କନକ ବ୍ୟୁରୋ : ଦୀର୍ଘ ୬ଦିନର ମନ୍ଥନ ପରେ ଆଜି କର୍ଣ୍ଣାଟକର ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ବରିଷ୍ଠ କଂଗ୍ରେସ ନେତା ସିଦ୍ଧରମୈୟା । ତାଙ୍କ ସହ ଉପ ମୁଖ୍ୟମନ୍ତ୍ରୀ ଭାବେ ଡି.କେ ଶିବକୁମାର ମଧ୍ୟ ଶପଥ ନେଇଛନ୍ତି । ଏହି କ୍ରମରେ ୮ ଜଣ କ୍ୟାବିନେଟ ମନ୍ତ୍ରୀ ମଧ୍ୟ ଶପଥ ନେଇଛନ୍ତି । ମନ୍ତ୍ରୀ ଭାବେ ଶପଥ ନେଇଥିବା ବିଧାୟକମାନେ ହେଲେ ଜି, ପରମେଶ୍ୱର, ଏଚ୍ ମୁନିୟପ୍ପା, କେ,ଜେ ଗର୍ଗ, ଏମ ବି ପାଟିଲ, ସତୀଶ ଜାରକିହୋଲି, ପ୍ରିୟାଙ୍କ ଖରଗେ, ରାମାଲିଙ୍ଗା ରେଡ୍ଡୀ, ବି.ଜେଡ, ଜମୀର, ଅହମ୍ମଦ ଖାନ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଯଦି ଆଜି ମନ୍ତ୍ରୀ ଭାବେ ଶପଥ ନେଇଥିବା ୮ଜଣ ବିଧାୟକଙ୍କ ଉପରେ ନଜର ପକାଇବା ତେବେ ଏହି ୮ଜଣ ବିଧାୟକ ଭିନ୍ନ ଭିନ୍ନ ବର୍ଗରୁ ପ୍ରତିନିଧିତ୍ୱ କରୁଛନ୍ତି । ମନ୍ତ୍ରୀ ମଣ୍ଡଳରେ ସାମିଲ ହୋଇଥିବା ଏଚ୍ ମୁନିୟପ୍ପା ଦଳିତ ସମୁଦାୟରୁ ପ୍ରତିନିଧିତ୍ୱ କରୁଥିବା ବେଳେ ଜମୀର ଅହମ୍ମଦ ଖାନ ଓ କେ.ଜେ ଗର୍ଗ ଅଳ୍ପସଂଖ୍ୟକ ବର୍ଗରୁ ପ୍ରତିନିଧିତ୍ୱ କରନ୍ତି । ସେହିଭଳି ଜାର୍କିହୋଲୀ ଅନୁସୂଚିତ ଜନଜାତିରୁ ପ୍ରତିନିଧିତ୍ୱ କରୁଥିବା ବେଳେ ରାମାଲିଙ୍ଗା ରେଡ୍ଡୀ ରେଡ୍ଡୀ ସମୁଦାୟରୁ ପ୍ରତିନିଧିତ୍ୱ କରୁଛନ୍ତି । ଅନ୍ୟପଟେ ମୁଖ୍ୟମନ୍ତ୍ରୀ ସିଦ୍ଦରମୈୟା କୁରୁବା ସମୁଦାୟରୁ ୍ରଆସିଛନ୍ତି ଓ ଉପ ମୁଖ୍ୟମନ୍ତ୍ରୀ ଶିବକୁମାର ବୋକ୍କାଳିଗା ସମୁଦାୟରୁ ଆସିଛନ୍ତି ।
କହିରଖୁ କି ଆଜିର ଏହି ଶପଥ ଗ୍ରହଣ ସମାରୋହରେ କଂଗ୍ରେସ ଶାସିିତ ରାଜ୍ୟର ମୁଖ୍ୟମନ୍ତ୍ରୀଙ୍କ ବ୍ୟତୀତ ଅଣ ବିଜେପି ଶାସିତ ରାଜ୍ୟର ଅନେକ ମୁଖ୍ୟମନ୍ତ୍ରୀ ଯୋଗ ଦେଇଥିଲେ । କେବଳ ତେଲେଙ୍ଗାନା ମୁଖ୍ୟମନ୍ତ୍ରୀ କେ, ଚନ୍ଦ୍ରଶେଖର ରାଓ ଓ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବ୍ୟତୀତ ଅନ୍ୟ ସମସ୍ତ ଅଣବିଜେପି ଦଳର ନେତୃତ୍ୱଙ୍କୁ ଶପଥ ଗ୍ରହଣ ଉତ୍ସବରେ ଦେଖିବାକୁ ମିିଳିଛି ।