ମୁଁ ବଞ୍ଚିବାକୁ ଚାହେଁ ! ରକ୍ତ କର୍କଟ ସହ ଲଢ଼ୁଛି ୧୦ ବର୍ଷର କୁନି ଝିଅ ସରିଫା, ଆପଣଙ୍କ ସହାୟତା କୁନି ଝିଅକୁ ଦେବ ନୂଆ ଜୀବନ
କନକ ବ୍ୟୁରୋ : ସାଢ଼େ ୪ କୋଟି ଓଡ଼ିଶାବାସୀଙ୍କ ଠାରୁ ମାତ୍ର ୧.୫ ଲକ୍ଷ ଟଙ୍କାର ଆଶା । ପୁରୀ ଶ୍ରୀମନ୍ଦିରର ଦାନବାକ୍ସରେ ପଡ଼ୁଥିବା ପ୍ରତ୍ୟେକ ଦିନର ଦାନ ଅର୍ଥ ଠାରୁ ମଧ୍ୟ କମ ଟଙ୍କା ସେ ଆଶା କରୁଛନ୍ତି । ଆଉ ସେ ଆଶା କେବଳ ବଞ୍ଚିବା ପାଇଁ । ମୃତ୍ୟୁର ପଞ୍ଝା କୁହାଯାଉଥିବା କ୍ୟାନସର ରୋଗରୁ ନୂଆ ଜୀବନ ଫେରି ପାଇବାର ଆଶା । କିନ୍ତୁ ଏହି ଆଶା ଅଟକିଯାଇଛି ସେହି ଟଙ୍କା ପାଖରେ । ଆଉ ଏଥିପାଇଁ ଦୀର୍ଘ ଦିନ ଧରି ଜୀବନ ସହ ଲଢ଼ୁଥିବା ୧୦ ବର୍ଷର କୁନି ଝିଅ ଏବେ ଆପଣଙ୍କ ସାହାଯ୍ୟ ବାଟକୁ ଅନେଇ ବସିଛି । ଆପଣ ଥରେ ମନ ଖୋଲିଦେଲେ କୁନି ଝିଅଟି ଜୀବନ ସାରା ମନଭରି ହସିପାରିବ । କାରଣ ମୃତ୍ୟୁର ପଞ୍ଝା ମଧ୍ୟରୁ ବାହାରିବା ପାଇଁ କେବଳ ଗୋଟିଏ ପାହାଚ ଆଉ ବାକି ଅଛି । ଆଉ ସେହି ପାହାଚକୁ କିନ୍ତୁ ଟଙ୍କା ରୂପି ରାକ୍ଷସ ବନ୍ଦ କରି ରଖିଛି । ଆଉ ସେହି ପାହାଚ ଡ଼େଇଁ ନୂଆ ଜୀବନ ଜିଇଁବାକୁ ଆଶା ରଖିଛି ଗଞ୍ଜାମର ୧୦ ବର୍ଷୀୟ କୁନି ଝିଅ ସରିଫା ପାତ୍ର ।
Kanak News is now on WhatsApp
Join and get latest news updates delivered to you via WhatsApp
10 years old Sarifa, from Ganjam, Odisha needs support to fight against Blood Cancer
Even our Rs.1 with a blessing can create a security cover for Sarifa’s struggling life
Details r mentioned in d comment section.@Naveen_Odisha @PandaJay @JagiPanda @arvindpadhee @ushapadhee1996 pic.twitter.com/dVchJRvv74— Umeedein (@Umeedeiin) June 2, 2018
ଗଞ୍ଜାମ ଜିଲ୍ଲାର ୧୦ ବର୍ଷୀୟ କୁନି ଝିଅ ସରିଫା ପାତ୍ର । ଦୁନିଆର ସବୁଠାରୁ ମାରାତ୍ମକ ରୋଗ କୁହାଯାଉଥିବା ରକ୍ତ କର୍କଟରେ ପୀଡ଼ିତ ଏହି କୁନି ଝିଅ । ଜୀବନକୁ ଠିକ୍ ଭାବେ ବଞ୍ଚିବା ଶିଖିବା ଆଗରୁ ମୃତ୍ୟୁର ଦୂତ ଆସି ଦ୍ୱାର ଠକ୍ ଠକ୍ କରିବା ଆରମ୍ଭ କରିଛି । କିନ୍ତୁ ଏସବୁ ଭିତରେ ବଞ୍ଚିବାର ଆଶା ହାରିନି ଏହି କୁନି ଝିଅ । ଭୁବନେଶ୍ୱରର ସମ ହସ୍ପିଟାଲରେ ଚିକିତ୍ସିତ ହେଉଥିବା ସରିଫା ଚିିକିତ୍ସା ଶେଷ ପର୍ଯ୍ୟାୟରେ ପହଞ୍ଚିଛି । କିନ୍ତୁ ଆବଶ୍ୟକୀୟ ଟଙ୍କା ନଥିବାରୁ ଚିକିତ୍ସା ହୋଇପାରୁନାହିଁ । ଏପରିକି ଭୁବନେଶ୍ୱରର କ୍ୟାନସର ପୀଡ଼ିତଙ୍କୁ ସହାୟତା କରୁଥିବା ସ୍ୱେଚ୍ଛାସେବୀ ସଙ୍ଗଠନ ଉମିଦ ଏବେ ସରିଫା ପାଇଁ ଟଙ୍କା ଯୋଗାଡ଼ କରିବାକୁ କ୍ୟାମ୍ପେନ ଆରମ୍ଭ କରିଛି । କିନ୍ତୁ ଏବେ ମଧ୍ୟ ବିଳମ୍ବ ହୋଇନାହିଁ ଆପଣଙ୍କ ସହାୟତା ଗୋଟିଏ ଗରିବ କୁନି ଝିଅର ଜୀବନରେ ପୁଣିଥରେ ହସ ଫୁଟାଇପାରିବ ।
