ଶୁଣିଲାନି ପ୍ରଶାସନ, ମିଳିପାରିଲାନି ପକ୍କା ଘର। ଅସହାୟ ବୃଦ୍ଧା ମା’ ଓ ଦିବ୍ୟାଙ୍ଗ ପୁଅ ପାଇଁ ପକ୍କା ଘର ତିଆରି କଲେ ସମାଜସେବୀ ବିନୋଦ।
କନକ ବ୍ୟୁରୋ: ଶୁଣିଲାନି ପ୍ରଶାସନ, ମିଳିପାରିଲାନି ପକ୍କା ଘର । ଆଉ ଭଙ୍ଗା ଦଦରା ଘରେ ଅସହାୟ ବୃଦ୍ଧା ମା’ ଓ ଦିବ୍ୟାଙ୍ଗ ପୁଅ । ତେବେ ଏମାନଙ୍କୁ ସହଯୋଗ କରି ପକ୍କା ଘର ତିଆରି କରିଦେଲେ ସମାଜସେବୀ । ମାଲକାନଗିରି ସଦର ମହକୁମାର ଜଣାଶୁଣା ସାମଜସେବୀ ତଥା ବ୍ୟବସାୟୀ ବିନୋଦ ଟାଓାରିଙ୍କ ବଦାନ୍ୟତାକୁ ନେଇ ଚାରିଆଡେ ଚର୍ଚ୍ଚା । ବୃଦ୍ଧା ମା’ ଲାଛି ମାମା ଓ ତାଙ୍କ ପୁଅ ଏମ୍. ବାଲା । ପୁଅ ଦିବ୍ୟାଙ୍ଗ ସାଙ୍ଗକୁ ୮୫ ବର୍ଷର ଲାଛି ମାମା ଭଲ ଭାବେ ଦେଖିପାରୁନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ମାଲକାନଗିରି ଉପଜିିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବର୍ଷ ବର୍ଷ ଧରି ଏମିତି ଦୟନୀୟ ଅବସ୍ଥାରେ ଜୀବନ ବିତାଉଥିଲେ ଦୁଇ ପ୍ରାଣୀ କୁଟୁମ୍ବ । କିଛି ବର୍ଷ ତଳେ ବାଲାଙ୍କ ବାପା ଆର ପାରିକୁ ଚାଲି ଯାଇଥିଲେ । ତେବେ ଜାଗା ମିଶନରେ ଜାଗା ସାଙ୍ଗକୁ ବସ୍ତି ଯୋଗ୍ୟ ପଟ୍ଟା ପାଇଁ ଆବେଦନ କରିଥିଲେ ବାଲା । ହେଲେ କିଛି ମିଳିଲା ନାହିଁ । ଏପରିକ ସ୍ଥିତିରେ ବାଲା ଓ ଲାଛି ମାମାଙ୍କ ଦୁଃଖ ଦୁର୍ଦ୍ଦଶା ଦେଖି ସହଯୋଗର ହାତ ବଢାଇ ଥିଲେ ମାଲକାନଗିରି ସଦର ମହକୁମାର ଜଣାଶୁଣା ସମାଜସେବୀ ବିନୋଦ ଟାଓରି । ବିନୋଦ, ଦିବ୍ୟାଙ୍ଗ ବାଲାଙ୍କୁ ଘର ପ୍ରଦାନ କରି ବଦାନ୍ୟତାର ଆଉ ଏକ ଅନ୍ୟତମ ଉଦାହରଣ ସୃଷ୍ଟି କରିଛନ୍ତି । ପୂର୍ବରୁ ବିନୋଦ ଅନେକ ସମାଜସେବା କରି ବେଶ ଚର୍ଚ୍ଚାରେ ରହିଆସିଛନ୍ତି । ବିଶେଷକରି କରୋନା କାଳରେ ଅସହାୟଙ୍କୁ ଖାଇବା ଓ ପିଇବାଠାରୁ ଆରମ୍ଭ କରି ରାସନ ସାମଗ୍ରୀ ଓ ମେଧାବୀ ଛାତ୍ରଛାତ୍ରୀଙ୍କୁ ମୋବାଇଲ ପ୍ରଦାନ କରିଛନ୍ତି ବିନୋଦ । ବିନୋଦଙ୍କ ଏଭଳି କାମ ପାଇଁ ସବୁଠି ତାଙ୍କୁ ପ୍ରଶଂସା କରାଯାଉଛି ।