ରେଳ ଧାରଣାରୁ ଖସିଲା ବିଶାଖାପାଟଣା ଅମୃତସର ଏକ୍ସପ୍ରେସ ଟ୍ରେନ୍ : ଘଂଟାଏ ଅଟକିବା ପରେ ଛାଡିଲା ଟ୍ରେନ୍, ସମସ୍ତ ଯାତ୍ରୀ ସୁରକ୍ଷିତ
କନକ ବ୍ୟୁରୋ : ଟ୍ରାକରୁ ଖସିଲା ଟ୍ରେନ । ଆଜି ସକାଳେ ଢେଙ୍କାନାଳ ଷ୍ଟେସନ ନିକଟସ୍ଥ ଶାମାଚରଣପୁର ଷ୍ଟେସନରେ ବିଶାଖାପାଟଣା- ଅମୃତସର ଏକ୍ସପ୍ରେସ ଇଞ୍ଜିନ, ଏକ ନିଶ୍ଚିତ ଦୁର୍ଘଟଣାରୁ ରକ୍ଷା ପାଇ ଯାଇଛି । ଟ୍ରେନ୍ ଇଞ୍ଜିନର ଦୁଇଟି ଆଗ ଚକ ସ୍ଲିପ୍ କରି ଯାଇଥିବାବେଳେ ଡ୍ରାଇଭରଙ୍କ ଉପସ୍ଥିତି ବୁଦ୍ଧି ଯୋଗୁଁ ସେ ବ୍ରେକ ମାରି ଟ୍ରେନକୁ ଅଟକାଇବା ସହିତ ଏ ନେଇ ଢେଙ୍କାନାଳ ଷ୍ଟେସନକୁ ସୂଚନା ଦେଇଥିଲେ । ପ୍ରାୟ ୧ ଘଣ୍ଟା ପରିଶ୍ରମ କରାଯିବା ପରେ ଇଞ୍ଜିନର ଚକକୁ ତାର ପୂର୍ବସ୍ଥାନରେ ରଖାଯିବା ପରେ ଟ୍ରେନଟି ତାର ଗନ୍ତବ୍ୟ ପଥରେ ଯାତ୍ରା କରିଛି।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଆଜି ସକାଳେ ବିଶଖାପାଟଣା–ଅମୃତସର ଏକ୍ସପ୍ରେସ ଟ୍ରେନ୍ ଶ୍ୟାମାଚରଣପୁର ନିକଟରେ ଯାଉଥିବା ବେଳେ ଟ୍ରାକ ମରାମତି ହେଉଥିଲା । ତେଣୁ ଟ୍ରେନଟି ଅପ୍ ଲାଇନରେ ଧୀରେ ଧୀରେ ଯାଉଥିବାବେଳେ କୌଣସି କାରଣରୁ ଇଞ୍ଜିନର ଆଗ ଚକ୍ ଟ୍ରାକକୁ ଖସିଯାଇଥିିଲା । ତେବେ ଚକ୍ ସମ୍ପୂର୍ଣ୍ଣ ଖସିଯିବା ପୂର୍ବରୁ ଡ୍ରାଇଭର ବ୍ରେକ ମାରି ଟ୍ରେନକୁ ଅଟକାଇ ଦେଇଥିଲେ । ପରେ ଢେଙ୍କାନାଳ ଷ୍ଟେସନରୁ ଏକ ଇଞ୍ଜିନ ଓ କର୍ମଚାରୀମାନେ ଆସି ଟ୍ରେନକୁ ପୁଣି ବ୍ୟବସ୍ଥିିତ କରିଥିଲେ । ଫଳରେ ଏକ ବଡ଼ ଦୁର୍ଘଟଣାରୁ ଟ୍ରେନଟି ରକ୍ଷା ପାଇଯିବା ସହିତ ଶହଶହ ଯାତ୍ରୀ ରକ୍ଷା ପାଇଯାଇଛନ୍ତି । ଶ୍ୟାମାଚରଣପୁର ଠାରେ ଟ୍ରେନଟି ପ୍ରାୟ ୧ ଘଣ୍ଟାରୁ ଊର୍ଧ୍ୱ ସମୟ ଅଟକିବା ପରେ ପୁଣି ଯାତ୍ରା ଆରମ୍ଭ କରିଛି।