କନକ ବ୍ୟୁରୋ: ନବୀନ ଓ ମମତାଙ୍କ ଦେଖାସାକ୍ଷତ ପରେ ଯେଉଁ ମିଳିତ ବିବୃତି ଆସିଲା, ଏଥିରେ କୁହାଗଲା- ଏହା ଏକ ସୌଜନ୍ୟମୂଳକ ସାକ୍ଷତ ଥିଲା । କିନ୍ତୁ ଗଣତନ୍ତ୍ରର ସୁରକ୍ଷା ଓ ସଂଘୀୟ ବ୍ୟବସ୍ଥାର ପ୍ରସଙ୍ଗ ଉଠାଇ, କେଉଁଠି ନା କେଉଁଠି, ସେହି ଦିଗକୁ ସୂଚାଇ ଦିଆଗଲା, ଯାହାକୁ ନେଇ ବାରମ୍ବାର ବିରୋଧୀ ମୋଦି ସରକାରଙ୍କୁ ଘେରି ଆସୁଛନ୍ତି । ଅର୍ଥାତ୍ ସୌଜନ୍ୟମୂଳକ ସାକ୍ଷାତ ଭିତରେ ବି ଦେଶର ରାଜନୈତିକ ପରିସ୍ଥିତି ଓ ଗଣତାନ୍ତ୍ରିକ ବ୍ୟବସ୍ଥା ସଂକ୍ରାନ୍ତରେ ଆଲୋଚନା ହୋଇଥିଲା ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟ କିନ୍ତୁ ଏହି ଭୋଟଘାଟକୁ ଏତେ ହାଲୁକା ଭାବେ ନେଉନି, ଯେମିତି ଏହି ଦୁଇ ନେତା କ୍ୟାମେରା ସାମ୍ନାରେ କହିଛନ୍ତି । ଏହି ଦେଖାସାକ୍ଷତକୁ ପ୍ରତ୍ୟକ୍ଷରେ ହେଉ ବା ପରୋକ୍ଷରେ ହେଉ, ତୃତୀୟ ସାମୁଖ୍ୟ ସହ ଯୋଡ଼ିବାକୁ ଉଦ୍ୟମ କରିଛି ଜାତୀୟ ଗଣମାଧ୍ୟମର ଏକାଧିକ ରିପୋର୍ଟ । ଯଦିଓ ମମତା ବାନାର୍ଜୀ ନିର୍ବାଚନକୁ ଆହୁରି ସମୟ ଅଛି ବୋଲି କହିଥିଲେ । ତଥାପି ଏହି ମନ୍ତ୍ୟବ୍ୟରେ ତୃତୀୟ ସାମୁଖ୍ୟର ବାସ୍ନା ବାରି ହୋଇଥିଲା । ହେଲେ ସମଦୂରତାର କଥା କହୁଥିବା ନବୀନ, ଏହି ପ୍ରସଙ୍ଗରୁ ଏଡାଇ ଯାଇଥିବା ସ୍ପଷ୍ଟ ଅନୁମାନ ହେଉଥିଲା । ଏହି ଚର୍ଚ୍ଚା ଭିତରେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର କହିଛନ୍ତି-ନବୀନ ସବୁବେଳେ ଫାଷ୍ଟ ଫ୍ରଣ୍ଟରେ ଅଛନ୍ତି, ସେ କାହିଁକି ଥାର୍ଡ ଫ୍ରଣ୍ଟକୁ ଯିବେ । ବିରୋଧୀ ଦଳ ନେତା ଜୟନାରାୟଣ ମିଶ୍ର କହିଛନ୍ତି- ନବୀନ ଥାର୍ଡ ଫ୍ରଣ୍ଟକୁ ଗଲେ ସ୍ୱାଗତ କରିବୁ । ଏପଟେ ଶିଳ୍ପମନ୍ତ୍ରୀ ପ୍ରତାପ ଦେବ କହିଛନ୍ତି- ଆମେ ସମଦୂରତା ବଜାୟ ରଖିଛୁ ।
ରାଜନୀତିରେ ସମୟ ବଳିଯିବାକୁ ବିଳମ୍ବ ଲାଗେନି । କାରଣ, ଗତକାଲି ଯାଏଁ ଥିବା, ଦେଶର ରାଜନୈତିକ ପରିସ୍ଥିତି ଆଜି ଭିତରେ ଓଲଟପାଲଟ ହୋଇଯାଇଛି, ଯେତେବେଳେ ରାହୁଲ ଗାନ୍ଧୀଙ୍କ ସଦସ୍ୟତା ରଦ୍ଦ ହୋଇଛି । ତେଣୁ ଆଗକୁ କ’ଣ ହେବ, ଏବେଠୁ ଆକଳନ କରିବା ହୁଏତ କଷ୍ଟକର ।