କନକ ବ୍ୟୁରୋ : ୨ହଜାର ଟଙ୍କିଆ ନୋଟକୁ ବନ୍ଦ କରିବା ପାଇଁ ଆରବିଆଇ ବଡ ନିଷ୍ପତ୍ତି ଗ୍ରହଣ କରିଛି । କିନ୍ତୁ ଜାଣିଛନ୍ତି କି? ଦିନ ଥିଲା ୫ଶହ, ୧ହଜାର, ୨ହଜାର ଟଙ୍କିଆ ନୋଟ ଭଳି ପୂର୍ବରୁ ୫ହଜାର ଓ ୧୦ହଜାର ଟଙ୍କିଆ ନୋଟର ପ୍ରଚଳିତ ଥିଲା । ଯାହାକୁ ୨ହଜାର ଟଙ୍କିଆ ନୋଟକୁ ବନ୍ଦ କଲା ଭଳି ୫ହଜାର ଓ ୧୦ହଜାର ଟଙ୍କିଆ ନୋଟକୁ ବି ବନ୍ଦ କରିଦିଆଯାଇଥିଲା । ଆସନ୍ତୁ ଜାଣିବା ଏହି ବାବଦରେ କିଛି ରୋଚକ ଦୃଶ୍ୟ ।
Kanak News is now on WhatsApp
Join and get latest news updates delivered to you via WhatsApp
ଅର୍ଥ ବ୍ୟବସ୍ଥା ଅନୁସାରେ, ସମୟ ସମୟରେ ବଡ ନୋଟ ଉପରେ ନୋଟ୍ ବନ୍ଦି ଭଳି ନିଷ୍ପତ୍ତି ନେବାକୁ ପଡିଥାଏ । ଏହାଦ୍ୱାରା କଳା ଧନ ଏବଂ ନକଲି ନୋଟର କାରୋବାର ବନ୍ଦ ହୋଇଯାଇଥାଏ । ଭାରତରେ ପୂର୍ବରୁ ୧ହଜାର, ୫ହଜାର, ଏବଂ ୧୦ହଜାର ଭଳି ନୋଟ ପ୍ରଚଳିତ ଥିଲା । କିନ୍ତୁ ସେହି ସମୟ ଅଲଗା ଥିଲା । ସ୍ୱାଧୀନତା ପୂର୍ବରୁ ୧୦୦ଟଙ୍କା ଉପରକୁ ଥିବା ସମସ୍ତ ନୋଟ ଉପରେ ପ୍ରତିବନ୍ଧକ ଲଗାଯାଇଥିଲା । ଅର୍ଥା ପୁରୁଣା କାଳରେ ବି ନୋଟ ବନ୍ଦି ଭଳି ନିଷ୍ପତି ଗ୍ରହଣ କରାଯାଇ ବଡ ନୋଟର ବ୍ୟବହାରକୁ ବନ୍ଦ କରିଦିଆଯାଉଥିଲା ।
ଦେଶରେ ପ୍ରଥମ ଥର ପାଇଁ ୧୯୪୬ରେ ଅର୍ଥାତ୍ ସ୍ୱାଧୀନତାର ଏକ ବର୍ଷ ପୂର୍ବରୁ ବିମୁଦ୍ରିକରଣ ବା ନୋଟ ବନ୍ଦି ହୋଇଥିଲା । ସେତେବେଳେ ସର୍ବପ୍ରଥମେ ୫ଶହ, ୧ହଜାର ଏବଂ ୧୦ହଜାର ଟଙ୍କିଆ ନୋଟର ପ୍ରଚଳନକୁ ବନ୍ଦ କରିଦିଆଯାଇଥିଲା । ଆରବିଆଇର ୱେବସାଇଟରେ ଉପଲବ୍ଧ ଥିବା ତଥ୍ୟ ଅନୁସାରେ, ୧୯୩୮ରେ କେନ୍ଦ୍ରିୟ ବ୍ୟାଙ୍କ୍ ପ୍ରଥମ ଥର ପାଇଁ ୧୦ହଜାର ଟଙ୍କିଆ ନୋଟ ଛାପିଥିଲା । ଆରବିଆଇ ଦ୍ୱାରା ମୁଦ୍ରିତ ଏହା ସବୁଠୁ ବଡ ନୋଟ ଥିଲା । ଯାହାକୁ ୧୯୪୬ରେ ନୋଟବନ୍ଦି ଜରିଆରେ ବନ୍ଦ କରିଦିଆଯାଇଥିଲା । ୧୯୫୪ରେ ପୁଣି ଥରେ ୧୦ହଜାର ଟଙ୍କିଆ ନୋଟ ବଜାରକୁ ଆସିଥିଲା କିନ୍ତୁ ୧୯୭୮ରେ ଏହାକୁ ପୁଣି ବନ୍ଦ କରିଦିଆଗଲା ।