, ବିଚ୍ଛିନ୍ନାଂଚଳରେ ଡାକ୍ତରଖାନା ଓ ବିଦ୍ୟାଳୟ ନିର୍ମାଣ ଦାବୀ ରଖିଛି କଂଗ୍ରେସ ଦଳ । ପ୍ରଦୀପ ମାଝୀଙ୍କ ସମେତ ବରିଷ୍ଠ କଂଗ୍ରେସ ନେତା କୈଳାଶ କୁଲେସିକା, ମୁନ୍ନା ତ୍ରିପାଠି, ଶିଶିର ମଣ୍ଡଳ, ଗୋବିନ୍ଦ ପାତ୍ର, ସରତ ବୁରୁଦା ପ୍ରମୁଖ ଆନ୍ଦୋଳନର ନେତୃତ୍ୱ ନେଉଛନ୍ତି ।
ଦାବୀ ପୁରଣ ନ ହବା ଯାଏଁ ତହସିଲ କାର୍ଯ୍ୟାଳୟ ସମ୍ମୁଖରୁ କଂଗ୍ରେସ ହଟିବ ନାହିଁ ବୋଲି ଚେତାବନୀ ଦେଇଛନ୍ତି ପ୍ରଦୀପ ମଝୀ । ଏହାସହ ଆଜି ଦିନିକିଆ ଚିତ୍ରକୋଣ୍ଡା ବନ୍ଦ ପାଳନ କରୁଛି ଦଳ । ଫଳରେ ସ୍କୁଲ କଲେଜ,ବଜାର ଓ ଗାଡି ଚଳାଚଳ ବନ୍ଦ ରହିଛି ।