ଶିଞ୍ଜୋ ଆବେଙ୍କ ସ୍ମୃତିରେ ଦେଶ ପାଳିବ ରାଷ୍ଟ୍ରୀୟ ଶୋକ : ଅର୍ଦ୍ଧନିର୍ମିତ ରହିବ ଜାତୀୟ ପତାକା
କନକ ବ୍ୟୁରୋ : ଆଜି ଜାପାନର ପୂର୍ବତନ ପ୍ରଧାନମନ୍ତ୍ରୀ ସିଞ୍ଜୋ ଆବେଙ୍କ ସ୍ମୃତିରେ ଦେଶ ପାଳିବ ରାଷ୍ଟ୍ରୀୟ ଶୋକ । ଅର୍ଦ୍ଧନିର୍ମିତ ରହିବ ଜାତୀୟ ପତାକା । ନିର୍ବାଚନୀ ପ୍ରଚାର ବେଳେ ଜାପାନର ପୂର୍ବତନ ପ୍ରଧାନମନ୍ତ୍ରୀଙ୍କୁ ଆତତାୟୀ ଗୁଳି କରିବାରୁ ଟଳି ପଡିଥିଲେ । ଏହି ଆକ୍ରମଣକୁ ନିନ୍ଦା କରିଛନ୍ତି ବିଶ୍ୱର ଅନେକ ନେତା । ବିଶ୍ୱ ରାଜନୀତିର ଜଣେ ପ୍ରଭାବଶାଳୀ ନେତା ଶିଞ୍ଜୋ ଆବେଙ୍କୁ ହତ୍ୟା ପରେ ସାରା ବିଶ୍ୱରେ ଗୁଞ୍ଜରିତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଜାପାନ ପରି ଏକ ଶାନ୍ତି ପ୍ରିୟ ରାଷ୍ଟ୍ରରେ ଜଣେ ଏତେ ବଡ ନେତାଙ୍କୁ ହତ୍ୟା କରାଯିବା ଘଟଣା ସାରା ବିଶ୍ୱରେ ଚାଞ୍ଚଲ୍ୟ ସୃଷ୍ଟି କରିଛି । ତେବେ ଆଶ୍ଚର୍ଯ୍ୟର କଥା ହେଉଛି ୯ ବର୍ଷ ଧରି ଜାପାନ ପ୍ରଧାନମନ୍ତ୍ରୀ ଦାୟିତ୍ୱ ତୁଲାଇଥିବା ଆବେଙ୍କ ଚିନ୍ତାଧାରାକୁ ବିରୋଧ କରି ତାଙ୍କୁ ହତ୍ୟା କରିଛି ଆତତାୟୀ । ଶିଞ୍ଜୋ ଆବେଙ୍କ ଶାସନ କାଳରେ ଭାରତ ଓ ଜାପାନର ସମ୍ପର୍କରେ ନୂଆ ରଙ୍ଗ ଲାଗିଥିଲା ।