ଗିରଫ ହେଲେ ବିଜେପି ବିଧାୟକ : ପ୍ରଫେଟ୍ ମହମ୍ମଦଙ୍କ ଉପରେ ଦେଇଥିଲେ ବିବାଦୀୟ ମନ୍ତବ୍ୟ
କନକ ବ୍ୟୁରୋ: ପ୍ରଫେଟ୍ ମହମ୍ମଦଙ୍କୁ ନେଇ ବିବାଦୀୟ ମନ୍ତବ୍ୟ ଦେବା ପରେ ଗିରଫ ହୋଇଛନ୍ତି ତେଲେଙ୍ଗାନାର ବିଜେପି ବିଧାୟକ ଟି. ରାଜା ସିଂହ । ନିକଟରେ ସେ ସୋସିଆଲ ମିଡିଆରେ ଏକ ଭିଡିଓ ଅପଲୋଡ କରିଥିଲେ । ଏହି ଭିଡିଓକୁ ନେଇ ସେ ବିବଦୀୟ ଟିପ୍ପଣୀ ମଧ୍ୟ ଦେଇଥିଲେ । ଏହା ଭାଇରାଲ ହେବା ପରେ ରାଜରାସ୍ତାରେ ଲୋକେ ପ୍ରଦର୍ଶନ ଆରମ୍ଭ କରିଥିଲେ । ଟି ରାଜାଙ୍କୁ ଯଥାଶୀଘ୍ର ଗିରଫ କରିବାକୁ ଦାବି କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବିଜେପି ମୁଖପାତ୍ର ନୂପୁର ଶର୍ମାଙ୍କ ମାମଲା ଏବେଯାଏଁ ଥଣ୍ଡା ପଡିନଥିବାବେଳେ ପୁଣିଥରେ ଏପରି ବିବାଦୀୟ ମନ୍ତବ୍ୟ ଦେଇ ଜନ ଅସନ୍ତୋଷ ନିମନ୍ତ୍ରଣ କରିଛନ୍ତି ବିଜେପି ବିଧାୟକ ଟି, ରାଜା ସିଂହ । ପ୍ରଫେଟ୍ ମହମ୍ମଦଙ୍କ ବିରୋଧରେ ଟି. ରାଜା ଆପତ୍ତିଜନକ ମନ୍ତବ୍ୟ ଦେବା ପରେ ସୋମବାର ବିପୁଳ ସଂଖ୍ୟାରେ ଲୋକେ ରାଜରାସ୍ତାକୁ ଓହ୍ଲାଇ ଏସଫି କାର୍ଯ୍ୟାଳୟକୁ ଘେରିଥିଲେ ,ତାଙ୍କର ଗିରଫଦାରୀ ଦାବି କରିଥିଲେ ।
ସୂଚନା ମୁତାବକ, ଟି ରାଜା ପ୍ରଫେଟ୍ ମହମ୍ମଦଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ ଦେବା ସହ କମେଡିଆନ୍ ମନବ୍ୱର ଫାରୁକିଙ୍କୁ ମଧ୍ୟ ଧମକ ଦେଇଥିଲେ । ଫାରୁକି ତାଙ୍କ ସୋ ରଦ୍ଦ କରିବାକୁ ଟି. ରାଜା ଦାବି କରିଥିଲେ ।