ଟ୍ରାକ୍ ମରାମତି ବେଳେ ଚଢ଼ିଗଲା ଟ୍ରେନ୍ ! ଜଣେ ମୃତ, ୨ ଗୁରୁତର
କନକ ବ୍ୟୁରୋ : ଗତକାଲି ରାତି ପ୍ରାୟ ୨ଟା ବେଳେ କୋରାପୁଟ୍ ଷ୍ଟେସନ ରେଲେଓ୍ଵ ଟ୍ରାକରେ ମରାମତି କରୁଥିବା ବେଳେ ହଠାତ ଏକ ଟ୍ରେନ୍ ଇଞ୍ଜିନ ଭୁଲ ଟ୍ରାକରେ ଆସି ମରାମତି କରୁଥିବା ରେଳବାଇ କର୍ମଚାରୀଙ୍କୁ ଧକ୍କା ଦେଇଛି । ଏଥିରେ ଜଣେ ରେଳବାଇ କର୍ମଚାରୀଙ୍କର ମୃତ୍ୟୁ ଘଟିଥିବା ବେଳେ ୨ ଜଣ ଗୁରୁତର ଭାବେ ଆହତ ହୋଇଛନ୍ତି । ଆହତ ଦ୍ୱୟଙ୍କୁ ଚିକିତ୍ସା ପାଇଁ ବିଶାଖାପାଟଣା ପଠାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, କୋରାପୁଟ ଷ୍ଟେସନ୍ ରେଲେଓ୍ଵ ଟ୍ରାକରେ କିଛି ତ୍ରୁଟି ଥିବା ଜଣାପଡ଼ିବା ପରେ ସିଗନାଲ ମ୍ୟାନେଜର ବିଏସ ଭଟାଚାର୍ୟ୍ୟ, ଟ୍ରାକ୍ ମ୍ୟାନ୍ ସନାଧର ହନ୍ତାଳ ଓ ମେକାନିକ୍ ଆର କପିଳାସ ରାଜୁ ଟ୍ରାକ୍ ମରାମତି କରୁଥିଲେ । ରାତିପ୍ରାୟ ୨ଟା ସମୟରେ ଏକ ରେଳ ଇଞ୍ଜିନ୍ ଭୁଲ ଟ୍ରାକ୍ରେ ଆସି ସେମାନଙ୍କୁ ଧକ୍କା ଦେବାରୁ ଘଟଣାସ୍ଥଳରେ ଶ୍ରୀ ଭଟାଚାର୍ୟ୍ୟଙ୍କର ମୃତ୍ୟୁ ଘଟିଥିବା ବେଳେ ଶ୍ରୀ ହନ୍ତାଳ ଓ ଶ୍ରୀ ରାଜୁ ଗୁରୁତର ଭାବେ ଆହତ ହୋଇଛନ୍ତି ।