୬ ରାଜ୍ୟର ଉପନିର୍ବାଚନ ଫଳାଫଳକୁ ନେଇ ଚର୍ଚ୍ଚା: ୪ ଆସନରେ ଫୁଟିଲା ପଦ୍ମ, ୩ ସିଟରେ ଆଞ୍ଚଳିକ ଦଳମାନଙ୍କ ଦବଦବା
କନକ ବ୍ୟୁରୋ: ସାମ୍ନାକୁ ଆସିଛି ୬ ରାଜ୍ୟରେ ହୋଇଥିବା ବିଧାନସଭା ଉପନିର୍ବାଚନ ଫଳାଫଳା । ଏଥରକ ଜାତୀୟ ଦଳ ଓ ଆଂଚଳିକ ଦଳଗୁଡିକ ମଧ୍ୟରେ ଫଳାଫଳ ବରାବର ରହିଛି । । ନଭେମ୍ବରରେ ୬ତାରିଖ ପ୍ରକାଶିତ ଫଳାଫଳରେ ଉତରପ୍ରଦେଶ, ହରିଆଣା, ବିହାର ଓ ଓଡ଼ିଶାରେ ବିଜେପି ପ୍ରାର୍ଥୀ ବିଜୟ ହୋଇଥିବାବେଳେ ମହାରାଷ୍ଟ୍ରୀ ଅନେ୍ଧରୀ ଇଷ୍ଟରେ ଉଦ୍ଧବ ଗୋଷ୍ଠୀକୁ ମିଳିଛି ବିଜୟ । ସେହିପରି ତେଲେଙ୍ଗାନରେ ବିପୁଳ ବିଜୟ ହାତେଇଛି କ୍ଷମତାସୀନ ଟିଆରଏସ ସରକାର । ୧୦ହଜାର ୩୦୯ଭୋଟ ସହ ପ୍ରତିଦ୍ୱନଦୀଙ୍କୁ ପଛରେ ପକାଇ ଉପନିର୍ବାଚନ ଜିତିଛି ଟିଆରଏସ ।
Kanak News is now on WhatsApp
Join and get latest news updates delivered to you via WhatsApp
ବିଧାନସଭା ଉପନିର୍ବାଚନ ଫଳାଫଳ
ରାଜ୍ୟ ଆସନ ଫଳାଫଳ
ବିହାର ମୋକାମା ଆରଜେଡି
ବିହାର ଗୋପାଳଗଂଜ ବିଜେପି
ୟୁପି ଗୋଲାଗୋକର୍ଣ୍ଣନାଥ ବିଜେପି
ଓଡ଼ିଶା ଧାମନଗର ବିଜେପି
ତେଲେଙ୍ଗାନା ମୁନୁଗୋଡେ ଟିଆରଏସ
ମହାରାଷ୍ଟ୍ର ଅନେ୍ଧରୀ ଇଷ୍ଟ ଶିବସେନା ( ଉଦ୍ଧବଗୋଷ୍ଠୀ)
ହରିଆଣା ଆଦମପୁର ବିଜେପି
ବିହାରରେ କ୍ଷମତାରେ ଥିବା ମହାମେଂଟ ଓ ବିଜେପି ମଧ୍ୟରେ ମୁକାବିଲା ସମାନ ରହିଛି । ରାଜ୍ୟରେ ବିଜେପି ଓ ଆରଜେଡି ଗୋଟିଏ ଲେଖାଏଁ ଆସନରେ ବିଜୟ ହୋଇଛନ୍ତି । ଉତରପ୍ରଦେଶ ଲଖମିପୁର ଖେରି ଜିଲ୍ଲାର ଗୋକର୍ଣ୍ଣନାଥ ବିଧାନସଭା ଉପନିର୍ବାଚନରେ ବିଜେପି