ରାଜନୀତିରେ ପ୍ରବେଶ କରିପାରନ୍ତି ଅଭିନେତ୍ରୀ କଙ୍ଗନା ରାଣାୱତ । କହିଲେ, ଜନତା ଓ ବିଜେପି ଚାହିଁଲେ ନିର୍ବାଚନରେ ଲଢିବାକୁ ସେ ଆଗ୍ରହୀ
କନକ ବ୍ୟୁରୋ : ନିର୍ବାଚନ ଲଢିପାରନ୍ତି ବଲିଉଡର ପରିଚିତ ଅଭିନେତ୍ରୀ କଙ୍ଗନା ରାଣାୱତ । ନିଜ ରାଜ୍ୟ ହିମାଚଳ ପ୍ରଦେଶରୁ ନିର୍ବାଚନ ଲଢିବା ନେଇ ଇଛା ପ୍ରକାଶ କରିଛନ୍ତି ଏହି ବଲିଉଡ କୁଇନ୍ । ଯଦି ବିଜେପି ଟିକେଟ ଦିଏ ତେବେ ନିର୍ବାଚନ ଲଢିବେ ବୋଲି କହିଛନ୍ତି କଙ୍ଗନା । ହିମାଚଳ ପ୍ରଦେଶର ମଣ୍ଡି ଲୋକସଭା ନିର୍ବାଚନ ମଣ୍ଡଳୀରୁ ୨୦୨୪ ସାଧାରଣ ନିର୍ବାଚନରେ ଲଢିବାକୁ ଇଛା ରଖିଛନ୍ତି କଙ୍ଗନା । ଯଦି ହିମାଚଳ ପ୍ରଦେଶ ସରକାର ତାଙ୍କର ଯୋଗଦାନ ଚାହିଁବେ, ତେବେ ସେ ସବୁ ପ୍ରକାରର ଯୋଗଦାନ କରିପାରିବେ ବୋଲି ୩୫ ବର୍ଷିୟ ଏହି ଅଭିନେତ୍ରୀ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଯଦି ହିମାଚଳ ପ୍ରଦେଶର ବାସିନ୍ଦା ତାଙ୍କୁ ଅଂଚଳବାସୀଙ୍କ ସେବା କରିବାକୁ ସୁଯୋଗ ଦେବେ ତେବେ ଏହା ତାଙ୍କ ପାଇଁ ଭାଗ୍ୟଶାଳୀ ହେବ ବୋଲି ସେ କହିଛନ୍ତି । ଜାତୀୟ ପୁରସ୍କାର ବିଜେତା କଙ୍ଗନା ରଣାୱତ ଏକ ଘରୋଇ ଟିଭି ଚ୍ୟାନେଲ ସାକ୍ଷାତକାର ସମୟରେ ଏଭଳି କହିଛନ୍ତିି । ପୂର୍ବରୁ ଏହି ମାସରେ ନିର୍ବାଚନ ଲଢିବା ନେଇ କୌଣସି ଯୋଜନା ନ ଥିବା କହିଥିଲେ । କିନ୍ତୁ ଏବେ ନିର୍ବାଚନ ଲଢିବା ନେଇ ମନ ବଳାଇଛନ୍ତି । ପୂର୍ବରୁ ବିଜେପି ସମର୍ଥନରେ ବହୁବାର ମନ୍ତବ୍ୟ ଦେଇଥିବା କଙ୍ଗନା ଜଣେ କଠୋର ହିନ୍ଦୁବାଦୀ । ତେଣୁ ତାଙ୍କୁ ବିଜେପି ଟିକେଟ ମିଳିବାରେ କୌଣସି ଅସୁବିଧା ହେବନି ବୋଲି କୁହାଯାଉଛି । ସୂଚନାଯୋଗ୍ୟ, ଆସନ୍ତା ନଭେମ୍ବର ୧୨ ତାରିଖରେ ହିମାଚଳ ପ୍ରଦେଶର ବିଧାନସଭା ନିର୍ବାଚନ ହେବାର ଥିବା ବେଳେ ଡିସେମ୍ବର ୮ରେ ଫଳାଫଳ ପ୍ରକାଶ ପାଇବ ।