ଆସନ୍ତା କାଲି ଆରମ୍ଭ ହେଉଛି ସସଂଦର ମୌସୁମୀ ଅଧୀବେଶନ : ସରକାରଙ୍କୁ ଘେରିବା ପାଇଁ ବିରୋଧୀ ପ୍ରସ୍ତୁତ କରୁଛନ୍ତି ରଣନୀତି
କନକ ବ୍ୟୁରୋ : ଆସନ୍ତା କାଲି ସସଂଦରେ ମୌସୁମୀ ଅଧୀବେଶନ ଆରମ୍ଭ ହେଉଛି । ତେବେ ଏହି ଅଧୀବେଶନରେ ସରକାରଙ୍କୁ କେଉଁ ପ୍ରସଙ୍ଗରେ ବିରୋଧୀମାନେ ଘେରିବେ ସେନେଇ ଋଣନୀତି ପ୍ରସ୍ତୁତ କରିଛନ୍ତି । ତେବେ ଅଧୀବେଶନ ଆରମ୍ଭ ହେବା ପୂର୍ବରୁ ସେମାବାର ୧୩ ଟି ବିରୋଧୀ ଦଳ ନିଜ ନିଜ ଦଳର ସାସଂଦଙ୍କ ସହ ବୈଠକ କରି ସରକାରଙ୍କୁ କେଉଁ କେଉଁ ପ୍ରସଙ୍ଗରେ ଘେରିବେ ସେନେଇ କାର୍ଯ୍ୟପନ୍ଥା ସ୍ଥିର କରିଛନ୍ତି । ତେବେ ଏକ ଜାତୀୟ ଗଣମାଧ୍ୟମରୁ ଜଣାପଡିଛି ଯେ, ବିରୋଧୀମାନେ କିଛି ନିର୍ଦ୍ଧିଷ୍ଟ ପ୍ରସଙ୍ଗ ଉପରେ ଆଲୋଚନା କରିବା ପାଇଁ ଇଚ୍ଛା ପ୍ରକାଶ କରିଛନ୍ତି । ତେବେ ତାହା କେଉଁ ପ୍ରସଙ୍ଗ ବର୍ତ୍ତମାନ ସମୟରେ ଜଣାପଡିନାହିଁ । ତେବେ ବିରୋଧୀମାନେ ରାଫେଲ ଡିଲ, ନିରବ ମୋଦୀ ଓ ଲଳିତ ମୋଦୀ ଏବଂ ବିଜୟ ମାଲ୍ୟାଙ୍କ ଉପରେ ଆଲୋଚନା କରିବେ ବୋଲି ଚର୍ଚ୍ଚା ଜୋର ଧରିଛି । ଏହାସହ କୋଟା ପ୍ରସଙ୍ଗରେ ବିରୋଧୀମାନେ ସରକାରଙ୍କୁ ଘେରିବେ ବୋଲି ଜଣାପଡିଛି । କେବଳ ଏତିକି ନୁହେଁ ଲିଚିଙ୍ଗ, ଦଳୀତଙ୍କ ଉପରେ ଆକ୍ରମଣ ଓ ମହିଳାଙ୍କ ଉପରେ ବଢୁଥିବା ଅତ୍ୟାଚାର ବିଷୟରେ ମଧ୍ୟ ଆଲୋଚନା ହୋଇପାରେ ।
Kanak News is now on WhatsApp
Join and get latest news updates delivered to you via WhatsApp
ବିରୋଧୀମାନଙ୍କ ଅଭିଯୋଗ ଅନୁସାରେ ପୂର୍ବ ଅଧିବେଶନରେ ସରକାରଙ୍କୁ ଗୃହରେ ସମର୍ଥନ କରୁଥିବା ଦଳ ନାରାବାଜି କରିଥିଲେ କିନ୍ତୁ ସରକାର ବିରୋଧୀମାନେ ଗୃହ ଚଳାଇ ଦେଉନାହାନ୍ତି ବୋଲି ଗଣମାଧ୍ୟମରେ କହିଥିଲେ । ତେବେ ଏଥର ଯଦି ଗୃହ ସଠିକ ଭାବରେ ଚାଲିନପାରେ ତାହା ଲାଗି କେବଳ ସରକାର ହିଁ ଦାୟୀ ରହିବେ । ଦେଶର ହିତ ଲାଗି ବିରୋଧୀମାନେ ସମସ୍ତ ପ୍ରସଙ୍ଗ ଉଠାଇବା ଲାଗି ନିଜକୁ ପ୍ରସ୍ତୁତ କରିଛନ୍ତି ବୋଲି ଜଣାପଡିଛି । କେବଳ ଏତିକି ନୁହେଁ ବିରୋଧୀ ଦଳ ଗୁଡିକ ସୂଚନା ଦେଇଛନ୍ତି ଆମେ ସମସ୍ତ ପ୍ରସଙ୍ଗରେ ସରକାରଙ୍କୁ ଜବାବ ମାଗିବୁ ଓ ସେମାନେ ଜବାବ ଦେବାପାଇଁ ବାଧ୍ୟ । ଯଦି ସେମାନେ ଜବାବ ନଦେଇ ନିଜ ସମର୍ଥକଙ୍କ ସହ ମିଶି ଗୃହରେ ନାରାବାଜି ପ୍ରଦର୍ଶନ କରିବେ ତେବେ ଓ ଗୃହ ନ ଚାଲିପାରିଲେ ତାହା ପାଇଁ କେବଳ ସରକାର ଦାୟୀ ରହିବେ । ଆମେ ଯଦି ଉଦାହରଣ ନେବା ତେବେ ତେଲଗୁ ଦେଶମ ପାର୍ଟି ଏବେ ସରକାରରେ ନାହିଁ । କିନ୍ତୁ ବର୍ତ୍ତମାନ ସମୟରେ ସେ ସରକାରଙ୍କ ବିରୋଧୀ ଦଳ ଭାବରେ ସମସ୍ତେ ଜାଣନ୍ତି । ଯଦି ସେମାନଙ୍କ ପ୍ରଶ୍ନକୁ ସରକାର ଏଡାଇ ଦେବେ ତେବେ ସମସ୍ତ ବିରୋଧୀ ଦଳ ଏହାର ବିରୋଧ କରିବେ ବୋଲି କିଛି ବିରୋଧୀ ଦଳର ବରିଷ୍ଠ ନେତା ସୂଚନା ଦେଇଛନ୍ତି । ଏହାସହ ରାଜ୍ୟସଭା ଉପସଭାପତି ନିର୍ବାଚନ ପାଇଁ ମଧ୍ୟ ବିରୋଧୀମାନେ ଆଲୋଚନା କରିବେ ବୋଲି ଜଣାପଡିଛି । ତେବେ ସରକାର କିପରି ଭାବରେ ସେମାନଙ୍କ ପ୍ରଶ୍ନକୁ ସାମନା କରିବ ତାହା ହିଁ ଦେଖିବାକୁ ରହିଲା ।