କନକ ବ୍ୟୁରୋ: ପୂର୍ବରୁ ଚୀନକୁ ଡରି ଡରି ରହୁଥିବା ତାଇୱାନ୍ ହଠାତ୍ ନିର୍ଭିକ ହୋଇଉଠିଲା । ନିଜ ଦେଶକୁ ସ୍ୱତନ୍ତ୍ର ଭାବେ ଚଳାଇବାର ସାହାସ ନେଇ ଏଠିକାର ନାଗରିକଙ୍କୁ ବି ସଶକ୍ତ କଲା । ଏସବୁର ଶ୍ରେୟ ଯାଉଛି ତାଇୱାନର ଆଇରନ୍ ଲେଡି ଭାବେ ଜଣା ବର୍ତ୍ତମାନର ରାଷ୍ଟ୍ରପତି ସାଈ ଇଙ୍ଗ ୱେନଙ୍କୁ । କାରଣ ୨୦୧୬ରେ ସେ ତାଇୱାନର ରାଷ୍ଟ୍ର ମୁଖ୍ୟ ହେବା ପରେ ଚୀନର ଚେତାବନୀକୁ ଖାତିର ନକରି ଏକ ନୂଆ ଓ ସ୍ୱତନ୍ତ୍ର ତାଇୱାନ ଗଢିବାର ସ୍ୱପ୍ନ ଦେଖିଥିଲେ , ଏହାକୁ ସଫଳ କରିବାକୁ ପ୍ରାଣପଣେ ଚେଷ୍ଟା ମଧ୍ୟ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଚୀନ ପରି ଦୁର୍ଦ୍ଦସ ଦେଶର ଚେତାବନୀକୁ ଖାତିର କରୁନଥିବା ତାଇୱାନର ନିର୍ଭିକତା ଏବେ ସାରା ବିଶ୍ୱରେ ଚର୍ଚ୍ଚାର ବିଷୟ । ତାଇୱାନର ତଟବର୍ତ୍ତୀ ସମୁଦ୍ରରେ ଚୀନ ମିସାଇଲ ଆକ୍ରମଣ କରିସାରିଥିଲେ ବି ଅଟଳ ରହିଛି ତାଇୱାନ୍ । ହେଲେ ପୂର୍ବରୁ ତାଇୱାନର ସ୍ଥିତି ଏପରି ନଥିଲା । ସବୁବେଳେ ଡ୍ରାଗନକୁ ଡରି ଡରି ରହୁଥିଲା । ବହୁ ଚର୍ଚ୍ଚିତ ‘୧୯୯୨ କନସେନ୍ସ’ର ଫାଇଦା ଉଠାଇ ସବୁବେଳେ ତାଇୱାନକୁ ନାଲିଆଖି ଦେଖାଇଚାଲିଥିଲା ଚୀନ୍ । ହେଲେ ୨୦୧୬ରେ ଏସବୁରେ ପୂର୍ଣ୍ଣଚ୍ଛେଦ ପକାଇଲେ ତାଇୱାନର ଆଇରନ୍ ଲେଡି ସାଈ ଇଙ୍ଗ୍ ୱେନ୍ ।
ସାଈ ଇଙ୍ଗ୍ ୱେନ୍ ତାଇୱାନର ପ୍ରଥମ ମହିଳା ରାଷ୍ଟ୍ରପତି ଯିଏ ୨୦୧୬ରେ ସଂଖ୍ୟାଗରିଷ୍ଠତା ପାଇ ରାଷ୍ଟ୍ରପତି ନିର୍ବାଚନ ଜିତି ସତ୍ତାକୁ ଆସିଲେ । ୧୯୫୬ରେ ତାଇୱାନ ରାଜଧାନୀ ତାଇପେଇରେ ଜନ୍ମଗ୍ରହଣ କରିଥିଲେ ସାଈ ଇଙ୍ଗ୍ ୱେନ୍ । ସାଈଙ୍କ ବାପା ଜଣେ ଅଟୋ ରିପାୟରିଙ୍ଗ ଦୋକାନ ଚଳାଇ ପରିବାର ଚଳାଉଥିଲେ । ୧୧ଜଣ ଭାଇ ଭଉଣୀଙ୍କ ମଧ୍ୟରେ ସାଈ ୱେନ ଥିଲେ ସବୁଠାରୁ ସାନ ଝିଅ । ସେ ପିଲାବେଳୁ ମେଧାବୀ ଥିଲେ । ତାଇୱାନରେ ସ୍ନାତକ ପଢା ଶେଷ ପରେ ଲଣ୍ଡନ ସ୍କୁଲ ଅଫ୍ ଇକୋନୋମିକ୍ସ ରେ ସ୍ନାତକୋତ୍ତର କରିଥିଲେ । ଏହାପରେ ଦେଶକୁ ଫେରି ଆଇନର ପ୍ରଫେସର ଭାବେ କାର୍ଯ୍ୟ କରିଥିଲେ । ଏହାପରେ ନିଜ ଦେଶର ପ୍ରଭୂତାକୁ ଅନୁଭବ କରି ରାଜନୈତିକ ଦଳ ଡିପିପି (ଡେମୋକ୍ରାଟିକ୍ ପ୍ରୋଗ୍ରେସିଭ୍ ପାର୍ଟି) ରେ ଯୋଗ ଦେଲେ । ୨୦୦୦ରେ ତାଙ୍କୁ ମେନଲ୍ୟାଣ୍ଡ ଅଫେୟର୍ସ କାଉନସିଲର ଅଧ୍ୟକ୍ଷ ଭାବେ ନିଯୁକ୍ତ କରାଗଲା । ଏହା ମଧ୍ୟରେ ତାଙ୍କୁୁ ଗୁରୁତ୍ୱପୂର୍ଣ୍ଣ ଦିଆଯିବା ପରେ ୨୦୧୫ରେ ତାଙ୍କୁ ଦଳ ରାଷ୍ଟ୍ରପତି ପ୍ରାର୍ଥୀ ଭାବେ ଚୟନ କରିଥିଲା । ଏଥିରେ ଚୀନ୍- ତାଇୱାନ ସମ୍ପର୍କକୁ ସେ ମୁଖ୍ୟ ମୁଦ୍ଦା କଲେ, ଏବଂ ସଂଖ୍ୟା ଗରଷ୍ଠତା ସହ ଜିତି ଦେଶର ରାଷ୍ଟ୍ରପତି ହେଲେ । ଏହାପରେ ତାଇୱାନର ରୂପରେଖ ବଦଳିଲା । ଏଠିକାର ନାଗରିକଙ୍କୁ ମିଳିଲା ନୂଆ ଶକ୍ତି । ୧୯୭୯ ପରେ ପ୍ରଥମ ଥର ପାଇଁ ଆମେରିକାର ରାଷ୍ଟ୍ରପତିଙ୍କ ସହ ସିଧାସଳଖ ଫୋନରେ କଥା ହୋଇ ସମ୍ପର୍କକୁ ସୁଦୃଢ କରିବାକୁ ଚେଷ୍ଟା ଆରମ୍ଭ କଲେ । ଏହାପରେ ଏକାଧିକ ଶକ୍ତି ରାଷ୍ଟ୍ରଙ୍କ ସହ ସୁସମ୍ପର୍କ ଗଢିବାରେ ସଫଳ ହେଲେ ସାଈ ଇଙ୍ଗ୍ ୱେନ୍ । ରାଷ୍ଟ୍ରପତି ହେବା ପରେ ଦେଶର ନୌସେନା ଓ ସ୍ଥଳସେନାକୁ ସୁଦୃଢ କରିବା ଉପରେ ଫୋକସ୍ କଲେ । ୧୯୯୨ ଚୁକ୍ତିକୁ ନେଇ ଚୀନ ରାଷ୍ଟ୍ରପତି ସାଈଙ୍କୁୁ ଚିଠି ଲେଖିଥିଲେ ବି ସେ ଏହାକୁ ଭୃକ୍ଷେପ ନକରି ଚିଠିକୁ ଡଷ୍ଟବିନକୁ ଫିଙ୍ଗିଦେଇଥିଲେ ।
ସାଈ ରାଷ୍ଟ୍ରପତି ହେବା ପରେ ତାଇୱାନର ଆର୍ଥିକ, ପ୍ରଦ୍ୟୋଗିତ ସ୍ଥିତିରେ ଅନେକ ସୁଧାର ଆସିଛି । ଛୋଟ ଦେଶ ହେଲେ ବି ଯୁଦ୍ଧ କରିବା ଆଗରୁ ତାଇୱାନର ଶକ୍ତିକୁ ବାରମ୍ବାର ପରଖିବାକୁ ବାଧ୍ୟ ହେଉଛିି ଚୀନ୍ ।