ପୁରୀ ଗଣଦୁଷ୍କର୍ମ ଘଟଣାରେ ବିଜେପିକୁ ବିଜେଡିର ଟାର୍ଗେଟ । ଏଭଳି ସମ୍ବେଦନଶୀଳ ଘଟଣାରେ ବିଜେପି ରାଜନୀତି ବନ୍ଦ କରୁ, ନଚେତ ଓଡିଶାବାସୀ ଏହାର ଜବାବ ଦେବେ ।
କନକ ବ୍ୟୁରୋ : ସମ୍ବେଦନଶୀଳ ଘଟଣାରେ ବିଜେପି ରାଜନୀତି ବନ୍ଦ କରୁ । ପୁରୀ ଗଣଦୁଷ୍କର୍ମ ମାମଲାରେ ବିଜେପି ହୀନ ରାଜନୀତି ବନ୍ଦ କରୁ ବୋଲି କହିଛି ବିଜେଡି । ବିଜେପି ପକ୍ଷରୁ ଅଣାଯାଇଥିବା ଅଭିଯୋଗ ଉପରେ ଆଜି ସାମ୍ବାଦିକ ସମ୍ମିଳନୀରେ ଜବାବ ରଖିଛି ବିଜେଡି । ବାରମ୍ବାର ଅନୁରୋଧ ସତ୍ତେ୍ୱ ମଧ୍ୟ ବିଜେପି ଏହାକୁ ନେଇ ରାଜନୀତି କରିବାରୁ କ୍ଷାନ୍ତ ରହୁନାହିଁ ବୋଲି କହିଛନ୍ତି ବିଜେଡିର ମୁଖପାତ୍ର ଲେନିନ ମହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ନବୀନ ପଟ୍ଟନାୟକଙ୍କ ଶାସନ କାଳରେ ଏଭଳି ଜଘନ୍ୟ ଅପରାଧରେ ଲିପ୍ତ ଥିବା ଅପରାଧୀମାନଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । କିନ୍ତୁ ବିଜେପି ଏଭଳି ସମ୍ବେଦନଶୀଳ ଘଟଣାକୁ ନେଇ ରାଜନୀତିକରଣ କରୁଛି । ଏପରିକି ମାମଲାକୁ ବାଟବଣା କରିବାକୁ ଅତି ତଳସ୍ତରର ରାଜନୀତି କରିବାକୁ ବିଜେପି ପଛାଉ ନାହିଁ ବୋଲି କହିଛି ବିଜେଡି ।
ସେହିଭଳି ବିଜେଡିର ଦୁଇ ମହିଳା ନେତ୍ରୀ ସୁଲତା ଦେଓ ଓ ଶ୍ରୀମୟୀ ମିଶ୍ର କହିଛନ୍ତି, ଏଭଳି ସମ୍ବେଦନଶୀଳ ଘଟଣାରେ ପୂର୍ବରୁ ଓଡ଼ିଶାରେ କୌଣସି ଜାତୀୟ ଦଳ ନିମ୍ନସ୍ତରର ରାଜନୀତି କରିବାର ନଜିର ନାହିଁ । ବିଜେପି ଏଭଳି କରି ଅସଲ ମୁଦ୍ଦା ଉପରୁ ଧ୍ୟାନ ହଟାଇବାକୁ ଚାହୁଁଛି । ପୀଡିତା କିଭଳି ନ୍ୟାୟ ପାଇବେ ସେ କଥା ଚିନ୍ତା ନ କରି ଏହାକୁ ମୁଦ୍ଦା କରି ରାଜନୀତି ରୁଟି ସେକିବାକୁ ଚାହୁଁଛି । କିନ୍ତୁ ବିଜେପିର ଏଭଳି ଆଚରଣକୁ ଓଡିଶାବାସୀ ଗ୍ରହଣ କରିବେ ନାହିଁ ତେଣୁ ବିଜେପି ନେତାଙ୍କର ଜ୍ଞାନ ଉଦୟ ହେଉ ଓ ଏମାନେ ଏଭଳି ସମ୍ବେଦନଶୀଳ ଘଟଣାରେ ରାଜନୀତି କରିବାରୁ ଦୂରେଇ ରୁହନ୍ତୁ ।