ଲମ୍ବ ଡିଆଁ ମାରୁଛି କରୋନା । ଦିନକରେ ରାଜ୍ୟରେ ୧୨୧୬ ନୂଆ ମାମଲା । ସଂକ୍ରମଣ ହାର ୮୨ ପ୍ରତିଶତ ବୃଦ୍ଧି
କନକ ବ୍ୟୁରୋ: ଦେଶରେ ଲମ୍ବା ଡିଆଁ ମାରିଛି କରୋନା ସଂକ୍ରମଣ । ଦେଶରେ ଦିନକରେ କରୋନା ସଂକ୍ରମଣ ୫୦ ହଜାର ଟପିଥିବାରୁ ଆଗକୁ ମାମଲା ଆହୁରି ବଢିବା ସମ୍ଭାବନା ରହିଛି । ଦେଶରେ ସଂକ୍ରମଣ ହାର ୫୫. ୪ ପ୍ରତିଶତ ବୃଦ୍ଧି ପାଇଛି । ଏପଟେ ଓଡିଶାରେ ମଧ୍ୟ ଦ୍ରୁତ ସଂକ୍ରମଣ ଦେଖିବାକୁ ମିଳିଛି । ଗତ ୨୪ ଘଣ୍ଟାରେ ରାଜ୍ୟରେ ୧୨୧୨ ମାମଲା ଆସିଛି । ସେହିପରି ଆଜି ଆହୁରି ୨୪ ଓମିକ୍ରନ ସଂକ୍ରମିତ ଚିହ୍ନଟ ହେବା ଚିନ୍ତା ବଢାଇ ଦେଇଛି । ରାଜ୍ୟରେ ମୋଟ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୬୧କୁ ବୃଦ୍ଧି ପାଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ ୨୪ ଘଣ୍ଟାରେ କରୋନା ଯେଉଁ ଲମ୍ବା ଡିଆଁ ମାରିଛି, ତାହା ଦେଖିଲେ ସଂକ୍ରମଣ ତୀବ୍ର ହେଉଥିବା ସନ୍ଦେହ ଆହୁରି ଘନୀଭୂତ ହେଉଛି । ଦେଶରେ ଗୋଟିଏ ଦିନରେ ୫୫ ପ୍ରତିଶତ ଏବଂ ଓଡିଶାରେ ୮୨ ପ୍ରତିଶତ ବଢିଛି ସଂକ୍ରମଣ । ଏପଟେ ଆଜି ପୁଣି ଜେନମ ସ୍ୱିକେନସିଂରୁ ରାଜ୍ୟରେ ଦୁଇ ଡଜନ ନୂଆ ଓମିକ୍ରନ ସଂକ୍ରମଣ ଚିହ୍ନଟ କଥା ବି ସାମ୍ନାକୁ ଆସିଛି । ଜିନୋମ ସିିକୁଏନସିଂ ପରେ ରାଜ୍ୟରେ ଆଉ ୨୪ ଓମିକ୍ରନ୍ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏନେଇ ଜୀବ ବିଜ୍ଞାନ ପ୍ରତିଷ୍ଠାନ ବା ଆଇଏଲଏସ ପକ୍ଷରୁ ରାଜ୍ୟ ସ୍ୱାସ୍ଥ୍ୟ ବିଭାଗକୁ ସୂଚନା ଦିଆଯାଇଛି । ଆକ୍ରାନ୍ତଙ୍କ ମଧ୍ୟରେ ୫ଜଣ ବିଦେଶ ଫେରନ୍ତା ଓ ୧୯ ଜଣ ସ୍ଥାନୀୟ ସଂକ୍ରମିତ ଅଛନ୍ତି । ଏହାକୁ ମିଶାଇ ରାଜ୍ୟରେ ମୋଟ ଓମିକ୍ରନ୍ ଆକ୍ରାନ୍ତଙ୍କ ସଂଖ୍ୟା ୬୧କୁ ବୃଦ୍ଧି ପାଇଛି ।
