କନକ ବ୍ୟୁରୋ: ବାରଣାସୀ ଜ୍ଞାନବ୍ୟାପୀ ମସଜିଦରେ ଜାରି ରହିବ ଏଏସଆଇ ସର୍ଭେ । ସୁପ୍ରିମକୋର୍ଟ ମୁସଲିମ୍ ପକ୍ଷଙ୍କ ଆବେଦନକୁ ଆଜି ଖାରଜ କରିଦେଇଛନ୍ତି । ଏଥିସହିତ ଜ୍ଞାନବ୍ୟାପୀ ମସଜିଦ୍ ପରିସରରେ ଏଏସଆଇର ବୈଜ୍ଞାନିକ ସର୍ଭେ ଉପରେ ରୋକ୍ ଲଗାଇବାକୁ ସୁପ୍ରିମକୋର୍ଟ ମନା କରିଦେଇଛନ୍ତି । ତେବେ ଏହି ମାମଲାର ଶୁଣାଣି ସମୟରେ ସର୍ବୋଚ୍ଚ ଅଦାଲତ ଏହା ସମ୍ପର୍କରେ ଗମ୍ଭୀର ଟିପ୍ପଣୀ ଦେଇଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସର୍ବୋଚ୍ଚ ଅଦାଲତ ପ୍ରଶ୍ନ କରିଛନ୍ତି ଯେ, ଆଲ୍ଲାବାଦ୍ ହାଇକୋର୍ଟଙ୍କ ଆଦେଶରେ ସୁପ୍ରିମକୋର୍ଟ କାହିଁକି ଦଖଲ ଦେବେ? ହାଇକୋର୍ଟରେ ଏଏସଆଇ ସତ୍ୟପାଠ ଦାଖଲ କରିଛି ଯେ, ସର୍ଭେ ସମୟରେ ଏଏସଆଇ କୌଣସି ଖୋଳାଖୋଳି କରିବ ନାହିଁ । ଏହାସହ କାନ୍ଥରେ ମଧ୍ୟ କୌଣସି କ୍ଷତି ପହଞ୍ଚାଇବନି । ତେଣୁ ଏଏସଆଇର ସର୍ଭେ ହେଲେ ଅସୁବିଧା କଣ ବୋଲି ସୁପ୍ରିମକୋର୍ଟ ପ୍ରଶ୍ନ କରିଛନ୍ତି । ଏଥିସହିତ ଏଏସଆଇ ସର୍ଭେ କରିବା ସହିତ ବନ୍ଦ ଲଫାପାରେ ରିପୋର୍ଟ ଦେବାକୁ କୋର୍ଟ କହିଛନ୍ତି ।
ସୁପ୍ରିମକୋର୍ଟ ଆଲ୍ଲାବାଦ ହାଇକୋର୍ଟଙ୍କ ନିର୍ଦ୍ଦେଶକୁ ଦୋହରାଇବା ସହିତ କହିଛନ୍ତି ଯେ, ମସଜିଦ୍ ପରିସରରେ କୌଣସି ଖୋଳାଖୋଳି ହେବନି । ମୁଖ୍ୟ ବିଚାରପତି ଡିୱାଇ ଚନ୍ଦ୍ରଚୂଡ, ଜଷ୍ଟିସ୍ ଜେବି ପାରଦୀବାଲା ଏବଂ ଜଷ୍ଟିସ୍ ମନୋଜ ମିଶ୍ରାଙ୍କୁ ନେଇ ଗଠିତ ତିନି ଜଣିଆ ଖଣ୍ଡପୀଠ ଏହି ମାମଲାର ଶୁଣାଣି କରିଥିଲେ । ଏହି ମାମଲାର ବିଚାର ସମୟରେ କୋର୍ଟ ଆଲ୍ଲାବାଦ୍ ହାଇକୋର୍ଟଙ୍କ ରାୟକୁ କାଏମ୍ ରଖିଛନ୍ତି ।