ସାରା ବିଶ୍ୱରେ ବ୍ୟାପୁଛି ଓମିକ୍ରନ୍ ଆକ୍ରାନ୍ତଙ୍କ ସଂଖ୍ୟା : ଛୁଟିଦିନ ମନାଇବା ପାଇଁ ବୁଷ୍ଟର ଡୋଜ ନେବାକୁ କହିଲା ଆମେରିକା
ୟୁକେରେ ଗତ ସପ୍ତାହ ଅପେକ୍ଷା ୫୧ .୯ ପ୍ରତିଶତ ସଂକ୍ରମଣ ବୃଦ୍ଧି; ସଂଖ୍ୟା ବଢିବାରୁ ନେଦରଲାଣ୍ଡରେ ତାଲାବନ୍ଦ
କନକ ବ୍ୟୁରୋ : ବିଦେଶରେ ଦୃତ ଗତିରେ ବ୍ୟାପୁଛି ଓମିକ୍ରନ୍ । ପ୍ରତିଦିନ ହଜାରେ ହଜାର ସଂଖ୍ୟାରେ ନୂଆ ଆକ୍ରାନ୍ତ ଚିହ୍ନଟ ହେଉଥିବା ବେଳେ ସାରା ବିଶ୍ୱକୁ ପୁଣି ଥରେ ଘାରିଛି କରୋନା ଭାଇରସ ଚିନ୍ତା । ୟୁକେରେ ରବିବାର ୮୨ ହଜାର ୮୮୬ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଗତ ସପ୍ତାହ ତୁଳନାରେ ୟୁକେରେ ଚଳିତ ସପ୍ତାହରେ ୫୧ .୯ ପ୍ରତିଶତ ସଂକ୍ରମଣ ବଢିଥିବା ଦେଖିବାକୁ ମିଳିଛି । ସେହିପରି ୟୁଏସର ୨୦ରୁ ଅଧିକ ରାଜ୍ୟରେ ଓମିକ୍ରନ ସଂକ୍ରମଣ ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ରବିବାର ହ୍ୱାଇଟ୍ ହାଉସର ମେଡିକାଲ ପରାମର୍ଶଦାତା ଆନ୍ଥୋନି ଫାଉସି କହିଛନ୍ତି, ଛୁଟିଦିନ କାଟିବାକୁ ଯାଉଥିବା ଲୋକଙ୍କୁ କରୋନାର ବୁଷ୍ଟର ଡୋଜ ନେବା ସହ ସର୍ବସାଧାରଣ ସ୍ଥାନରେ ମାସ୍କ ପିନ୍ଧିବାକୁ ପରାମର୍ଶ ଦେଇଛନ୍ତି । ଓମିକ୍ରନ ଏବେ ସାରା ବିଶ୍ୱରେ ବ୍ୟାପୁଥିବା ବେଳେ ଟିକା ନେଇଥିବା ଲୋକମାନଙ୍କ ପାଇଁ ମଧ୍ୟ କ୍ଷତି ପହଂଚାଇବ ବୋଲି ସେ କହିଛନ୍ତି । ଏପଟେ ସଂକ୍ରମଣ ବଢିବାରୁ ନେଦରଲ୍ୟାଣ୍ଡରେ ତାଲାବନ୍ଦ କରିଥିବା ବେଳେ ଆଗକୁ ଆହୁରି କଡ଼ାକଡ଼ି କରିବ ବୋଲି ଅନୁମାନ କରାଯାଉଛି । ଓମିକ୍ରନ ଦେଢ଼ରୁ ତିନି ଦିନରେ ଦୁଇ ଗୁଣ ସଂକ୍ରମଣ ବଢୁଥିବା କହିଛି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ।