କନକ ବ୍ୟୁରୋ:’ କାଳିଆ’ ଯୋଜନାକୁ ନେଇ ରାଜ୍ୟ ରାଜନୀତିରେ ହଡ଼କମ୍ପ ସୃଷ୍ଟି ହେଉଥିବାବେଳେ ଅର୍ଥ କମିଶନ ଅଧ୍ୟକ୍ଷ ଏହି ଯୋଜନାକୁ ପ୍ରଶଂସା କରିଛନ୍ତି । ପଞ୍ଚଦଶ ଅର୍ଥ କମିଶନ ଅଧ୍ୟକ୍ଷ ନନ୍ଦ କିଶୋର ସିଂହଙ୍କ କହିବା ମୁତାବକ ‘କାଳିଆ’ ଯୋଜନା ବର୍ତ୍ତମାନ ପର୍ଯ୍ୟନ୍ତ କୃଷକଙ୍କ ପାଇଁ ସର୍ବକୃଷ୍ଠ ବ୍ୟବସ୍ଥିତ ଯୋଜନା । ଏହାଦ୍ୱାରା ଚାଷୀମାନେ ଅଧିକ ଉପକୃତ ହେବେ । କିନ୍ତୁ ଏହାକୁ ସଠିକ ଭାବେ ପରିଚାଳନା କରିବାର ଆବଶ୍ୟକ ରହିଛି । ଏବଂ ଯୋଜନା ଅନୁସାରେ ଚାଷୀଙ୍କୁ ଉପଯୁକ୍ତ ଅର୍ଥ ମିଳିଲେ ଯୋଜନା ସଫଳ ହୋଇପାରିବ ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ରାଜ୍ୟ ସରକାରଙ୍କୁ ଅର୍ଥ କମିଶନ ଅଧ୍ୟକ୍ଷ ନନ୍ଦକିଶୋର ସିଂହ ସାମ୍ବାଦିକ ସମ୍ମିଳନୀରେ ପ୍ରଶଂସା କରିବା ସହ ବିଭିନ୍ନ କ୍ଷେତ୍ରରେ ବିଚାର ବିମର୍ଷ କରି ପଦକ୍ଷେପ ନେବାକୁ ପରାମର୍ଶ ଦେଇଛନ୍ତି । ସରକାରଙ୍କ ଆର୍ଥିକ ପରିଚାଳନା, ପ୍ରାକୃତିକ ବିପର୍ଯ୍ୟୟ ମୁକାବିଲାକୁ ପ୍ରଶଂସା କରିଛନ୍ତି ଅର୍ଥ କମିଶନ ।
ଅନ୍ୟପଟେ ଓଡ଼ିଶାରେ ସ୍ଥିର ସରକାର ଥିବାରୁ ରାଜ୍ୟର ଅଭିବୃଦ୍ଧି ହେଉଛି । ଏବଂ କେନ୍ଦ୍ର ସରକାରଙ୍କ ଅର୍ଥକୁ ସଠିକ୍ ଭାବେ ରାଜ୍ୟ ସରକାର ବିନିଯୋଗ କରୁଛନ୍ତି ବୋଲି କହିଛନ୍ତି ଅର୍ଥ କମିଶନ ଅଧ୍ୟକ୍ଷ ନନ୍ଦକିଶୋର ସିଂହ । ଏବେ ‘କାଳିଆ’ ଯୋଜନାକୁ ନେଇ କଳି ଲାଗୁଥିବାବେଳେ ଅର୍ଥ କମିଶନଙ୍କ ପ୍ରଶଂସା ହୁଏତ ରାଜ୍ୟ ରାଜନୀତିରେ ଉଷ୍ମତା ଆଣିପାରେ ବୋଲି ଚର୍ଚ୍ଚା ହେଉଛି ।