କନକ ବ୍ୟୁରୋ: ଦେଶରେ ମୋଦି ଶାସନ ଚାଲୁଥିବାବେଳେ, ସବୁଠାରୁ ସଂକଟ ଜନକ ସ୍ଥିତି ଦେଇ ଗତି କରୁଥିବା ଦେଶର ସବୁଠୁ ପୁରୁଣା ରାଜନୈତିକ ଦଳ, କଂଗ୍ରେସ ପାଇଁ ପ୍ରିୟଙ୍କା ଗାନ୍ଧୀ ଏବେ ସାହାରା ଭଳି ଦେଖାଯାଉଛନ୍ତି । କେମିତି ଦଳକୁ ପୁଣି ଥରେ ତୃଣମୂଳ ସ୍ତରରୁ ମଜଭୁତ କରିହେବ । କିଏ ଦଳର ନେତୃତ୍ୱ ନେବ, ଏହାକୁ ନେଇ ରାଜସ୍ଥାନର ଉଦୟପୁର ଚିନ୍ତନ ଶିବିରରେ ଆଲୋଚନା ହୋଇଥିବାବେଳେ ରାହୁଲ ରାଜି ନହେଲେ, ପିି୍ରୟଙ୍କାଙ୍କ ହାତରେ କଂଗ୍ରେସର କମାଣ ଦେବାକୁ ବହୁ ବରିଷ୍ଠ ନେତା ଦାବି କରିଥିବା ଚର୍ଚ୍ଚା ହେଉଛି ।
Kanak News is now on WhatsApp
Join and get latest news updates delivered to you via WhatsApp
୨୦୧୯ ନିର୍ବାଚନ ପରେ ରାହୁଲ ଗାନ୍ଧୀ ପଦରୁ ଇସ୍ତଫା ଦେବା ପରେ କେହି ଦଳର ପୂୁର୍ଣ୍ଣକାଳିନ ଅଧକ୍ଷ ନାହାଁନ୍ତି । ସେବେଠାରୁ ରାହୁଲ ଗାନ୍ଧୀଙ୍କୁ ମନାଇବାକୁ ଚେଷ୍ଟା କରାଯାଉଥିଲେ ମଧ୍ୟ ସେ ଦାୟିତ୍ୱ ନେବାକୁ ରାଜି ହେଉନାହାଁନ୍ତିି । ଆଉ ସୋନିଆ ଗାନ୍ଧୀ ଅନ୍ତରୀଣ ଅଧକ୍ଷ ଦାୟିତ୍ୱ ତୁଲାଇ ଆସୁଛନ୍ତି ।
ଆଗକୁ ଏକାଧିକ ରାଜ୍ୟ ନିର୍ବାଚନ ଥିବାରୁ ଓ ୨୦୨୪ରେ ପୁଣି ସାଧାରଣ ନିର୍ବାଚନ ହେବାକୁ ଥିବାରୁ ଲଢ଼େଇ ପାଇଁ ଜଣଙ୍କୁ ପୂର୍ଣ୍ଣକାଳିନ ଅଧ୍ୟକ୍ଷ କରିବା ପାଇଁ ବହୁ ନେତା ଚିନ୍ତନ ଶିବିରରେ ଦାବି କରିଛନ୍ତି । ଆଚାର୍ଯ୍ୟ ପ୍ରମୋଦଙ୍କ ସମେତ ବହୁ ବରିଷ୍ଠ ନେତା କହିଛନ୍ତି, ଯଦି ରାହୁଲ ଗାନ୍ଧୀ ଏହି ଦାୟିତ୍ୱ ନେବାକୁ ପଛଘୁଂଚା ଦିଅନ୍ତି, ତେବେ ପ୍ରିୟଙ୍କା ଗାନ୍ଧୀ ହିଁ ଏଥିପାଇଁ ଯୋଗ୍ୟ । ପ୍ରିୟଙ୍କାଙ୍କୁ ସଭାପତି ନୂଆ ସଭାପତି କରାଯାଉ । ହେଲେ କିଏ ହେବେ କଂଗ୍ରେସର ସଭାପତି ତାହା ସ୍ପଷ୍ଟ ହୋଇନାହିଁ । କିନ୍ତୁ ସଂଗଠନ ସଜାଡିବାକୁ ପୁଣି ଗାନ୍ଧୀ ପରିବାର ଆଖପାଖରେ ଦଳର ନେତୃତ୍ୱ ପ୍ରସଙ୍ଗ ଘୁରି ବୁଲୁଥିବା ଚର୍ଚ୍ଚା ହେଉଛି ।
କଂଗ୍ରେସ ଦଳ ଭିତରେ ବହୁ ସମୟରେ ବରିଷ୍ଠ ଓ ଯୁବ ନେତାଙ୍କ ଭିତରେ ବିବାଦ ହୋଇଥାଏ । ଏହି ବିବାଦକୁ କେମିତି ମୁକାବିଲା କରାଯିବ ସେଥିପାଇଁ ଚିନ୍ତନ ଶିବିରରେ ସ୍ୱତନ୍ତ୍ର ରଣନୀତି ପ୍ରସ୍ତୁତ କରିଛି ଦଳ । ଏନେଇ ସୂଚନା ଦେଇ ସୋନିଆ ଗାନ୍ଧୀ କହିଛନ୍ତି, ଏଥର ଦଳରେ ୫୦ ପ୍ରତିଶତ ଯୁବବର୍ଗଙ୍କ ପାଇଁ ସଂରକ୍ଷିତ ରଖାଯିବ । ଦଳ ସହ ସମସ୍ତଙ୍କୁ ଯୋଡିବା ପାଇଁ ଗାନ୍ଧୀ ଜୟନ୍ତୀରୁ କନ୍ୟାକୁମାରୀରୁ କାଶ୍ମୀର ପର୍ଯ୍ୟନ୍ତ ‘ଭାରତ ଯୋଡ’ଯାତ୍ରା କରାଯିବ ।
ନବ ସଂକଳ୍ପ ଶିବିରର ଶେଷ ଦିନରେ ବିଜେପି ଓ ଆରଏସଏସ ଉପରେ ବର୍ଷିଛନ୍ତି ରାହୁଲ ଗାନ୍ଧୀ । କହିଛନ୍ତି, ମୋ ଉପରେ ପ୍ରତ୍ୟକ ଦିନ ପ୍ରଶ୍ନ ଉଠାଯାଉଛି, କାରଣ ତାଙ୍କ ଦଳରେ ସମସ୍ତଙ୍କୁ କହିବାକୁ ଅଧିକାର ଦିଆଯାଇଛି ।