ମାର୍ଚ୍ଚ ସୁଦ୍ଧା ଦେଶରେ ଗଠନ ହେବ ସାଇବର ସୁରକ୍ଷା ଟାକ୍ସ ଫୋର୍ସ : ଜାତୀୟ ସୁରକ୍ଷାକୁ ଦୃଷ୍ଟିରେ ରଖି ସାଇବର ଫୋର୍ସ ଗଠନ କରିବାକୁ ନିଷ୍ପତ୍ତି
୨୦ ବଛା ବଛା ଅଧିକାରୀଙ୍କୁ ନିଯୁକ୍ତ କରାଯାଇଥିବା ସୂଚନା; ଟେଲିକମ ମନ୍ତ୍ରଣାଳୟ ଅଧିନରେ କାର୍ଯ୍ୟ କରିବ ଏହି ଫୋର୍ସ
କନକ ବ୍ୟୁରୋ : ଆସନ୍ତା ବର୍ଷ ମାର୍ଚ୍ଚ ମାସ ସୁଦ୍ଧା ଦେଶରେ ଗଠନ ହେବ ସାଇବର ସିକ୍ୟୁରିଟି ଟାକ୍ସ ଫୋର୍ସ । ଜାତୀୟ ସୁରକ୍ଷା ପ୍ରତି ବଢୁଥିବା ସାଇବର ଆକ୍ରମଣକୁ ପ୍ରତିହତ କରିବା ପାଇଁ ଜାତୀୟ ସ୍ତରୀୟ ସାଇବର ସୁକ୍ୟୁରିଟି ଟାକ୍ସ ଫୋର୍ସ ଗଠନ କରାଯିବ । ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ପାଇଁ ଟେଲକମ ମନ୍ତ୍ରଣାଳୟ ଅଧିନରେ ଏକ ଶାଖା ଭାବେ ସାଇବର ସୁରକ୍ଷା ସେଲ ଖୋଲାଯିବା ନେଇ ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଟେଲିକମ ବିଭାଗ ସାଇବର ସୁରକ୍ଷା ଉପରେ ଜ୍ଞାନ ଥିବା ଲୋକଙ୍କୁ ନେଇ ଅଭ୍ୟନ୍ତରୀଣ ଟାକ୍ସ ଫୋର୍ସର ବିକାଶ କରାଯିବ । ଏହି ଫୋର୍ସ ଗଠନ ପାଇଁ ୨୦ ବଛା ବଛା ଅଧିକାରୀଙ୍କୁ ନିଯୁକ୍ତ କରାଯାଇଥିବା ନେଇ ସୂଚନା ମିଳିଛି । ସାଇବର ସୁରକ୍ଷା ଉପରେ ଜ୍ଞାନ ରଖିଥିବା ଆଉ କିଛି ଅଧିକାରୀଙ୍କୁ ଏଥିରେ ଯୋଡିବା ପାଇଁ ଯୋଜନା ଚାଲିଛି । ଏବେ ଆଇଟି ମନ୍ତ୍ରଣଳାୟ ଅଧିନରେ ପରିଚାଳିତ ଭାରତୀୟ କମ୍ପ୍ୟୁଟର ଏମର୍ଜେନ୍ସି ରେସପନ୍ସ ଟିମ୍ ଏହି ସାଇବର ବିପଦ ଏବଂ ସମସ୍ୟା ଉପରେ କାର୍ଯ୍ୟ କରୁଛି ।