ସିଦ୍ଧୁଙ୍କୁ ଆମ ସିଦ୍ଧୁ ବୋଲି ସମ୍ବୋଧନ କଲେ ପାକିସ୍ତାନ ପ୍ରଧାନମନ୍ତ୍ରୀ । ଭାଇରାଲ ହେଲା କର୍ତାରପୁର କରିଡର ଉଦଘାଟନ୍ ବେଳର ଦୃଶ୍ୟ, ଇମ୍ରାନ କହିଥିଲେ ସିଦ୍ଧୁଙ୍କୁ ବନାଇବେ ହିରୋ ।
କନକ ବ୍ୟୁରୋ : ଗତ ଶନିବାର ଦିନ କର୍ତାରପୁର କରିଡର ଉଦଘାଟନରେ ସାମିଲ ହୋଇଥିଲେ ପୂର୍ବତନ କ୍ରିକେଟର ତଥା କଂଗ୍ରେସ ନେତା ନବଜୋତ ସିଂ ସିଦ୍ଧୁ । ଏଥିରେ ପାକ୍ ପ୍ରଧାନମନ୍ତ୍ରୀ ଇମ୍ରାନ ଖାନ ବି ଯୋଗଦେଇଥିଲେ । ଏହି କାର୍ଯ୍ୟକ୍ରମ ସମୟରେ ଇମ୍ରାନ ଖାନ୍, ସିଦ୍ଧୁଙ୍କ ବିଷୟରେ ପଚାରୁଥିବାର ଦେଖିବାକୁ ମିଳିଛି । ଯେଉଁଥିରେ ଇମ୍ରାନ ଖାନ ପଚାରୁଛନ୍ତି ଆମ ସିଦ୍ଧୁ କେଉଁଠି ? ଆଉ ସୋସିଆଲ ମିଡିଆରେ ଏବେ ଭାଇରାଲ ହୋଇଛି ଏହି ଭିଡିଓ ।
Kanak News is now on WhatsApp
Join and get latest news updates delivered to you via WhatsApp
ଏକ ମିନିଟ୍ ୫୫ସେକେଣ୍ଡର ଏହି ଭିଡିଓରେ ଦେଖିବାକୁ ମିଳିଛି ଯେ କର୍ତାରପୁର କରିଡରରେ ପହଂଚିବା ପାଇଁ ବସରେ ଯାତ୍ରା କରୁଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ ଓ ପ୍ରତିନିଧି ଦଳ । ଯେଉଁଠି ନବଜୋତ ସିଂ ସିଦ୍ଧୁଙ୍କ ବିଷୟରେ ପଚାରିବାକୁ ଯାଇ ଇମ୍ରାନ ଖାନ କହୁଛନ୍ତି ଯେ, ଆଚ୍ଛା ଆମର ସେଇ ସିଦ୍ଧୁ କେଉଁଠି ଅଛି ? ମୁଁ କହୁଛି ଆମର ସିଦ୍ଧୁ । ଯାହାର ଜବାବ ରଖିଛନ୍ତି ତାଙ୍କର ଜଣେ ମହିଳା ମନ୍ତ୍ରୀ । ଏବଂ କହିଛନ୍ତି ସିଦ୍ଧୁଙ୍କୁ ଅନୁମତି ମିଳୁନଥିଲା । ଯାହାର ଉତ୍ତରରେ ପୁଣି ଇମ୍ରାନ କହିଛନ୍ତି ଯେ, ତାଙ୍କୁ ହିରୋ ବନାଇବା । ଏହାପରେ ମହିଳା ମନ୍ତ୍ରୀ ଜଣକ କହିଛନ୍ତି ଯେ ସବୁ ଚ୍ୟାନେଲରେ ହେଡଲାଇନ୍ସ ବନିବେ ସିଦ୍ଧୁ । ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ସମ୍ପର୍କରେ ମଧ୍ୟ ଇମ୍ରାନ ଖାନ ପଚାରୁଥିବାର ନଜର ଆସିଛନ୍ତି ।
ଦୀର୍ଘ ବର୍ଷର ଅପେକ୍ଷା ପରେ ଗତ ଶନିବାର ଦିନ କର୍ତାରପୁର କରିଡର ଉଦଘାଟନ ହୋଇଛି । ଉଦଘାଟନ ସମୟର ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି । ଏହି ଅବସରରେ ନବଜୋତ ସିଂ ସିଦ୍ଧୁଙ୍କୁ ସ୍ୱତନ୍ତ୍ର ଅତିଥି ଭାବେ ନିମନ୍ତ୍ରଣ କରିଥିଲା ପାକିସ୍ତାନ । ଯେଉଁଥିରେ ଯୋଗଦେଇ ପୁଣି ଥରେ ବିଜେପିର ଟାର୍ଗେଟକୁ ଚାଲିଆସିଛନ୍ତି ସିଦ୍ଧୁ । ଅପରପକ୍ଷରେ ଇମ୍ରାନ ଖାନ ଏହି ଭାଇରାଲ ଭିଡିଓ ସିଦ୍ଧୁଙ୍କ ସମସ୍ୟାକୁ ବଢାଇ ଦେଇଛି । ଯେଉଁଥିରେ ଇମ୍ରାନ, ସିଦ୍ଧୁଙ୍କୁ ଆମ ସିଦ୍ଧୁ କହୁଥିବାର ନଜର ଆସିଛନ୍ତି ।