ତାଇୱାନକୁ ଭୟ ଚୀନ ଭୂତାଣୁ ! ନୂଆ ଭାଇରସରେ ଆକ୍ରାନ୍ତ ୩୫ଜଣଙ୍କୁ ଚିହ୍ନଟ
କନକ ବ୍ୟୁରୋ : ଚୀନରେ ନୂଆ ଭାଇରସର ସଂକ୍ରମଣ ବ୍ୟାପିବାରେ ଲାଗିଛି । ‘ଜୁନୋଟିକ ଲଙ୍ଗ୍ୟା’ ନାମକ ଏହି ଭାଇରସରେ ଆକ୍ରାନ୍ତ ୩୫ଜଣଙ୍କୁ ଚିହ୍ନଟ କରାଯାଇଛି । ଚୀନର ସାନଡଙ୍ଗ ଓ ହେନାନ ପ୍ରାନ୍ତରେ ଲୋକଙ୍କ ଭିତରେ ଏହି ଭୂତାଣୁ ସଂକ୍ରମଣ ହୋଇଥିବା ଜଣାପଡିଛି । ଗଣମାଧ୍ୟମରେ ପ୍ରକାଶ ପାଇଥିବା ରିପୋର୍ଟ ଅନୁସାରେ ତାଇୱାନ ସେଣ୍ଟର ଫର ଡିଜିଜ କଣ୍ଟ୍ରୋଲ ପକ୍ଷରୁ ଏନେଇ ସୂଚନା ଦିଆଯାଇଛି । ଏବଂ ଚୀନରେ ଏହି ଭୂତାଣୁ ସଂକ୍ରମଣ ବ୍ୟାପୁଥିବା କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏନେଇ ଅଧିକ ତଥ୍ୟ ହାସଲ କରିବା ପାଇଁ ନ୍ୟୁକ୍ଲିକ ଏସିଡ ପରୀକ୍ଷଣ କରାଯିବ ବୋଲଇ ତାଇୱାନ ସେଣ୍ଟର ଫର ଡିଜିଜ କଣ୍ଟ୍ରୋଲ ପକ୍ଷରୁ କୁହାଯାଇଛି । ଭୂତାଣୁ ଓ ଏହାର ସଂକ୍ରମଣ ଉପରେ ଅଧିକ ତଥ୍ୟ ହାସଲ କରିବା ପାଇଁ ପରୀକ୍ଷଣ କରିବ ତାଇୱାନ ସେଣ୍ଟର ଫର ଡିଜିଜ କଣ୍ଟ୍ରୋଲ । ଏହା ପଶୁଙ୍କ ଠାରୁ ମଣିଷଙ୍କୁ ବ୍ୟାପିଥାଇପାରେ । ତେବେ ମଣିଷ ଠାରୁ ମଣିଷକୁ ବ୍ୟାପିବା ନେଇ କୌଣସି ସୂଚନା ମିଳିନାହିଁ । ଏନେଇ ଅଧିକ ତଥ୍ୟ ହାସଲ କରାଯାଉଥିବା ତାଇୱାନ ସିଡିସି ପକ୍ଷରୁ କୁହାଯାଇଛି ।
ଚୀନରେ ବ୍ୟାପୁଛି ‘ଜୁନୋଟିକ ଲଙ୍ଗ୍ୟା’ ଭୂତାଣୁ
– ଚୀନରେ ‘ଜୁନୋଟିକ ଲଙ୍ଗ୍ୟା’ ଭୂତାଣୁ ସଂକ୍ରମଣ
– ୩୫ଜଣ ସଂକ୍ରମିତ ହୋଇଥିବା ସୂଚନା
– ଆକ୍ରାନ୍ତ ୩୫ଜଣ କେହି କାହା ସଂସ୍ପର୍ଶରେ ଆସିନାହାନ୍ତି
– ସଂକ୍ରମିତଙ୍କ ସଂସ୍ପର୍ଶରେ ଆସିଥିବା ଲୋକେ ଆକ୍ରାନ୍ତ ହୋଇନାହାନ୍ତି
– ଆକ୍ରାନ୍ତଙ୍କୁ ଜ୍ୱର, କାଶ, ମୁଣ୍ଡବିନ୍ଧା, କ୍ଲାନ୍ତି ଅନୁଭବ କରିବା, ଭୋକ ନହେବା ଲକ୍ଷଣ
– ସାନଡଙ୍ଗ ଓ ହେନାନ ପ୍ରାନ୍ତର ଲୋକେ ହୋଇଛନ୍ତି ଆକ୍ରାନ୍ତ
– ତାଇୱାନ ସେଣ୍ଟର ଫର ଡିଜିଜ କଣ୍ଟ୍ରୋଲର ସୂଚନା
– ପଶୁଙ୍କ ଠାରୁ ବ୍ୟାପିଥିବାର ଆଶଙ୍କା
