କେନ୍ଦ୍ରୀୟ କର୍ମଚାରୀଙ୍କ ପାଇଁ ଖୁସି ଖବର, ପୁରୁଣା ପେନସନ ଯୋଜନାକୁ ନେଇ ଆସିଲା ବଡ ଖବର
କନକ ବ୍ୟୁରୋ : କେନ୍ଦ୍ର ସରକାର ତା’ର କର୍ମଚାରୀଙ୍କ ପାଇଁ ବଡ ଖୁସିଖବର ଆଣିଛି । ସରକାରଙ୍କ ତରଫରୁ କିଛି କର୍ମଚାରୀଙ୍କୁ ପୁରୁଣା ପେନସନ୍ ଯୋଜନା ଚୟନ କରିବାକୁ ସୁଯୋଗ ଦିଆଯାଇଛି । ଏହାକୁ ନେଇ କାର୍ମିକ ମନ୍ତ୍ରଣାଳୟ ଏକ ଆଦେଶ ମଧ୍ୟ ଜାରି କରିଛି । ସରକାରଙ୍କ ତରଫରୁ ଶୁକ୍ରବାର ଦିନ ଜାରି କରାଯାଇଥିବା ଏକ ଆଦେଶରେ କୁହାଯାଇଛି କି କେଉଁ କେନ୍ଦ୍ରୀୟ କର୍ମଚାରୀଙ୍କୁ ପୁରୁଣା ପେନସନ ଯୋଜନା ଚୟନ କରିବାର ସୁଯୋଗ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ସରକାରଙ୍କ ଆଦେଶ ମୁତାବକ ରାଷ୍ଟ୍ରୀୟ ପେନସନ ଯୋଜନା ତଥା ଏନପିଏସ୍ କୁ ଅଧିସୂଚିତ କରିବାର ତାରିଖ ହେଉଛି ଡିସେମ୍ବର ୨୨ । ସରକାରଙ୍କ ସୂଚନା ମୁତାବକ ୨୦୦୩ ପୂର୍ବରୁ ଅଧିସୂଚିତ ବା ବିଜ୍ଞାପିତ ପଦରେ କେନ୍ଦ୍ର ସରକାରଙ୍କ ସେବାରେ ସାମିଲ ହୋଇଥିବା କର୍ମଚାରୀ କେନ୍ଦ୍ରୀୟ ସିବିଲ ସେବା (ପେନସନ୍) ନିୟମ ୧୯୭୨ (ଏବେ ୨୦୨୧) କ୍ରମରେ ପୁରୁଣା ପେନସନ ଯୋଜନାରେ ସାମିଲ ହେବାକୁ ଯୋଗ୍ୟ ।
ଏହା ସହିତ ସମ୍ବୋଧିତ ସରକାରୀ କର୍ମଚାରୀ ୨୦୨୩ ଅଗଷ୍ଟ ୩୧ ତାରିଖ ମଧ୍ୟରେ ଏହି ବିକଳ୍ପକୁ ଉପଯୋଗ କରିପାରିବେ । ଏହାସହ ସରକାରଙ୍କ ତରଫରୁ କୁହାଯାଇଛି କି, ଯଦି ଯୋଗ୍ୟ କର୍ମଚାରୀମାନେ ନିର୍ଦ୍ଧାରିତ ତାରିଖ ସୁଦ୍ଧା ପୁରୁଣା ପେନସନ ଯୋଜନା ଚୟନ ନକରିବେ ତେବେ ସେମାନଙ୍କୁ ରାଷ୍ଟ୍ରୀୟ ପେନସନ ଯୋଜନା କ୍ରମରେ ପେନସନ୍ କଭର ଦିଆଯିବ । ଏହାସହ ଯେଉଁ କର୍ମଚାରୀ ଏହି ଦୁଇଟି ଯୋଜନାରୁ ଗୋଟିଏ ପେନସନ ଯୋଜନା ଚୟନ କରିବ ତାହା ହିଁ ଅନ୍ତିମ ବିକଳ୍ପ ବୋଲି ଚୟନ କରାଯିବ । ଅର୍ଥାତ ଏହା ଉପରେ ଦ୍ୱିତୀୟ ଥର କୌଣସି ପରିବର୍ତ୍ତନ କରିବାର ସୁଯୋଗ ଦିଆଯିବ ନାହିଁ ।
ସେପଟେ ନ୍ୟାସନାଲ ମୁଭମେଣ୍ଟ ଫର ଓଲ୍ଡ ପେନସନ୍ ତରଫରୁ ସରକାରଙ୍କ ଏଭଳି ପଦକ୍ଷେପକୁ ସ୍ୱାଗତ କରାଯାଇଛି । ହେଲେ ସଂଗଠନ ତରଫରୁ ସରକାରଙ୍କୁ ପୁଣିଥରେ ସମସ୍ତ କର୍ମଚାରୀଙ୍କୁ ପୁରୁଣା ପେନସନ ଯୋଜନାରେ ସାମିଲ କରିବାକୁ ଅନୁରୋଧ କରାଯାଇଛି ।
ସରକାର ୨୦୦୪ ପୂର୍ବରୁ ନିଯୁକ୍ତି ପାଇଥିବା ସମସ୍ତ କର୍ମଚାରୀଙ୍କୁ ପୁରୁଣା ପେନସନ ଯୋଜନା କ୍ରମରେ ପେନସନ ଦେଉଛନ୍ତି । ଏହା ସେମାନଙ୍କ ଅବସର ସମୟର ଦରମା ଉପରେ ନିର୍ଭର କରୁଛି । ଏହି ଯୋଜନାରେ କର୍ମଚାରୀଙ୍କ ମୃତ୍ୟୁ ପରେ ବି ତାଙ୍କ ସ୍ତ୍ରୀ ବା ସ୍ୱାମୀଙ୍କୁ ପେନସନ ଦେବାର ପ୍ରାବଧାନ ରହିଛି ।
ସେପଟେ ସରକାର ୨୦୦୪ ଏପ୍ରିଲ ପହିଲାରେ ପୁରୁଣା ପେନସନ ଯୋଜନାକୁ ବନ୍ଦ କରିଦେଇଥିଲେ । ଏହାପରେ ସରକାର ରାଷ୍ଟ୍ରୀୟ ପେନସନ ଯୋଜନା ଲାଗୁ କରିଛନ୍ତି ।