ପାଇଲଟଙ୍କ ଉପସ୍ଥିତ ବୁଦ୍ଧି ଯୋଗୁଁ ମୁତ୍ୟୁ ମୁଖରୁ ବଞ୍ଚିଲା ଜୀବନ, ମାତ୍ର ୩୫ ସେକେଣ୍ଡ ବିଳମ୍ବ ହୋଇଥିଲେ ୧୫୦ ଯାତ୍ରୀଙ୍କର ହୋଇଥାନ୍ତା ମୃତ୍ୟୁ ।
କନକ ବ୍ୟୁରୋ : କୁହାଯାଏ ଯାହାକୁ ରଖିବେ ଅନନ୍ତ କି କରିପାରେ ବଳବନ୍ତ । ମୃତ୍ୟୁକୁ ଅତି ପାଖରୁ ଦେଖି ସାରିଥିଲେ ଲୋକେ । ପାଇଲଟଙ୍କ ଉପସ୍ଥିତ ବୁଦ୍ଧି ୧୫୦ ଯାତ୍ରୀଙ୍କ ପାଇଁ ଦେବଦୂତ ସାଜିଥିଲା । ୨୦୦୯ ମସିହା ଜାନୁୟାର ୧୫ ତାରିଖର ଏହି ଘଟଣା ସବୁବେଳେ ମନେ ପଡ଼ିଯାଏ । ୟୁଏସର ଏୟାରୱେସ ୧୫୪୯ ବିମାନ ନ୍ୟୁୟର୍କ ସହରରୁ କୋରୋଲିନାର ଚାର୍ଲୋଟ ଏବଂ ସିଏଟେଲ ଅଭିମୁଖେ ଯାତ୍ରା ଆରମ୍ଭ କରିଥିଲା । ୧୫୦ ଯାତ୍ରୀଙ୍କୁ ଧରି ବିମାନ ଉଡ଼ାନ ଆରମ୍ଭ କରିଥିଲା ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଡେଲିମେଲର ଏକ ରିପୋର୍ଟର୍ ମୁତାବିକ, ଉଡ଼ାନ ଆରମ୍ଭ କରିବାର କିଛି ସମୟ ମଧ୍ୟରେ ବିମାନଟି ୨୮୦୦ ଫୁଟ ଉପରକୁ ଚାଲିାଇଥିଲା । ହଠାତ କନାଡ଼ାର ଗୀଜ୍ ନାମକ ପକ୍ଷୀଗୁଡ଼ିକ ବିମାନ ଆଗକୁ ଚାଲି ଆସିଥିଲେ । ପବନ ସହ ପକ୍ଷୀଗୁଡ଼ିକ ଇଞ୍ଜିନ ଭିତରେ ଫସି ରହିଥିଲେ । ଯେଉଁଥି ପାଇଁ ବିମାନର ଦୁଇଟିଯାକ ଇଞ୍ଜିନ ଜାମ୍ ହୋଇଯାଇଥିଲା । ଏହାଫଳରେ ପ୍ଲେନର ଟର୍ବୋଫ୍ୟାନ କାମ କରିବା ବନ୍ଦ କରି ଦେଇଥିଲା । ଏହା ଦ୍ୱାରା ପ୍ଲେନର ଏକ ବଡ଼ ବିସ୍ଫୋରଣ ହୋଇଥିଲା । ଆଉ ବିମାନଟି ପୁରା ହଲିଯାଇଥିଲା । ଯାହାଫଳରେ ଏଥିରେ ଥିବା ଯାତ୍ରୀମାନେ ସମ୍ପୂର୍ଣ୍ଣଭାବେ ଭୟଭୀତ ହେବାସହ ଚିକ୍ରାର କରିବା ଆରମ୍ଭ କରିଥିଲେ । ତେବେ ଯାତ୍ରୀଙ୍କ ପାଟିଶୁଣି ପାଇଲଟ ବିରକ୍ତ ହୋଇଥିଲେ । ସେ ଯାତ୍ରୀଙ୍କୁ ବୁଝାଇଥିଲେ କି, କିଭଳିଭାବେ ରିଷ୍ଟାର୍ଟ ହେବ ଏବଂ ପୂର୍ବ ଅବସ୍ଥାକୁ ଫେରି ଆସିବ । ତେବେ ବହୁ ଚେଷ୍ଟା ପରେ ମଧ୍ୟ ଇଞ୍ଜିନ ରିଷ୍ଟାର୍ଟ ହୋଇନଥିଲା ।
