ସାମ୍ନାକୁ ଆସିଲା ଆଉ ଜଣେ ରଙ୍ଗିଲା ବାବାଙ୍କ କଳା କାରନାମା । ‘୧୬ ହଜାର’ ରାଣୀ ମଧ୍ୟରୁ ଜଣେ କହି ଯୁବତୀଙ୍କୁ କରୁଥିଲା ଅନେକ ଥର ଦୁଷ୍କର୍ମ
ଦିଲ୍ଲୀର ରୋହିଣୀଠାରେ ଆଧାତ୍ମିକ ଆଶ୍ରମ ନାଁରେ ଛୋଟ ପିଲାଙ୍କୁ ଯୌନ ଶୋଷଣ କରାଯାଉଥିବା ମାମଲା ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଦେଲା ଭଳି ଘଟଣା ସାମ୍ନାକୁ ଆସିଛି । ଆଶ୍ରମରେ ଚଢାଉ ପରେ ଯେଉଁସବୁ ଜିନିଷ ଜବତ ହୋଇଥିଲା ତାକୁ ଯଦି ଧ୍ୟାନ ଦିଆଯାଏ ତେବେ ତାହା ବଳାକ୍ରାରୀ ବାବା ରାମ ରହିମଙ୍କ ଡେରା ସଚ୍ଚା ଭଳି ପ୍ରତୀୟ ହୋଇଛି । ତେବେ ଏହି ବାବା ଜଣକ ହେଉଛନ୍ତି ବାବା ବିରେନ୍ଦ୍ର ଦେବ ଦୀକ୍ଷିତ । ଯେତେବେଳ ପୁଲିସ୍ ବାବାଙ୍କ ଏହି ଆଶ୍ରମରେ ଚଢାଉ କରିଥିଲେ ସେତେବେଳେ ଆଶ୍ରମରୁ ଅନେକ ଇଂଜେକସନ, ଯୌନ ଉଦ୍ଦିପନ ବଟିକା ଏବଂ ଅନ୍ୟାନ୍ୟ ନିଶାଜାତ ଦ୍ରବ୍ୟ ଜବତ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଦିଲ୍ଲୀ ହାଇକୋର୍ଟ ଏନେଇ ଏକ ମାମଲାର ଶୁଣାଣି କରିବାକୁ ଯାଇ ପୁଲିସକୁ ଏହି ‘ଆଧ୍ୟାତ୍ମିକ ବିଶ୍ୱବିଦ୍ୟାଳୟ’ରେ ଚଢାଉ କରିବାକୁ ନିର୍ଦ୍ଦେଶ ଦେଇଥିଲେ ଏବଂ କୋର୍ଟଙ୍କ ନିର୍ଦ୍ଦେଶକ୍ରମେ ମଙ୍ଗଳବାର ଦିନ ଦିଲ୍ଲୀ ପୁଲିସର ଏକ ଦଳ, ୪ ଜଣ ଓକିଲ ଏବଂ ଦିଲ୍ଲୀ ମହିଳା ଆୟୋଗର ଅଧ୍ୟକ୍ଷା ସ୍ୱାତି ମାଲିବାଲଙ୍କ ସହ ଉପସ୍ଥିତିରେ ୨୫ ବର୍ଷ ପୁରୁଣା ଏହି ଆଶ୍ରମରେ ଚଢାଉ କରିଥିଲା । ଯାଂଚ ପରେ ଆଇନଜୀବି ନନ୍ଦିତା ରାଓ ହାଇକୋର୍ଟରେ ଏକ ତଥ୍ୟ ଉପସ୍ଥାପନା କରି କହିଛନ୍ତି କି, ବିରେନ୍ଦ୍ର ବାବାଙ୍କ ଆଶ୍ରମରେ ପାଖାପାଖି ୧୦୦ରୁ ଅଧିକ ଯୁବତୀଙ୍କୁ ପଶୁଙ୍କ ଭଳି ଅକଥନୀୟ ନିର୍ଯାତନା ଦିଆଯାଉଥିଲା । ସେମାନଙ୍କ ନିକଟରେ ନା ହିଁ କୌଣସି ପ୍ରାଇଭେସି ଥିଲା ନା ହିଁ କୌଣସି ସୁବିଧା । ସେମାନଙ୍କୁ ସମସ୍ତଙ୍କୁ ବହୁତ ଛୋଟ ବକ୍ସ ଭଳି ସ୍ଥାନରେ ରଖାଯାଇଥିଲା । ଯେଉଁଠି ବିଲକୁଲ ବି ସୂର୍ଯ୍ୟାଲୋକ ପହଂଚିପାରୁନଥିଲା ଆଉ ସେଠାରୁ ବାହାରିବାର କୌଣସି ରାସ୍ତା ମଧ୍ୟ ନଥିଲା । ଯେଉଁଠାରେ ଏହି ଝିଅମାନେ ଶୋଉଥିଲେ ସେଠାରେ ମଧ୍ୟ ନଜରବନ୍ଦୀ କରାଯାଉଥିଲା ।
ଖାଲି ସେତିକି ନୁହେଁ, ଆଶ୍ରମରେ ଅନେକ ଖୋଲା ସିରିଂଜି ଏବଂ ମେଡିସିନ ମଧ୍ୟ ଜବତ କରିଥିଲା ପୁଲିସ । ତେବେ ଆଶ୍ରମରେ ବନ୍ଦୀଥିବା ଅଧିକାଂଶ ମହିଳା ଉତ୍ତରପ୍ରଦେଶ କିମ୍ବା ଛତିଶଗଡର ବୋଲି ଜଣାପଡିଛି । ଯାଂଚ ବେଳେ ଜଣେ ମହିଳା ନିଜ ସହ ହୋଇଥିବା ଅକଥନୀୟ ନିର୍ଯ୍ୟାତନା ଲୋମହର୍ଶଣକାରୀ କାହାଣୀକୁ ବ୍ୟକ୍ତ କରିଥିଲେ । ଯୁବତୀଙ୍କ କହିବା ଅନୁସାରେ, ବାବା ତାଙ୍କୁ ନିଜର ୧୬,୦୦୦ ରାଣୀ ମଧ୍ୟରେ ଗୋଟିଏ ବୋଲି କହୁଥିଲେ । ଏପରିକି ବାବା ତାଙ୍କୁ ଅନେକ ଥର ଦୁଷ୍କର୍ମ ମଧ୍ୟ କରିଥିବା ଯୁବତୀ ଜଣକ ଅଭିଯୋଗ କରିଛନ୍ତି ।
ସେପଟେ, ଆଶ୍ରମରେ ବାବାଙ୍କ ନାମରେ ଅନେକ ଚିଠି ଜବତ ହୋଇଛି । ଯେଉଁଥିରେ ସେକ୍ସୁଆଲ କଂଟେଟ ରହିଛି । ସେହିପରି ସାରା ଆଶ୍ରମରେ କେଉଁଠି ବି ଧାର୍ମିକ ପୁସ୍ତକ ମିଳିନଥିଲା ବୋଲି ଚଢାଉ ବେଳେ ଉପସ୍ଥିତ ଥିବା ଦିଲ୍ଲୀ ମହିଳା ଆୟୋଗର ଅଧ୍ୟକ୍ଷା ସ୍ୱାତୀ ମାଲିବାଲ କହିଛନ୍ତି ।