ପୁରୀ ପରିକ୍ରମା ପ୍ରକଳ୍ପ ସମୀକ୍ଷା କଲେ ଫାଇଭ-ଟି ଅଧ୍ୟକ୍ଷ ଭି.କେ ପାଣ୍ଡିଆନ । ମଠ ଗୁଡିକର ପୁନଃରୁଦ୍ଧାର ଉପରେ ଦେଲେ ଗୁରୁତ୍ୱ ।
କନକ ବ୍ୟୁରୋ: ପୁରୀ ପରିକ୍ରମା ପ୍ରକଳ୍ପରୁ ସମୀକ୍ଷା କରିଛନ୍ତି ଫାଇଭ-ଟି ଅଧ୍ୟକ୍ଷ ଭି.କେ ପାଣ୍ଡିଆନ୍ । ଆଜି ଭୋରୁ ଭୋରୁ ଶ୍ରୀକ୍ଷେତ୍ରରେ ପହଞ୍ଚି ଯାଇଥିଲେ ପାଣ୍ଡିଆନ୍ । ସକାଳ ୫ରୁ ୭ ଟା ଯାଏଁ ୨ ଘଣ୍ଟା ଧରି ପୁରୀ ପରିକ୍ରମା ପ୍ରକଳ୍ପର ସମୀକ୍ଷା କରିଛନ୍ତି । ଶ୍ରଦ୍ଧାଳୁଙ୍କ ଶୃଙ୍ଖଳିତ ଦର୍ଶନ ବ୍ୟବସ୍ଥା, ଦକ୍ଷ ଭିଡ ନିୟନ୍ତ୍ରଣ ବ୍ୟବସ୍ଥା ଉପରେ ଗୁରୁତ୍ୱ ଦେଇଛନ୍ତି । ମଠ ଗୁଡିକର ପୁନଃରୁଦ୍ଧାର ଓ ଶ୍ରୀମନ୍ଦିରର ଉତର, ଦକ୍ଷିଣ ଓ ପଶ୍ଚିମ ଦ୍ୱାର ଲ୍ୟାଣ୍ଡସ୍କାପିଂ କାମ ଡିସେମ୍ବର ୯ ତାରିଖ ସୁଦ୍ଧା ସରିବାକୁ ପରାମର୍ଶ ଦେଇଛନ୍ତି ପାଣ୍ଡିଆନ୍ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ଦୋଳବେଦୀ ଅଞ୍ଚଳର ତ୍ୱରିତ୍ ବିକାଶ, ଅଧିକ ଦକ୍ଷ କାରିଗର ନିଯୁକ୍ତ କରି ଏମାର ମଠ, ପଞ୍ଜାବୀ ମଠ ଆଦିର ପୁନଃରୁଦ୍ଧାର କରିବା ସହ ପରିକ୍ରମା ପ୍ରକଳ୍ପ ସମ୍ମୁଖ ଭାଗର ରଙ୍ଗ କାମ ଆଗେଇ ନେବାକୁ କୁହାଯାଇଛି । ଏହାସହ ପୁରୀରେ ହେବାକୁ ଥିବା ଏସି ଟନେଲ ପାଇଁ ରାସ୍ତା କଡକୁ ଉଠା ଦୋକାନ ହଟେଇ, ଅନ୍ୟତ୍ର ଥଇଥାନ କରିବାକୁ ପରାମର୍ଶ ଦେଇଛନ୍ତି । ସିଂହଦ୍ୱାରରୁ ମରିଚି କୋର୍ଟ ପର୍ଯ୍ୟନ୍ତ ରାସ୍ତା ସଫା କରିବାକୁ କହିଛନ୍ତି । ଏହାସହ ମେଘନାଦ ପାଚେରୀ ନିକଟରେ ଥିବା ପୁରୁଣା ଐତିହାସିକ ମନ୍ଦିର ଓ ନିର୍ମାଣକୁ ସୁରକ୍ଷିତ ରଖିବା ସହ ବିଦ୍ୟୁତ୍ କାମ ଶୀଘ୍ର ସାରିବାକୁ ନିର୍ଦ୍ଦେଶ ଦେଇଛନ୍ତି ଫାଇଭ-ଟି ଅଧ୍ୟକ୍ଷ । ପରିକ୍ରମା ପ୍ରକଳ୍ପର ପରିଦର୍ଶନ ବେଳେ ପୁରୀରେ ପରିମଳ ବ୍ୟବସ୍ଥା ଉପରେ ଗୁୁରୁତ୍ୱ ଦେଇଛନ୍ତି ।