‘ପଦ୍ମାବତ’ ରିଲିଜ୍ ପାଇଁ ପଥ ପରିଷ୍କାର ! ପୁରା ଦେଶରେ ୨୫ ତାରିଖରେ ରିଲିଜ୍ ହେବ ସିନେମା
ପଦ୍ମାବତ ସିନେମା ରିଲିଜ୍ ପାଇଁ ପଥ ପରିଷ୍କାର । ଆସନ୍ତା ୨୫ତାରିଖରେ ପୁରା ଦେଶରେ ରିଲିଜ୍ ହେବ ସିନେମା । ପଦ୍ମାବତର ରିଲିଜ୍ ନେଇ ସୁପ୍ରିମକୋର୍ଟରେ ହୋଇଥିବା ସବୁ ଆବେଦନକୁ ଖାରଜ କରିଦେଇଛନ୍ତି ସୁପ୍ରିମକୋର୍ଟ । ଫିଲ୍ମ ରିଲିଜ୍ ପାଇଁ ସବୁଜ ସଂକେତ ଦେବା ପରେ ଏହାର ପୁନଃବିଚାର କରିବା ପାଇଁ ଆବେଦନ କରିଥିଲେ ମଧ୍ୟପ୍ରଦେଶ ଓ ରାଜସ୍ତାନ ସରକାର ସମେତ କେତେକ ସଂଗଠନ ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖଥାଉ କି, ଆଗାମୀ ୨୫ ତାରିଖରେ ଫିଲ୍ମ ରିଲିଜ କରିବାକୁ ପ୍ରଯୋଜନା ସଂସ୍ଥା ଘୋଷଣା କରିବା ପରେ ପୁଣି ବିରୋଧ ଆରମ୍ଭ କରିଥିଲା କରଣି ସେନା । ବିଭିନ୍ନ ସହରରେ ଫିଲ୍ମର ରିଲିଜକୁ ବିରୋଧ କରି ବିକ୍ଷୋଭ ପ୍ରଦର୍ଶନ ଜାରି କରିଛି । ଏହାରି ଭିତରେ ଫିଲ୍ମ ରିଲିଜ ହେଲେ ଆଇନ ଶୃଙ୍ଖଳା ପରିସ୍ଥିତି ଉପୁଜିବା ଆଶଙ୍କାରେ ଏହା ଉପରେ ରୋକ ଲଗାଇବାକୁ ସୁପ୍ରିମକୋର୍ଟ ଯାଇଥିଲେ ମଧ୍ୟପ୍ରଦେଶ ଓ ରାଜସ୍ଥାନ ସରକାର ।