– ମଣିଷ ଦେହରୁ ମଣିଷ ଦେହକୁ ବ୍ୟାପିବା ନେଇ ମିଳିନି ସୂଚନା
– ସଂକ୍ରମଣ ନେଇ ଅଧିକ ତଥ୍ୟ ହାସଲ କରୁଛି ତାଇୱାନ ସିଡିସି
– ଗୃହପାଳିତ ପଶୁଙ୍କ ଉପରେ କରାଯାଇଛି ସେରୋଲଜିକାଲ ସର୍ଭେ
– ସର୍ଭେ ରିପୋର୍ଟ ଅନୁସାରେ ୨% ଛେଳି ଓ ୫% କୁକୁର ପଜିଟିଭ ଚିହ୍ନଟ
ଆମେରିକା ସଂସଦ ସ୍ପିକର ନେନ୍ସି ପେଲୋସିଙ୍କ ତାଇୱାନ ଗସ୍ତ ପରେ ଚିହିଁକି ଉଠିଛି ଚୀନ୍ । ତାଇୱାନକୁ ନିଜର ଅଂଚଳ ବୋଲି ଦାବି କରି ଆସୁଥିବା ବେଜିଂ ତାଇୱାନକୁ କବଜା କରିବାକୁ ସବୁ ପ୍ରକାର କୌଶଳ ଆପଣାଇଛି । ତାଇୱାନ ତଟବର୍ତ୍ତୀ ଅଞ୍ଚଳରେ ଯୁଦ୍ଧାଭ୍ୟାସ କରିଛି ଚୀନ୍ । ତାଇୱାନ ଠାରୁ ମାତ୍ର ୯ ନଟିକଲ ମାଇଲ ଦୂରରେ ସମରାଭ୍ୟାସ କରିଛି ପିପୁଲ୍ସ ଲିବରେସନ ଆର୍ମି । ସମରାଭ୍ୟାସରେ ସାମିଲ ହୋଇଥିଲା ବୁଡାଜାହାଜ, ଯୁଦ୍ଧ ବିମାନ ଓ ମିଜାଇଲ ମୁତୟନ କରିଛି । ତାଇୱାନ ପୂର୍ବ–ତଟବର୍ତ୍ତୀ ଅଞ୍ଚଳରେ ଲଙ୍ଗ ରେଞ୍ଜ ମିଜାଇଲ ଉତକ୍ଷେପଣ ବି କରିଥିଲା ପିପୁଲ୍ସ ଲିବରେସନ୍ ଆର୍ମି ।
ତାଇୱାନର ୬ଟି ଦ୍ୱୀପରେ ଗୋଳା ବାରୁଦ ଚଳାଇ କରିଥିଲା ଯୁଦ୍ଧାଭ୍ୟାସ । ଏପରିକି ଦୂର ଲକ୍ଷ୍ୟଭେଦି କ୍ଷେପଣାସ୍ତ୍ର ଚଳାଇ ତାଇୱାନକୁ ନାଲି ଆଖି ଦେଖାଇବାକୁ ପଛାଇନାହିଁ ପିଏଲଏ । ଏହି ଯୁଦ୍ଧାଭ୍ୟାସ ଦ୍ୱାରା ଚୀନ ନିଜ ଶକ୍ତି ପ୍ରଦର୍ଶନ କରିଛି । ଏବେ ଚୀନ୍, ଭୂତାଣୁ ସାହାଯ୍ୟରେ ତାଇୱାନକୁ ଆକ୍ରମଣ କରିବାକୁ ଯୋଜନା କରୁଥିବା ନେଇ ଚର୍ଚ୍ଚା ଜୋର ଧରିଛି । କୁହାଯାଉଛି ‘ଜୁନୋଟିକ ଲଙ୍ଗ୍ୟା’ ଭୂତାଣୁ ଦ୍ୱାରା ତାଇୱାନ ଉପରେ ଆକ୍ରମଣ କରି ତାଇୱାନକୁ ନିଜ କବଜାକୁ ନେବାକୁ ପ୍ରୟାସ କରୁଛି ଚୀନ୍ । ଏପରି ଦାବି କରୁଛି ତାଇୱାନ । ଏନେଇ ଅନ୍ତର୍ଜାତୀୟ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଛି । ତାଇୱାନକୁ ହାତରେ ନମାରି ଭାତରେ ମାରିବାକୁ ଚେଷ୍ଟା ଚଳାଇଛି ବେଜିଂ । ବିସ୍ତାରବାଦୀ ନୀତି ପାଇଁ ଚୀନ୍ ଏଭଳି କରୁଆସୁଥିବା ତାଇୱାନ କହିଛି ।
ଭୂତାଣୁକୁ ଅସ୍ତ୍ର କରୁଛି ଚୀନ୍ !
