ରାଜସ୍ଥାନରେ ମାତୃତ୍ୱ ପାଇଁ ବଢିଚାଲିଛି ପାରୋଲ ଆବେଦନ। ‘ମୁଁ ମା’ ହେବାକୁ ଚାହୁଁଛି, ମୋ ସ୍ୱାମୀଙ୍କୁ ପାରୋଲ ଦିଅ! ଆବେଦନ କରୁଛନ୍ତି ସ୍ତ୍ରୀ ।
କନକ ବ୍ୟୁରୋ: ମୁଁ ମା ହେବାକୁ ଚାହୁଁଛି । ମୋ ସ୍ୱାମୀଙ୍କୁ ପାରୋଲ ଦିଅ! ରାଜସ୍ଥାନର ମହିଳାଙ୍କ ଏଭଳି ଆବେଦନର ମାମଲା ସୁପ୍ରିମକୋର୍ଟରେ ପହଞ୍ଚିଛି । କିଛି ମାସ ତଳେ ରାଜସ୍ଥାନ ହାଇକୋର୍ଟ ଜଣେ କଏଦୀଙ୍କୁ ଏହି ଆଧାରରେ ପୋରୋଲ ଦେବାକୁ ଅନୁମତି ଦେଇଥିଲେ । ତେବେ ବର୍ତ୍ତମାନ ଆଉ ଗୋଟିଏ ପରେ ଗୋଟିଏ ଘଟଣା ସାମ୍ନାକୁ ଆସିଛି । ଏଠାରେ ମଧ୍ୟ ଜଣେ ମହିଳା ଏଭଳି ଆବେଦନ କରିଛନ୍ତିା
Kanak News is now on WhatsApp
Join and get latest news updates delivered to you via WhatsApp
ସୁପ୍ରିମକୋର୍ଟ ରାଜସ୍ଥାନ ହାଇକୋର୍ଟର ପାରୋଲ ଆଦେଶ ଉପରେ ଶୁଣାଣି କରିବାକୁ ଅନୁମତି ଦେଇଛନ୍ତି । କିଛି ମାସ ତଳେ ଜଣେ କଏଦୀଙ୍କୁ ତାଙ୍କ ସ୍ତ୍ରୀଙ୍କ ଏଭଳି ଆବେଦନ ନେଇ ପାରୋଲ ଦେଇଥିଲେ । ତାଙ୍କ ସ୍ତ୍ରୀ ମାଆ ହେବାକୁ ଚାହୁଁଥିବାରୁ ସ୍ୱାମୀଙ୍କୁ ପାରୋଲ ଅନୁମତି ମିଳିଥିଲା । ହାଇକୋର୍ଟର ଯୋଧପୁର ବେଞ୍ଚ କଏଦୀଙ୍କୁ ୧୫ ଦିନର ପାରୋଲରେ ଛାଡିଥିଲେ । ସେହି ମହିଳାଙ୍କ ସ୍ୱାମୀ ଜେଲରେ ଆଜୀବନ ସଜା କାଟୁଥିଲେ ।
କୋର୍ଟଙ୍କ ଏଭଳି ଗୋଟିଏ ପାରୋଲ ଅଭିଯୁକ୍ତଙ୍କ ମିଳିବା ପରେ ଅନେକ ମହିଳା ସମାନ ପ୍ରସଙ୍ଗ ଦେଖାଇ ପାରୋଲ ଆବେଦନ କରିଚାଲିଥିଲେ । ହାଇକୋର୍ଟଙ୍କ ପାରୋଲ ଦେବା ରାୟ ପରେ ରାଜ୍ୟ ସରକାରଙ୍କ ପକ୍ଷରୁ ସୁପ୍ରିମକୋର୍ଟରେ କୁହାଯାଇଥିଲା ଯେ, କୋର୍ଟଙ୍କ ଏହି ରାୟ ପରେ ଅନେକ କଏଦୀଙ୍କ ପତ୍ନୀ ପାରୋଲ ପାଇଁ ଆବେଦନ କରୁଛନ୍ତି । ସେହିଭଳି ଅପରାଧୀ ବି ପାରୋଲ ପାଇଁ ଆବେଦନ କରୁଛନ୍ତି । ଏହି ଆଧାରରେ ପାରୋଲ ଅନୁମତି ଦେବା ବୈଧ ନୁହେଁ । ଏହା ଉପରେ ଆସନ୍ତା ସପ୍ତାହରେ ସୁପ୍ରିମକୋର୍ଟରେ ଶୁଣାଣି ହେବ ।