ବାୟୁସେନାର ବିମାନ AN-୩୨ ନିଖୋଜ ! ଆସାମର ଜୋରହାଟରୁ ଭରିଥିଲା ଉଡାଣ, ବିମାନରେ ୮ଜଣ କ୍ରୁମେମ୍ବରଙ୍କ ସମେତ ୫ ଜଣ ଯାତ୍ରୀ ଥିବା ସୂଚନା ।
କନକ ବ୍ୟୁରୋ : ଭାରତୀୟ ବାୟୁସେନା ସହ ଯୋଡିହୋଇଥିବା ଏକ ବଡ ଖବର ବର୍ତ୍ତମାନ ସମୟରେ ସାମ୍ନାକୁ ଆସିଛି । ଭାରତୀୟ ବାୟୁସେନାର ବିମାନ AN-୩୨ ନିଖୋଜ ହୋଇଯାଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ, ଏହି ବିମାନଟି ଆସାମର ଜୋରହାଟରୁ ଉଡାଣ ଭରିଥିଲା । ଆଜି ଦିନ ପ୍ରାୟ ୧୨ଟା ୨୫ ମିନିଟରେ ବିମାନଟି ଉଡାଣ ଭରିଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ସବୁଠାରୁ ବଡ କଥା ହେଉଛି, ଦିନ ପ୍ରାୟ ୧ଟା ପରଠାରୁ ବିମାନ ସହ ସମ୍ପର୍କ ଛିନ୍ନ ହୋଇଛି । ବିମାନରେ ୮ ଜଣ କ୍ରୁମେମ୍ବରଙ୍କ ସହ ୫ ଜଣ ଯାତ୍ରୀ ରହିଥିବା ସୂଚନା ମିଳିଛି । ତେବେ ବର୍ତ୍ତମାନ ସମୟରେ ବିମାନକୁ ଖୋଜିବା ପ୍ରକ୍ରିୟା ଆରମ୍ଭ କରାଯାଇଛି । ତେବେ ସନ୍ଧାନ ସମ୍ପର୍କରେ ବାୟୁସେନା ପକ୍ଷରୁ ଏପର୍ଯ୍ୟନ୍ତ କିଛି ସ୍ପଷ୍ଟ ସୂଚନା ହସ୍ତଗତ ହୋଇନାହିଁ ।