– ଆମେରିକା ସଂସଦ ସ୍ପିକର ନେନ୍ସି ପେଲୋସିଙ୍କ ଗସ୍ତ ପରେ ଚିହିଁକି ଉଠିଛି ଚୀନ୍
– ତାଇୱାନକୁ ଘେରି ସମରାଭ୍ୟାସ କରିଥିଲା ଚୀନ୍
– ତାଇୱାନକୁ କବଜା କରିବାକୁ ଚୀନ୍ କରୁଛି ଚକ୍ରାନ୍ତ
– ଏବେ ଭୂତାଣୁକୁ ଅସ୍ତ୍ର କରିବାକୁ ଯୋଜନା କରୁଛି ଚୀନ୍
– ଭୂତାଣୁ ଆକ୍ରମଣ କରିବାକୁ ଯୋଜନା କରୁଛି ବେଜିଂ
– ଭୂତାଣୁ ଦ୍ୱାରା ଆକ୍ରମଣ କରିବାକୁ ଚୀନ୍ ଯୋଜନା କରୁଥିବା ତାଇୱାନର ଦାବି
– ତାଇୱାନକୁ ନିଜର ବୋଲି ଦାବି କରୁଛି ଚୀନ
– ତାଇୱାନ ଏହାକୁ ଗ୍ରହଣ କରୁନାହିଁ, ନିଜକୁ ସ୍ୱତନ୍ତ୍ର ବୋଲି ମାନୁଛି
– ଦ୍ୱିତୀୟ ବିଶ୍ୱଯୁଦ୍ଧ ସମୟରୁ ଦୁଇଦେଶ ମଧ୍ୟରେ ଲାଗିଛି ଉତ୍ତେଜନା
– ତାଇୱାନରେ ନିଜର ସମ୍ବିଧାନ ଓ ସରକାର ରହିଛି
– ଦକ୍ଷିଣ-ପୂର୍ବ ଚୀନ ଉପକୂଳରୁ ଶହେ ମାଇଲ ଦୂରରେ ଥିବା ଏକ ଦ୍ୱୀପ ହେଉଛି ତାଇୱାନ
– ଚୀନ-ତାଇୱାନ କେହି କାହାକୁ ମାନ୍ୟତା ଦେଇନାହାନ୍ତି
– ବିଶ୍ୱର କେବଳ ୧୩ଟି ଦେଶ ତାଇୱାନକୁ ସ୍ୱତନ୍ତ୍ର ଦେଶ ଭାବେ ମାନ୍ୟତା ଦେଇଛନ୍ତି
୨୦୧୯ ଶେଷ ଆଡକୁ ଆରମ୍ଭ ହୋଇଥିଲା କରୋନା ସଂକ୍ରମଣ । ଚୀନ୍ ଉହାନର ଏକ ଲ୍ୟାବରୁ ବ୍ୟାପିଥିଲା କରୋନା ଭୂତାଣୁ ସଂକ୍ରମଣ । ଚୀନରୁ ସଂକ୍ରମଣ ଆରମ୍ଭ ହୋଇ ଏହା ଗୋଟିଏ ପରେ ଗୋଟିଏ ରାଷ୍ଟ୍ରକୁ ବ୍ୟାପିବାରେ ଲାଗିଥିଲା । ୨୦୧୯ରୁ ଆରମ୍ଭ ହୋଇଥିବା ଏହି କରୋନା ଭୂତାଣୁ ସଂକ୍ରମଣ ଏବେ ପର୍ଯ୍ୟନ୍ତ ସାରା ବିଶ୍ୱରେ ଲାଗିରହିଛି । କରୋନା ମହାମାରୀର ପ୍ରଳୟ ସାରା ବିଶ୍ୱକୁ ପ୍ରଭାବିତ କରିଛି । ଚୀନରେ ପ୍ରଥମକରି ଦେଖା ଦେଇଥିବା ଏହି ମାରାତ୍ମକ ଭୂତାଣୁ ଉହାନ ଲ୍ୟାବରେ ସୃଷ୍ଟି ହୋଇଥିବା ଅଭିଯୋଗ ହୋଇଥିଲା ।
– ଚୀନରୁ ବ୍ୟାପିଥିଲା କରୋନା ଭୂତାଣୁ
– ଉହାନର ଏକ ଲ୍ୟାବରୁ ବ୍ୟାପିଥିବା ନେଇ ହୋଇଥିଲା ଅଭିଯୋଗ
– ଉହାନକୁ କରୋନାର ଉତ୍ପତିସ୍ଥଳ ବୋଲି କୁହାଯାଏ
– ୨୦୧୯ ଶେଷ ଆଡକୁ ଉହାନରୁ ବ୍ୟାପିଥିଲା କରୋନା ସଂକ୍ରମଣ
– ଗୋଟିଏ ପରେ ଗୋଟିଏ ରାଷ୍ଟ୍ରକୁ ବ୍ୟାପିଥିଲା ସଂକ୍ରମଣ
– ସବୁଠୁ ଅଧିକ ପ୍ରଭାବିତ ହୋଇଥିଲା ବିଶ୍ୱର ଶକ୍ତିଶାଳୀ ରାଷ୍ଟ୍ର ଆମେରିକା
– ଚୀନରୁ ଭୂତାଣୁ ବ୍ୟାପିଥିବା ନେଇ ହୋଇଥିଲା ଅଭିଯୋଗ
– ଅଭିଯୋଗ ପରେ ବିଶ୍ୱ ସ୍ୱାସ୍ଥ୍ୟ ସଂଗଠନ ଉହାନ ଯାଇ ତଦନ୍ତ କରିଥିଲା