ଏହାପରେ ବିମାନଟି ଧିରେ ଧିରେ ଖସିବାକୁ ଆରମ୍ଭ କରିଥିଲା । ପାଇଲଟ ଚେରଲି ଶୀଘ୍ର ଏଟିସିଙ୍କୁ ସୂଚନା ଦେଇଥିଲେ । ସେ କହିଥିଲେ କି, ସେମାନେ ଲାଗୋଡ଼ିଆ ବିମାନବନ୍ଦରକୁ ଫେରିବା ପାଇଁ ଚାହୁଁଛନ୍ତି । କଣ୍ଟ୍ରୋଲରଙ୍କ ପାଖରେ ଯେତେବେଳେ ଏହି ମେସେଜ ପହଞ୍ଚଇଥିଲା ସେ ତୁରନ୍ତ ଲ୍ୟାଣ୍ଡିଙ୍ଗ ପାଇଁ ଅନୁମତି ଦେଇଥିଲେ । ପାଇଲଟଙ୍କୁ ସୂଚନା ଦିଆଯାଇଥିଲା କି, ଏୟାରପୋର୍ଟର ୩୧ ନମ୍ବର ରନୱେରେ ଲ୍ୟାଣ୍ଡିଙ୍ଗ କରିବା ପାଇଁ । କିନ୍ତୁ ବିମାନଟି ଯେଉଁ ଗତିରେ ତଳକୁ ଖସୁଥିଲା ପାଇଲଟ ସେଠାକୁ ଯାଇପାରିବ ନାହିଁ ବୋଲି କହିଥିଲେ । କାହିଁକି ନାଁ ସେଠାରୁ ଏୟାରୋର୍ଟ ବହୁତ ଦୂରରେ ରହିଥିଲା । ପାଇଲଟ ଚେରଲି କହିଥିଲେ କି, ଆମେ ଯଦି ପୁଣି ଏୟାରପୋର୍ଟକୁ ଫେରୁଛେ ତାହେଲେ ବିମାନଟି ନ୍ୟୁୟକ ସିଟିର ମଝାମଝିରେ ଖସି ପଡ଼ିବ । ଏହାଫଳରେ ବିମାନରେ ଥିବା ଯାତ୍ରୀଙ୍କ ସହ ସହରର ମଧ୍ୟ ଅନେକ କ୍ଷତି ହେବ । ବହୁ ଲୋକଙ୍କ ଜୀବନ ଯିବାର ମଧ୍ୟ ଆଶଙ୍କା ରହିଥିଲା ।
ଏହାପରେ ପାଇଲଟ କହିଥିଲେ କି ତାଙ୍କୁ ନ୍ୟୁଜର୍ସର କୌଣସି ବିମାନ ବନ୍ଦରରେ ଅବତରଣ କରିବାର ଅନୁମତି ଦିଆଯାଉ । ତାଙ୍କର ଦାବିକୁ ମଧ୍ୟ ଶୁଣାଯାଇଥିଲା ଏବଂ ଟେଟରବୋରେ ବିମାନବନ୍ଦରରେ ଅବତରଣ ବରିବା ପାଇଁ ଅନୁମତି ମିଳିଥିଲା । କିନ୍ତୁ ବିମାନଟି ସେତେବେଳକୁ ବହୁ ତଳକୁ ଖସି ଆସିଥିଲା । ଏଣୁ ସେଠାରେ ମଧ୍ୟ ଲ୍ୟାଣ୍ଡିଙ୍ଗ କରିବା ଅସମ୍ଭବ ହୋଇଥିଲା । ଶେଷରେ ହଡସନ ନଦୀରେ ଅବତରଣ କରିବା ପାଇଁ ପାଇଲଟ ନିଷ୍ପତି ନେଇଥିଲେ । ତେବେ କଣ୍ଟ୍ରୋଲର ପ୍ରଥମେ ଏହା ଶୁଣି ଆଶ୍ଚର୍ଯ୍ୟ ହୋଇଥିଲେ କିନ୍ତୁ ପରେ ପାଇଲଟଙ୍କ ଅନୁଭବ ସମ୍ପର୍କରେ ଜାଣିବା ପରେ ଅନୁମତି ଦେଇଥିଲେ । ସେପଟେ ଯାତ୍ରୀଙ୍କୁ ଯାତ୍ରୀଙ୍କୁ ସୂଚନା ଦିଆଯାଇଥିଲା କି, ସମସ୍ତେ ନିଜ ନିଜର ସିଟ୍ ବେଲ୍ଟ ବାନ୍ଧିବା ସହ ଲାଇଫ ଜ୍ୟାକେଟ ପିନ୍ଧିବାକୁ । ଏହାସହ ବିମାନ ଅବତରଣ କରିବା ପୂର୍ବରୁ ରେସ୍କ୍ୟୁ ଟିମ୍ ଏବଂ ଜାହାଜ ମଧ୍ୟ ପ୍ରସ୍ତୁତ ହୋଇ ରହିଥିଲା ।
