‘ଅଫତାବ୍ ମତେ ମାରି ଦୁଇଖଣ୍ଡ କରିବାକୁ ଦେଇଛି ଧମକ୍’ । ଶ୍ରଦ୍ଧା ହତ୍ୟାକାଣ୍ଡ ମାମଲାରେ ନୂଆ ଖୁଲାସା
କନକ ବ୍ୟୁରୋ : ଶ୍ରଦ୍ଧା ହତ୍ୟାକାଣ୍ଡ ମାମଲାରେ ସାମ୍ନାକୁ ଆସୁଛି ଗୋଟିଏ ପରେ ଗୋଟିଏ ତଥ୍ୟ । ଖୋଲୁଛି ଗୋଟିଏ ପରେ ଗୋଟିଏ ଗୁମର । ନଭେମ୍ବର ମାସ ୨୦୨୦ରେ ଶ୍ରଦ୍ଧା ପୋଲିସରେ ଅଫତାବଙ୍କ ବିରୋଧରେ ଅଭିଯୋଗ କରିଥିଲେ । ଅଭିଯୋଗରେ ଶ୍ରଦ୍ଧା ଲେଖିଥିଲେ, ମତେ ଅଫତାବ୍ ମାରିବାକୁ ଧମକ ଦେଇଛି । ମାରିକି ଖଣ୍ଡ ଖଣ୍ଡ କରିଦେବାକୁ ମଧ୍ୟ ଧମକ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
କେବଳ ଏତିକି ନୁହେଁ, ଶ୍ରଦ୍ଧା ଅଭିଯୋଗରେ ଲେଖିଥିଲେ, ଅଫତାବ୍ ମତେ ସବୁବେଳେ ଗାଳିଗୁଲଜ କରିବା ସହିତ ମାରପିଟ୍ କରୁଛି । ଆଜି ଅଫତାବ୍ ମତେ ମାରିବାକୁ ମଧ୍ୟ ଚେଷ୍ଟା କରିଥିଲା । ମତେ ଧମକ ଦେଇଛି କି, ମତେ ଦିନେ ମାରିକି ମୋ ଶରୀରକୁ ଖଣ୍ଡ ଖଣ୍ଡ କରି ଫୋପାଡି ଦେବ । ଏହି ଭଳି ଅତ୍ୟାଚାର ଦୀର୍ଘ ୬ମାସ ହେବ ମୁଁ ସହିଆସୁଛି । ପ୍ରତିଦିନ ମାଡ ଖାଉଛି, ଗାଳି ଶୁଣୁଛି । ଅଫତାବଙ୍କ ପରିବାର ଲୋକ ବି ଏବାବଦରେ ସବୁ ଜାଣିଛନ୍ତି । କିନ୍ତୁ ପୁଅକୁ କିଛି ବି କହୁନାହାନ୍ତି । ଏବେ ମୋର ଅଫତାବ୍ ସହ ରହିବାର ଇଛା ନାହିଁ । ଆଗକୁ ଯଦି ମୋର କିଛି ହେଇଯାଉଛି, ତାହେଲେ ଦାୟୀ କେବଳ ଅଫତାବ୍ ହିଁ ରହିବ । ଏବେ ଦୁଇବର୍ଷ ପରେ ଶ୍ରଦ୍ଧାଙ୍କ ସହ ଅଫତାବ୍ ଠିକ୍ ସେଇଆ ହିଁ କରିଛି । ଯାହା ସେ ଧମକ ଦେଇଥିଲା ।