କୋରାପୁଟ ସିଙ୍ଗାରାମ ଷ୍ଟେସନରେ ଟ୍ରେନରେ କଟି ତିନି ଜଣଙ୍କ ମୃତ୍ୟୁ । ମୃତକମାନେ ବାପା, ପୁଅ ଓ ଝିଅ ହୋଇଥିବା ସୂଚନା । ଆତ୍ମହତ୍ୟା କରିଥିବା ସନ୍ଦେହ ……..
କନକ ବ୍ୟୁରୋ : ଦଶହରାରେ ଦୁଃଖ ଖବର । ଟ୍ରେନ ମାଡିଯାଇ ଗୋଟିଏ ପରିବାରର ୩ ଜଣଙ୍କ ମୃତ୍ୟୁ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି କୋରାପୁଟ୍ ଜିଲ୍ଳା ଲକ୍ଷ୍ମୀପୁର ବ୍ଳକ ସିଙ୍ଗାରାମ ଷ୍ଟେସନ ନିକଟରେ । ଟ୍ରେନରେ କଟି ଗୋଟିଏ ପରିବାରର ୩ ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ବାପା, ପୁଅ ଓ ଝିଅ ଅଛନ୍ତି । ସେମାନେ କେମିତି ରେଳ ଲାଇନକୁ ଆସିଲେ ଓ ସେମାନଙ୍କ ଉପରେ କେତେବେଳେ ଟ୍ରେନ୍ ମାଡିଗଲା ତାହା ସ୍ପଷ୍ଟ ହୋଇନାହିଁ । ଅନ୍ୟପଟେ ସେମାନଙ୍କର ମୃତ୍ୟୁ ଦୁର୍ଘଟଣାରେ ହୋଇଛି କି ସେମାନେ ଟ୍ରେନ ଆଗକୁ ଡେଇଁ ଆତ୍ମହତ୍ୟା କରିଛନ୍ତି ତାହା କେହି କହିପାରୁ ନାହାନ୍ତି । ଜିଆର ପୋଲିସ ଖବର ପାଇ ଶବ ଜବତ କରିଛି । ଏନେଇ ମୃତକଙ୍କ ପରିବାରକୁ ଖବର ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସ୍ଥାନୀୟ ଲୋକମାନେ ଏନେଇ କିଛି ସ୍ପଷ୍ଟ କହିପାରୁ ନଥିବାରୁ ପରିବାର ଲୋକେ ପହଂଚିବା ପରେ ଘଟଣାର ସତ୍ୟା ସତ୍ୟ ଜଣାପଡିବ । ଏକା ସାଙ୍ଗରେ ୩ ଜଣଙ୍କର ମୃତ୍ୟୁ ହୋଇଥିବାରୁ ଏହା ଆତ୍ମହତ୍ୟା ବୋଲି ଅନୁମାନ କରାଯାଉଛି ।