ନିୟମ ମାନିଲେ ପ୍ରଧାନମନ୍ତ୍ରୀ ; ରାତି ୧୦ଟା ପରେ ଲାଉଡସ୍ପିକର କଟକଣା ଥିବାରୁ ରାଜସ୍ଥାନ ଆବୁରୋଡରେ ଉଦବୋଧନ ଦେଲେନି ମୋଦୀ
![](https://kanaknews.com/wp-content/uploads/2022/10/pm-750x430.jpg)
କନକ ବ୍ୟୁରୋ: ନିୟମ ପାଳନ କରିବା ମାମଲାରେ ବଡ଼ ଉଦାହରଣ ସୃଷ୍ଟି କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଶୁକ୍ରବାର ରାଜସ୍ଥାନର ସିରୋହୀ ଜିଲ୍ଲାର ଆବୁ ରୋଡରେ ଏକ ସାଧାରଣ ସଭାକୁ ଉଦବୋଧନ କରିଥାନ୍ତେ ମୋଦୀ । କିନ୍ତୁ ମୋଦୀ ଶୁକ୍ରବାର ରାତି ୧୦ଟା ୨୦ରେ ଆବୁ ରୋଡରେ ପହଂଚିଥିଲେ । ରାତି ୧୦ଟା ପରେ ଲାଉଡ୍ ସ୍ପିକରର ଉପଯୋଗ ଉପରେ କଟକଣା ଲଗାଯାଇଛି । ବିଳମ୍ବ ହେବାରୁ ଉପସ୍ଥିତ ଲୋକଙ୍କୁ କ୍ଷମା ମାଗିବା ସହ ସାଧାରଣ ସଭାରେ ଉଦବୋଧନ ଦେଇନଥିଲେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଏଥିପାଇଁ ମୋଦୀ ଜନତାଙ୍କୁ ଲୋକଙ୍କୁ କ୍ଷମା ମାଗିବା ସହ ଲାଉଡସ୍ପିକରକୁ ନେଇ ଯେଉଁ ନିୟମ ରହିଛି, ତାହା ପାଳନ କରିବାକୁ ପଡ଼ିବ ବୋଲି କହିଥିଲେ । ସେ ବିନା ମାଇକରେ ଲୋକଙ୍କୁ ଉଦବୋଧନ ଦେବ ସହ ମୁଁ ଆପଣ ସମସ୍ତଙ୍କୁ କ୍ଷମା ମାଗୁଛି ବୋଲି କହିଥିଲେ । ‘କିନ୍ତୁ ମୁଁ ଆପଣଙ୍କୁ ଭରସା ଦେଉଛି ଯେ ମୁଁ ଏଠାକୁ ଫେରିବି ଏବଂ ଆପଣମାନଙ୍କ ଏହି ଭଲପାଇବାକୁ ସୁଧ ସହିତ ପରିଶୋଧ କରିବି’ ବୋଲି କହିଥିଲେ ।
ସୂଚନା ମୁତାବକ, ପ୍ରଧାନମନ୍ତ୍ରୀ ମୋଦୀଙ୍କ ଭାଷଣ ଶୁଣିବା ପାଇଁ ବିପୁଳ ସଂଖ୍ୟାରେ ଲୋକେ ପହଂଚିଥିଲେ । ଏହି ଅବସରରେ ଲୋକେ ନିଜ ଫୋନର ଫ୍ଲାଶଲାଇଟ୍ ଅନ୍ କରି ପିଏମ୍ ମୋଦୀଙ୍କୁ ସ୍ୱାଗତ କରିଥିଲେ । ସେହିପରି ମୋଦୀ ମଧ୍ୟ ଲୋକଙ୍କ ପାଖକୁ ଯାଇ ସେମାନଙ୍କର ଅଭିବାଦନ ସ୍ୱୀକାର କରିଥିଲେ ।