ଜିତିବାର ନିଶା ଆଗରେ ହାର ମାନିଲା ବୟସ । ୯୪ ବର୍ଷିୟା ମହିଳା ଆଥଲେଟିକ୍ସ ଚାମ୍ପିଅନସିପରେ ଜିତିଲେ ସ୍ୱର୍ଣ୍ଣ ପଦକ
କନକ ବ୍ୟୁରୋ : ଇଚ୍ଛାଶକ୍ତି ଆଗରେ ବୟସ ହାର ମାନିବା କଥା ଆମେ ଅନେକ କ୍ଷେତ୍ରରେ ଦେଖିବାକୁ ପାଇଛୁ । ହେଲେ ଜଣେ ୯୪ ବର୍ଷିୟା ମହିଳା ପୁଣି ଆଥଲେଟିକ୍ ଚାମ୍ପିଅନସିପରେ ସ୍ୱର୍ଣ୍ଣ ପଦକ ଜିତିବା ସମସ୍ତଙ୍କୁ ଚକିତ କରିଦେଇଛି । ଫିନଲାଣ୍ଡରେ ଆୟୋଜିତ ୨୦୨୨ ବିଶ୍ୱ ମାଷ୍ଟର୍ସ ଆଥଲେଟିକ୍ସ ଚାମ୍ପିଅନସିପରେ ସ୍ୱର୍ଣ୍ଣ ସହ ମୋଟ ୩ ଟି ପଦକ ଜିତି ଜଣେ ୯୪ ବର୍ଷିଆ ଭାରତୀୟ ମହିଳା ଭଗବାନୀ ଦେବୀ ଅନ୍ୟମାନଙ୍କ ପାଇଁ ଉଦାହରଣ ପାଲଟିଛନ୍ତି । ଏହି ଖବର ପ୍ରଚାରିତ ହେବା ପରେ ସାରା ଦେଶରୁ ଭଗବାନୀ ଦେବୀଙ୍କୁ ପ୍ରଶଂସାର ସୂଅ ଛୁଟିବାରେ ଲାଗିଛି । ହରିଆଣା ରାଜ୍ୟପାଳ ବନ୍ଦାରୁ ଦତାତ୍ତ୍ରେୟ ଓ ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ବି ଭଗବାନୀ ଦେବୀଙ୍କୁ ଶୁଭେଚ୍ଛା ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର କହିଛନ୍ତି କି ୯୪ ବର୍ଷ ବୟସରେ ଭଗବାନୀ ଦେବୀ ଏଭଳି କୃତିତ୍ତ୍ୱ ହାସଲ କରି ଦେଶର ଯୁବକମାନଙ୍କ ପାଇଁ ପ୍ରେରଣା ସାଜିଛନ୍ତି । ଏହା ଦେଶର ଯୁବବର୍ଗଙ୍କ ଆତ୍ମ ବିଶ୍ୱାସ ବୃଦ୍ଧି କରିବାରେ ସହାୟକ ହେବ ବୋଲି ମୁଖ୍ୟମନ୍ତ୍ରୀ କହିଛନ୍ତି ।
କହିରଖୁ କି ଫିନଲାଣ୍ଡରେ ଆୟୋଜିତ ୨୦୨୨ ବିଶ୍ୱ ମାଷ୍ଟର୍ସ ଆଥଲେଟିକ୍ସ ଚାମ୍ପିଅନସିପରେ ବରିଷ୍ଠ ନାଗରିକଙ୍କ ଶ୍ରେଣୀର ୧୦୦ ମିଟର ଫରାଟା ଦୌଡରେ ସ୍ୱର୍ଣ୍ଣ ପଦକ ହାସଲ କରିଛନ୍ତି । ୧୦୦ ମିଟର ରାସ୍ତା ଦୌଡିବା ପାଇଁ ଭଗବାନୀ ଦେବୀଙ୍କୁ ୨୪.୭୪ ସେକେଣ୍ଡ ଲାଗିଥିଲା ।
“I am very happy…have made my country proud by winning medals in another country,” says 94-year-old Bhagwani Devi Dagar on winning gold and 2 bronze for India at the World Masters Athletics Championships in Finland pic.twitter.com/KCaDWbGUW2
— ANI (@ANI) July 12, 2022
ସେହିଭଳି ରାଜ୍ୟପାଳ ବନ୍ଦାରୁ ଦତାତ୍ତ୍ରେୟ ଭଗବାନୀ ଦେବୀଙ୍କ ଏଭଳି ଉପଲବ୍ଧି ପାଇଁ ତାଙ୍କୁ ଶୁଭେଚ୍ଛା ଜଣାଇଛନ୍ତି । ସେ କହିଛନ୍ତି କି ଭଗବାନୀ ଦେବୀ ୯୪ ବର୍ଷ ବୟସରେ ଯାହା କରି ଦେଖାଇଛନ୍ତି ତାହା ଯୁବବର୍ଗଙ୍କୁ ଖେଳ ପ୍ରତି ପ୍ରେରଣା ଯୋଗାଇବ ।