ପ୍ରାର୍ଥୀ ଅମନ ଗିରି ୩୪ହଜାର ଅଧିକ ଭୋଟରେ ବିଜୟ ହୋଇଛନ୍ତି । ଓଡିଶା ଧାମନଗରରେ ବିଜେଡିକୁ ହରାଇ ବାଜି ମାରିଛି ବିଜେପି । ତେଲେଙ୍ଗାନା ମୁନୁଗୋଡେ ବିଧାନସଭା ଆସନରେ ବିଜେପିକୁ ପ୍ରାୟ ୧୦ହଜାରରୁ ଅଧିକ ଭୋଟରେ ହରାଇଛି ଟିଆରଏସ । ମହାରାଷ୍ଟ୍ର ଇଷ୍ଟ ଅନେ୍ଧରୀ ଆସନରେ ଶିବସେନାର ଉଦ୍ଧବଗୋଷ୍ଠୀ ବାଜି ମାରିଛି ର ମହାରାଷ୍ଟ୍ରର ଫଳାଫଳ ସବୁଠୁ ରୋଚକ ରହିଛି । ହରିଆଣାରେ ବିଜେପି ପ୍ରାର୍ଥୀ କଂଗ୍ରେଦକୁ ହରାଇ ନଜର ଗଢକୁ ରକ୍ଷା କରିଛି ।
ଯଦି ୬ରାଜ୍ୟର ଫଳାଫଳ ଦେଖିବା ସବୁଠୁ ଆଶ୍ଚର୍ଯ୍ୟ କରିଛି ମହାରାଷ୍ଟ୍ର ଇଷ୍ଟ-ଅନେ୍ଧରୀର ଫଳାଫଳ । ଏହି ଆସନରେ ଉଦ୍ଧବ ଠାକରେ ଗୋଷ୍ଠୀର ପ୍ରାର୍ଥୀ ଋତୁଜା ଲଟକେ ବିଜୟୀ ହୋଇଛନ୍ତି ସତ କିନ୍ତୁ ଆଶ୍ଚର୍ଯ୍ୟଜନକ ଭାବେ ବିଜୟୀ ପ୍ରାର୍ଥୀଙ୍କ ପରେ ଦ୍ୱିତୀୟ ସର୍ବାଧିକ ଭୋଟ କୈାଣସି ପ୍ରାର୍ଥୀ ପାଇ ନାହାନ୍ତି ବରଂ ନୋଟା ଭୋଟ ଦ୍ୱିତୀୟ ସ୍ଥାନରେ ରହିଛି । ଅର୍ଥାତ୍ ଇଷ୍ଟ ଅନେ୍ଧରୀ ଆସନରେ ବିଜୟୀ ପ୍ରାର୍ଥୀଙ୍କ ପରେ ନୋଟାରେ ଅଧିକ ଭୋଟ ଦେଇଛନ୍ତି ଜନତା । ଅର୍ଥାତ୍ ନୋଟାରେ ଭୋଟ ଦେଇଥିବା ଭୋଟର କୌଣସି ପ୍ରାର୍ଥୀଙ୍କୁ ପସନ୍ଦ କରିନାହାନ୍ତି ।
ବିଧାନସଭା ଉପନିର୍ବାଚନର ଫଳାଫଳ ଗୋଟେ କଥା କୁହାଯାଇପାରେ ଯେ ବିଭିନ୍ନ ଆଂଚଳିକ ଦଳଗୁଡିକ ବିଜେପି ସହ କଡ଼ା ଟକ୍କର ଦେଇଛନ୍ତି । ତେଣୁ ଏକଥା ଆକଳନ କରାଯାଇପାରେ କି ୨୦୨୪ ଲୋକସଭା ନିର୍ବାଚନ ପୂର୍ବରୁ ବିଜେପି ବିରୋଧରେ ବିରୋଧୀଦଳଗୁଡିକ ଏକାଠି ହେଉଥିବାବେଳେ ଉପନିର୍ବାଚନ ଫଳାଫଳ ବୁଷ୍ଟର ଡୋଜ ହୋଇପାରେ ।