ମହିଳାଙ୍କ ପେଟରୁ ବାହାରିଲା ୧ଫୁଟର ବେଲଣା କାଠି ! ଆଶ୍ଚର୍ଯ୍ୟ ହେଲେ ଡାକ୍ତର
ଉତ୍ତରାଖଣ୍ଡ : ଜଣେ ମହିଳାଙ୍କ ପେଟରୁ ଗୋଟେ ୧ଫୁଟର ବେଲଣା କାଠି ବାହାରିବା ନେଇ ଏବେ ଚର୍ଚ୍ଚା ଜୋର ଧରିଛି । ଡାକ୍ତରମାନେ ମଧ୍ୟ ଏପରି ଘଟଣାକୁ ନେଇ ତାଜୁବ୍ । ସୂଚନା ଅନୁସାରେ ଉତ୍ତରାଖଣ୍ଡର ହଲଦ୍ୱାନି ସ୍ଥିତ ସରକାରୀ ମେଡିକାଲ କଲେଜର ଚିକିତ୍ସକମାନେ ଏକ ବିସ୍ମୟ ଅପରେସନ କରିଛନ୍ତି । ଜଣେ ମହିଳାଙ୍କ ପେଟରୁ ୩୦ସେ.ମି ଲମ୍ବର ଏକ ରୁଟି ତିଆରି କରିବାର ବେଲଣା କାଠିକୁ ବାହାର କରିଛନ୍ତି । ମହିଳା ଜଣକ ଏବେ ଜୀବନ-ମରଣର ସଂଘର୍ଷ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମହିଳାଙ୍କର ପରିଚୟ ଗୁପ୍ତ ରଖାଯାଇଛି ଏବଂ ଏହି ମହିଳା ଦୁଷ୍କର୍ମର ଶିକାର ହୋଇଥାଇ ପାରନ୍ତି ବୋଲି ନୈନିତାଲ ଜିଲ୍ଲାର ସୁଶୀଳା ତିୱାରୀ ମେଡିକାଲ କଲେଜର ସର୍ଜରୀ ବିଭାଗ ମୁଖ୍ୟ ଡାଃ କେଏସ୍ ଶାହି କହିଛନ୍ତି । ମାମଲା ଗମ୍ଭିର ମନେକରି ପୁଲିସକୁ ମଧ୍ୟ ଖବର ଦିଆଯାଇଛି ।
ନେପାଳ ମୂଳ ଏହି ୪୦ ବର୍ଷୀୟ ମହିଳା ନିଜ ସ୍ୱାମୀଙ୍କ ସହ ହଲଦ୍ୱାନିରେ ରୁହନ୍ତି । ପେଟରେ ଯନ୍ତ୍ରଣା ହେବାରୁ ଡାକ୍ତରଖାନରେ ଭର୍ତ୍ତି କରାଯାଇଥିଲା ଏହି ମହିଳାଙ୍କୁ । ଏକ୍ସ-ରେ ଓ ଅଲଟ୍ରାସାଇଣ୍ଡ ରିପୋର୍ଟ ଅନୁସାରେ ପେଟରେ ଗ୍ୟାସ ପୁରି ରହିଥିଲା । ମହିଳାଙ୍କ ପେଟରେ ଡାକ୍ତର ଯେତେବେଳେ ଅସ୍ତ୍ରୋପଚାର କଲେ ଆଶ୍ଚର୍ଯ୍ୟ ହୋଇଗଲେ । ପେଟରେ ଥିଲା ଏକ ୧ଫୁଟର ବେଲଣା କାଠି ।
ଡାକ୍ତରଙ୍କ କହିବାନୁସାରେ ପେଟରୁ ବେଲଣା କାଠି ବାହାରିବା ଘଟଣା ମେଡିକାଲ ସାଇନ୍ସରେ ବୋଧହୁଏ ପ୍ରଥମ ଘଟଣା । ଆଉ ଏ ଘଟଣା ଏବେ ସମସ୍ତଙ୍କୁ ବିସ୍ମିତ କରିଛି । ନ୍ୟୁଜ୍ ୧୮ ରେ ପ୍ରକାଶିତ ଏ ଖବର ଏବେ ଭାଇରାଲ ସାଜିଛି ।