ଇସ୍ତଫା ଦେଲେ କଂଗ୍ରେସ ଟିକେଟରୁ ୧୧ ଥର ବିଧାୟକ ହୋଇଥିବା ଏହି ନେତା, ଏବେ ଧରିପାରନ୍ତି ବିଜେପି ହାତ !
କନକ ବ୍ୟୁରୋ : ଗୁଜରାଟ ବିଧାନସଭା ନିର୍ବାଚନ ପୂର୍ବରୁ କଂଗ୍ରେସକୁ ବଡ ଝଟକା ଲାଗିଛି । ଛୋଟା ଉଦୟପୁରରୁ କଂଗ୍ରେସ ଟିକେଟରୁ ୧୧ ଥର ବିଧାୟକ ଭାବେ ନିର୍ବାଚିତ ହୋଇଥିବା ମୋହନ ସିଂ ରାଠୱା ଆଜି ଦଳରୁ ଇସ୍ତଫା ଦେଇଛନ୍ତି । ଏହାସହ ସେ ଖୁବଶୀଘ୍ର ବିଜେପିରେ ଯୋଗ ଦେବେ ବୋଲି ଆଲୋଚନା ହେଉଛି । କୁହାଯାଉଛି କି, ରାଠୱା ଅନେକ ଦିନ ହେବ ଦଳର କାର୍ଯ୍ୟକଳାପକୁ ନେଇ ଅସନ୍ତୋଷ୍ଟ ଥିଲେ । ଏହାସହ ମେ ମାସରେ ସେ ଆଗାମୀ ନିର୍ବାଚନ ଲଢିବେ ନାହିଁ ବୋଲି ଏକ ବୟାନ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଆଜି ଇସ୍ତଫା ଦେବା ପରେ ରାଠୱା କହିଛନ୍ତି କି ବୟସାଧିକ କାରଣରୁ ସେ ଇସ୍ତଫା ଦେଇ ଯୁବପୀଢିଙ୍କୁ ସୁଯୋଗ ଦେବାକୁ ଚାହୁଁଛନ୍ତି । ସେପଟେ ଆଲୋଚନା ହେଉଛି କି ମୋହନ ସିଂ ରାଠୱା ତାଙ୍କ ପୁଅ ରାଜେନ୍ଦ୍ର ସିଂ ରାଠୱାଙ୍କୁ ପ୍ରାର୍ଥୀ କରିବାକୁ ଏଭଳି ନିଷ୍ପତ୍ତି ନେଇଛନ୍ତି ।
ଆଦିବାସୀ ବହୁଳ ଛୋଟା ଉଦୟପୁର ରାଜନୀତିରେ କଂଗ୍ରେସର ପଲ୍ଲା ସବୁବେଳେ ଭାରି ରହିଛି । ଏଠାରେ ଦଳର ମୋହନ ସିଂ ରାଠୱା, ନାରାୟଣ ରାଠୱା ଓ ସୁଖରାମ ରାଠୱା ଦଳକୁ ମଜବୁତ କରିବାରେ ମୁଖ୍ୟ ଭୂମିକା ନେଇଥାନ୍ତି । ହେଲେ ଚଳିତ ବିଧାନସଭା ନିର୍ବାଚନ ପୂର୍ବରୁ ମୋହନ ସିଂ ରାଠୱା ଦଳରୁ ଇସ୍ତଫା ଦେବା ପରେ କଂଗ୍ରେସର ଏହି ଗଡ ଭାଙ୍ଗିପାରେ ବୋଲି ଆକଳନ କରାଯାଉଛି ।