ବିମାନଟି ଯେତେବେଳେ ୫୦୦ ଫୁଟ ଉପରେ ରହିଥିଲା ସେତେବେଳେ ଧିରେ ଧିରେ ତଳକୁ ଖସିବା ଆରମ୍ଭ କରିଥିଲା । ଯେତେବେଳେ ବିମାନଟି ନଦୀରେ ଅବତରଣ କଲା ସେତେବେଳେ ଗତି ୨୩୦ କିଲୋମିଟର ୍ରତି ଘଂଟା ଥିଲା । କିନ୍ତୁ ପାଇଲଟ ଏଭଳିଭାବେ ଲ୍ୟାଣ୍ଡିଙ୍ଗ କରିଥିଲେ କି, ଯେଭଳି ଏୟାରପୋର୍ଟରେ ଅବତରଣ କରେ ।ପାଣି ଉପରେ ବିମାନଟି ଭାସିବା ଆରମ୍ଭ କରିଥିଲା । ବିମାନର ଆଗ ଗେଟରେ ବାହାରିବାକୁ ଯାତ୍ରୀଙ୍କୁ କହିଥିଲେ ପାଇଲଟ । କିନ୍ତୁ ନିଜର ଜୀବନ ବଞ୍ଚାଇବା ପାଇଁ ସବୁ ଯାତ୍ରୀମାନେ ବ୍ୟଗ୍ର ହେଉଥିବାବେଳେ ଜଣେ ଯାତ୍ରୀ ପଛ ଗେଟ ଖୋଲି ଦେଇଥିଲେ । ଯାହାଫଳରେ ପଛ ଗେଟ ଦେଇ ପାଣି ବିମାନ ମଧ୍ୟକୁ ପଶିବା ଆରମ୍ଭ କରିଥିଲା । ଯାତ୍ରୀମାନେ ନିଜ ନିଜର ସୁରକ୍ଷା ଦୃଷ୍ଟିରୁ ପାଣିକୁ ଡେଇଁବା ଆରମ୍ଭ କରିଥିଲେ । କେହି କେହି ବିମାନରେ ୱିଙ୍ଗରେ ମଧ୍ୟ ଚଢ଼ିଯାଇଥିଲେ । ଉଦ୍ଧାରକାରୀ ଦଳ ସେଠାରେ ଉପସ୍ଥିତ ରହିଥିବାବେଳେ ସମସ୍ତ ଯାତ୍ରୀ ସୁରକ୍ଷିତଭାବେ ଉଦ୍ଧାର ହୋଇଥିଲେ । ଏତେବଡ଼ ଅଘଟଣ ହୋଇଥିଲେ ସୁଦ୍ଧା କେହି ମୃତାହତ ହୋଇନଥିଲେ । ମାତ୍ର ୫ଜଣ ଯାତ୍ରୀ ଗୁରୁତର ଆହତ ହୋଇଥିଲେ ।
ତେବେ ଏକ ରିପୋର୍ଟରେ ପ୍ରକାଶ ପାଇଛି କି, ପାଇଲଟ ଦି ଆଉ ଅବତରଣ କରିବା ପାଇଁ ମାତ୍ର ୩୫ ସେକେଣ୍ଡ ବିଳମ୍ବ କରିଥାନ୍ତେ ତାହେଲେ ଏକ ବଡ଼ ଅଘଟଣ ଘଟିଥାନ୍ତା । ଯାଞ୍ଚ ପରେ ଏହି ଲ୍ୟାଣ୍ଡକୁ ‘ମୋଷ୍ଟ ସକସେସଫୁଲ ଲ୍ୟାଣ୍ଡଙ୍ଗ’ ସମ୍ମାନରେ ସମ୍ମାନିତ କର।।ଇଥିଲା । ଦୁଇ ପାଇଲଟଙ୍କୁ ମଧ୍ୟ ସମ୍ମାନିତ କରାଯାଇଥିଲା ।