କନକ ବ୍ୟୁରୋ : ସରକାରଙ୍କ ସର୍ତାବଳୀ ସତ୍ୟପାଠ ବିରୋଧରେ ରାଜରାସ୍ତାରେ ହଜାର ହଜାର ଶିଷକଙ୍କ ପ୍ରତିବାଦ । କାଲି ପୁରୀରୁ ବାହାରିଥିବା ବିଶାଳ ପଟୁଆର ଆଜି ପହଁଚିଛି ଭୁବନେଶ୍ୱର ଲୋୟର ପିଏମଜିରେ । ରାଜଧାନୀରେ ହୋଇଛି ଓଡ଼ିଶା ସ୍କୁଲ କଲେଜ ଶିକ୍ଷକ କର୍ମଚାରୀ ମିଳିତ ମଂଚର ମହାସମାବେଶ । ଯଦି ଦାବି ପୂରଣ ନହୁଏ, ତେବେ ବିଜେପୁର ଯାଇ ବିଜେଡି ବିରୋଧରେ ପ୍ରଚାର କରିବା ପାଇଁ ଧମକ ଦେଇଛନ୍ତି ବ୍ଳକ ଗ୍ରାଂଟ୍ ଶିକ୍ଷକ ।
Kanak News is now on WhatsApp
Join and get latest news updates delivered to you via WhatsApp
ବ୍ଲକ ଗ୍ରାଂଟ ଶିକ୍ଷକମାନେ ଗ୍ରାଂଟ ଇନ୍ ଏଡ ପାଇବାକୁ ହେଲେ ସରକାର ଯେଉଁ ସର୍ତ ରଖିଛନ୍ତି, ତାକୁ ମାନିବାକୁ ନାରାଜ ମିଳିତ ମଂଚ । ବ୍ୟକ୍ତିଗତ ସତ୍ୟପାଠରେ ସାମ୍ବିଧାନିକ ଓ ମୌଳିକ ଅଧିକାର କ୍ଷୁର୍ଣ୍ଣ ହେଉଥିବା ଅଭିଯୋଗ କରିଛନ୍ତି ଶକ୍ଷକ । ଚାକିରି ସର୍ତାବଳୀ , ସପ୍ତମ ବେତନ କମିସନ ଓ ପେନସନ୍ ଲାଗୁ ପାଇଁ ଦାବି କରିଛନ୍ତି ଶିକ୍ଷକ ସଂଘ । ଶିଷକ ସଂଘ ଚେତାବନୀ ଦେଇଛି, ଯଦି ମୁଖ୍ୟମନ୍ତ୍ରୀଙ୍କୁ ଭେଟିବା ପରେ ଦାବି ପୂରଣ ନହୁଏ, ତେବେ ରାଜ୍ୟର ପ୍ରାୟ ୫ହଜାରରୁ ଅଧିକ ବିଦ୍ୟାଳୟ ଓ ମହାବିଦ୍ୟାଳୟରେ ତାଲା ଝୁଲିବ । ଆଗାମୀ ମାଟ୍ରିକ ପରୀଷାରେ ଶିକ୍ଷକମାନେ ସହଯୋଗ କରିବେ ନାହିଁ ବୋଲି ଧମକ ଦିଆଯାଇଛି ।
ଗତ ବର୍ଷ ଅଗଷ୍ଟ ମାସରେ ଶିକ୍ଷକଙ୍କ ଆନ୍ଦୋଳନ ପରେ ବ୍ଳକ ଗ୍ରାଂଟ ଉଚ୍ଛେଦ କରି ଗ୍ରାଂଟ୍ ଇନ୍ ଏଡ ଘୋଷଣା କରିଥିଲେ ସରକାର । ତେବେ ଗ୍ରାଂଟ୍ ଇନ୍ ଏଡ୍ ପାଇବାକୁ ହେଲେ ସରକାରଙ୍କ ସର୍ତ ମାନିବାକୁ ପଡିବ ବୋଲି ବିଜ୍ଞପ୍ତି ପ୍ରକାଶ ପାଇଛି । ଏହାକୁ ନେଇ ତାତି ଉଠିଛନ୍ତି ଶିକ୍ଷକ ।