ବୌଦ୍ଧ ଜିଲ୍ଲା ହରଭଙ୍ଗାରେ ଅଭାବନୀୟ ଘଟଣା : ବାପ, ପୁଅଙ୍କ ଜୀବନ ନେଲା ଭାଲୁ !
କନକ ବ୍ୟୁରୋ : ବାପ, ପୁଅଙ୍କ ଜୀବନ ନେଲା ଭାଲୁ । ବୌଦ୍ଧ ଜିଲ୍ଲା ହରଭଙ୍ଗାରେ ଘଟିଛି ଏପରି ଅଭାବନୀୟ ଘଟଣା । ତଳଗାଁ ପଂଚାୟତ କଣ୍ଠିସର ଗାଁରେ ଜଙ୍ଗଲି ଭାଲୁ ଆକ୍ରମଣରେ ଦୁଇ ଜଣଙ୍କ ମୃତ୍ୟୁ ହେବା ସହ ଜଣେ ଗୁରୁତର ହୋଇଛନ୍ତି । ଆଉ ପାଲଟା ଆକ୍ରମଣରେ ମାଆ ଓ ଦୁଇ ଛୁଆ ଭାଲୁର ମୃତ୍ୟୁ ହୋଇଛି । କଣ୍ଠିସର ଗାଁର ବ୍ରାହ୍ମା ଭୋଇ ଓ ତାଙ୍କ ୧୨ ବର୍ଷର ପୁଅ ଜଙ୍ଗଲକୁ ଜାଳେଣି ସଂଗ୍ରହ କରିବାକୁ ଯାଇଥିବା ବେଳେ ଭାଲୁ ଆକ୍ରମଣରେ ପ୍ରାଣ ହରାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କାଠ ସଂଗ୍ରହ କରୁଥିବା ବେଳେ ବ୍ରାହ୍ମା ଭୋଇଙ୍କ ପୁଅ ସୁକାନ୍ତକୁ ପ୍ରଥମେ ଦୁଇ ଛୁଆଙ୍କ ସହ ମାଆ ଭାଲୁ ଆକ୍ରମଣ କରିଥିଲା । ପୁଅକୁ ବଂଚାଇବାକୁ ଯାଇ ବାପା ବ୍ରାହ୍ମା ଭୋଇ ମଧ୍ୟ ଭାଲୁ ଆକ୍ରମଣର ଶିକାର ହୋଇଥିଲେ । ଉଭୟଙ୍କୁ ବଂଚାଇବାକୁ ଯାଇ ପଡୋଶୀ ଦେବେନ୍ଦ୍ର ଭୋଇ ମଧ୍ୟ ଭାଲୁ ସହ ଲଢେଇ କରିଥିଲେ । ତେବେ ଘଟଣାସ୍ଥଳରେ ବାପ-ପୁଅଙ୍କ ମୃତ୍ୟୁ ହୋଇଥିବା ବେଳେ ଭାଲୁ ଆକ୍ରମଣରେ ଗୁରୁତର ହୋଇ ପଡିଛନ୍ତି ପଡୋଶୀ ଦେବେନ୍ଦ୍ର ।
ପାଲଟା ଆକ୍ରମଣରେ ମାଆ ଓ ଦୁଇ ଛୁଆ ଭାଲୁଙ୍କର ମଧ୍ୟ ମୃତ୍ୟୁ ହୋଇଛି । ହରଭଙ୍ଗା ପୋଲିସ ଘଟଣାସ୍ଥଳରେ ପହଂଚି ମୃତଦେହ ଗୁଡିକୁ ଜବତ କରିବା ସହ ମୃତ ଭାଲୁକୁ ପୋଷ୍ଟମର୍ଟମ କରି ପୋତି ଦେଇଛନ୍ତି । ମୃତକଙ୍କ ପରିବାରକୁ ୩ ଲକ୍ଷ ଟଙ୍କା କ୍ଷତିପୂରଣ ରାଶି ମିଳିବ ବୋଲି ରେଂଜ୍ ଅଧିକାରୀ କହିଛନ୍ତି ।
ଏହା ସହ ଦେଖନ୍ତୁ ଏହି ଭିଡିଓ –