ସଲମାନଙ୍କ ବଡିଗାର୍ଡ ସେରାଙ୍କ ନାମରେ ମୁମ୍ବାଇ ଥାନାରେ ହେଲା ଅଭିଯୋଗ

0

ଆକ୍ରମଣ ଉଦ୍ୟମ କରିଥିବା ଅଭିଯୋଗରେ ସଲମାନଙ୍କ ବଡିଗାର୍ଡ ସେରା ଗତକାଲି ଗିରଫ ହୋଇଛନ୍ତି । ସେରାଙ୍କ ବିରୁଦ୍ଧରେ ମାଡପିଟ କରିବା ସହ ବନ୍ଧୁକ ଦେଖାଇ ଧମକାଇବା ପରି ସଙ୍ଗୀନ ଅଭିଯୋଗ ହୋଇଥିଲା ମୁମ୍ବାଇର ଡିଏନନଗର ପୁଲିସ ଷ୍ଟେସନରେ । ଅଭିଯୋଗ ପରେ ସେରାଙ୍କୁ ଗିରଫ କରିଛି ପୁଲିସ ।

source-Businessofcinema.com

 

ଅଭିଯୋଗକାରୀ ଅଖତର କୁରେସି ଅଭିଯୋଗ କରିଛନ୍ତି ସେରା ତାଙ୍କୁ ମାଡ ମାରିବା ସହ ବନ୍ଧୁକ ଦେଖାଇ ଧମକ ଦେଇଛନ୍ତି । କିନ୍ତୁ ସେରା ଏକଥାକୁ ଖଣ୍ଡନ କରିବା ସହ କହିଛନ୍ତି, ମୁଁ ଶାରୀରିକ ରୂପେ କାହାକୁ କ୍ଷତି ପହଂଚାଇ ନାହିଁ । ଏହା କେବଳ ଏକ ଯୁକ୍ତିତର୍କ ଥିଲା ।

ଶେରା କହିଛନ୍ତି ବୁଧବାର ଦିନ ମାଡପିଟ ପରି କୈାଣସି ଘଟଣା ଘଟିନାହିଁ । ବୁଧବାର ଦିନ ସେ ତାଙ୍କ ଜଣେ ସାଙ୍ଗକୁ ଦେଖା କରିବା ପାଇ କୋକିଲାବେନ ମେଡିକାଲ ଯାଇଥିଲେ ଏବଂ ପରେ କେବଳ ଫୋନରେ ଯୁକ୍ତିତର୍କ ହୋଇଥିଲା ବୋଲି କହିଛନ୍ତି ।

ତା ପର ଦିନ ସକାଳେ ପୁଲିସ ଆସି ସେରାଙ୍କୁ ଗିରଫ କରିଥିଲା ବୋଲି ସେ ଟାଇମସ ନାଓକୁ କହିଛନ୍ତି ।ଅଭିଯୋଗକାରୀଙ୍କ ତଥ୍ୟ ମୂତାବକ ମୁମ୍ବାଇ ପୁଲିସ ଆଇପିସି ଧାରା ୩୨୬, ୫୦୩, ୫୦୪ରେ ମାମଲା ରୁଜୁ କରିବା ସହ ମାମଲାର ଯାଂଚ ଆରମ୍ଭ କରିଛି ।

Comments are closed.