ଜେଲରୁ ମହାଠକ ସୁକେଶ ଲେଖିଲେ ଆଉ ଏକ ଚିଠି, ବାହାନଗା ରେଳ ଦୁର୍ଘଟଣା ପୀଡିତଙ୍କୁ ୧୦ କୋଟି ସହାୟତା ଦେବାକୁ ମାଗିଲେ ଅନୁମତି
କନକ ବ୍ୟୁରୋ : ଜେଲରେ ବନ୍ଦ ଥିବା ମହାଠକ ସୁକେଶ ଚନ୍ଦ୍ରଶେଖର ପୁଣି ଏକ ଚିଠିଲେଖି ସମସ୍ତଙ୍କୁ ଚକିତ କରିଦେଇଛନ୍ତି । ଏପର୍ଯ୍ୟନ୍ତ ସୁକେଶ ଜେଲରେ ଥାଇ ଆମ୍ ଆଦାମୀ ପାର୍ଟିକୁ ନେଇ ନୂଆ ନୂଆ ଖୁଲାସା କରୁଥିବା ବେଳେ ଏବେ ଏକ ଚିଠି ରେଳ ବିଭାଗ ନାମରେ ଲେଖିଛନ୍ତି । ମଣ୍ଡୋଲୀ ଜେଲରେ ବନ୍ଦିଥିବା ସୁକେଶ ଏବେ ବାହାନଗାରେ ହୋଇଥିବା ରେଳ ଦୁର୍ଘଟଣାରେ ପୀଡିତ ଓ ମୃତକଙ୍କ ପରିବାରକୁ ୧୦ କୋଟି ଟଙ୍କା ସହାୟତା ଦେବାକୁ ଇଚ୍ଛା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନିଜ ଓକିଲ ମାଧ୍ୟମରେ ଜାରି କରିଥିବା ଏହି ଚିଠିରେ ସୁକେଶ ଲେଖିଛନ୍ତି କି, ବାହାନଗା ରେଳ ଦୁର୍ଘଟଣା ଏକ ଦଃଖଦ ଘଟଣା । ଏହି ଦୁର୍ଘଟଣାକୁ ନେଇ ସେ ଦୁଖ ପ୍ରକାଶ କରିଛନ୍ତି । ହେଲେ ରେଳ ଦୁର୍ଘଟଣା ପରେ ସରକାର ଯେଭଳି ଉଦ୍ଧାର କାର୍ଯ୍ୟ ଓ ସହାୟତା ରାଶି ତୁରନ୍ତ ଘୋଷଣା କଲେ ତାହାକୁ ନେଇ ସୁକେଶ ସରକାରଙ୍କୁ ପ୍ରଶଂସା କରିଛନ୍ତି ।
ସେପଟେ ସୁକେଶ ଚିଠିରେ ଲେଖିଛନ୍ତି କି, ସରକାର ପ୍ରଥମର ସମସ୍ତ ପୀଡିତ ପରିବାରକୁ ସହାୟତା ରାଶି ଘୋଷଣା କରିଛନ୍ତି । ହେଲେ ଦେଶର ଜଣେ ନାଗରିକ ଭାବେ ସେ ପୀଡିତ ପରିବାରକୁ ୧୦ କୋଟି ଟଙ୍କା ସହାୟତା ଦେବାକୁ ଚାହିଁଛନ୍ତି । ଏହି ଟଙ୍କା ବିଶେଷ ଭାବେ ପୀଡିତ ପରିବାରର ପିଲାମାନଙ୍କ ଶିକ୍ଷା କ୍ଷେତ୍ରରେ ଖର୍ଚ୍ଚ କରାଯାଉ ବୋଲି ସେ ଅନୁରୋଧ କରିଛନ୍ତି ।