ତେବେ ନୂଆବର୍ଷରୁ ଓଡିଶାରେ କରୋନାର ଦ୍ରୁତ ସଂକ୍ରମଣ ଚିନ୍ତା ବଢାଇ ଦେଇଛି । ଜାନୁୟାରୀ ୨ ଓ ୩ ତାରିଖରେ ୪୨୪ ଆକ୍ରାନ୍ତ ଚିହ୍ନଟ ପରେ ୪ ତାରିଖରେ ଚିହ୍ନଟ ହୋଇଥିଲେ ୬୮୦ ପଜିଟିଭ । କିନ୍ତୁ ଗତ ୨୪ ଘଣ୍ଟାରେ ରାଜ୍ୟରେ ୧୨୧୬ ନୂଆ ମାମଲା ସାମ୍ନାକୁ ଆସିଛି । ଅର୍ଥାତ୍ ଦିନକରେ ସଂକ୍ରମଣହାର ୮୨%କୁ ବୃଦ୍ଧି ପାଇଛି । ଖୋର୍ଦ୍ଧାରୁ ସର୍ବାଧିକ ୪୫୬ ପଜିଟିଭ ଚିହ୍ନଟ ହୋଇଥିବା ବେଳେ ସୁନ୍ଦରଗଡରେ ନୂଆ ଆକ୍ରାନ୍ତଙ୍କ ସଂଖ୍ୟା ଶହେ ଟପିଛି ।
ସେପେଟ ଭୋରତରେ କରୋନାର ଲମ୍ବା ଡିଆଁ ଦେଖିଲେ ଲାଗୁଛି ତୃତୀୟ ଲହର ଆସିଯାଇଛି । ଗତ ୨୪ ଘଣ୍ଟାରେ ୫୮ ହଜାର ୯୭ ନୂଆ ମାମଲା ଚିହ୍ନଟ ଓ ୫୩୪ ଜଣଙ୍କ ମୃତ୍ୟୁ ହୋଇଛି । ମଙ୍ଗଳବାର ଚିହ୍ନଟ ନୂଆ ମାମଲା ଠାରୁ ଏହା ୫୫.୪ ପ୍ରତିଶତ ଅଧିକ । ସେପଟେ କରୋନା ସହ ଓମିକ୍ରନ ସଂକ୍ରମଣ ମଧ୍ୟ ଦେଶରେ ଦ୍ରୁତ ଗତିରେ ବଢୁଛି । ଦେଶରେ ମୋଟ ଓମିକ୍ରନ ସଂକ୍ରମିତଙ୍କ ସଂଖ୍ୟା ୨୧୩୫କୁ ବୃଦ୍ଧି ପାଇଛି ।
ଭାରତରେ ଓମିକ୍ରନର ଲହର ଡେଲଟା ଭଳି ବ୍ୟାପକ ହୋଇପାରେ ଓ ଜାନୁୟାରୀରେ ଶୀର୍ଷକୁ ଛୁଇଁପାରେ କହିଛନ୍ତି ୟୁନିର୍ଭସିଟି ଅଫ ହେଲଥ୍ ମେଟ୍ରିକ୍ସନ ସାଇନସେଜ୍ ୱାଂଶିଟନର ଅଧ୍ୟକ୍ଷ ଡାକ୍ତର କ୍ରିଷ୍ଟୋଫର ମୋରେ । ତେବେ ମହାରାଷ୍ଟ୍ର ଓ ଦିଲ୍ଲୀରେ କରୋନା ସଂକ୍ରମଣ ଉଦବେଗଜନକ ଭାବେ ବଢିବାରେ ଲାଗିଛି । ମହାରାଷ୍ଟ୍ରରେ
୧୮ ହଜାର ୪୬୬ ନୂଆ ଆକ୍ରାନ୍ତ ଓ ଦିଲ୍ଲୀରେ ୫୪୮୧ ନୂଆ ମାମଲା ଚିହ୍ନଟ ହୋଇଛି । ସେଥିମଧ୍ୟରୁ ମହାରାଷ୍ଟ୍ରରେ ୬୫୩ ନୂଆ ଓମିକ୍ରନ ଆକ୍ରାନ୍ତ ଓ ଦିଲ୍ଲୀରେ ୪୬୪ ଓମିକ୍ରନ ସଂକ୍ରମିତ ଚିହ୍ନଟ ହୋଇଛନ୍ତି । ସେପଟେ ରାଜସ୍ଥାନରୁ ପ୍ରଥମ ଓମିକ୍ରନ ଆକ୍ରାନ୍ତଙ୍କ ମୃତ୍ୟୁ ଖବର ଆସିଛି । ତେବେ ଆଶ୍ୱସ୍ତିର କଥା ହେଉଛି, ଓମିକ୍ରନ ଆକ୍ରାନ୍ତଙ୍କ ସ୍ୱାସ୍ଥ୍ୟବସ୍ଥା ଗୁରୁତର ହେଉନଥିବାରୁ ହସ୍ପିଟାଲ ଉପରେ ଚାପ ପଡୁନି ଓ ଆକ୍ରାନ୍ତ ଶୀଘ୍ର ସୁସ୍ଥ ହେଉଛନ୍ତି ।